ជាតិ
ពីនេះ ពីនោះ
ឈើប្រណិតរសាត់ចេញឆ្ងាយពីដែនដីសុវណ្ណភូមិ!
× ប្រសិនបើអ្នកចង់ធ្វើគ្រឿងសង្ហារិមពីឈើគ្រញូង ឬឈើនាងនួន អ្នកមិនអាចរកបានទៀតឡើយ។ អ្នកអាចរកបានឈើបេងបានខ្លះ ប៉ុន្តែក៏កម្រដែរ។ បើនិយាយពីតម្លៃវិញ ឈើគ្រញូង និងឈើនាងនួនឡើងថ្លៃកប់ពពក ហើយរកឈើមិនបានទៀតផង។
នាពេល កន្លងមក ឈើគ្រញូងខ្មែរត្រូវបានឈ្មូញនាំចេញទៅកាន់ប្រទេសវៀតណាម មុននឹងនាំចេញទៅកាន់ប្រទេសចិន។ ឈើនាងនួន ឬឈើបេង ក៏ដូចគ្នាដែរ។ ឈ្មួញឈើបាននាំចេញឈើមិនទាន់កែច្នៃទៅកាន់ប្រទេសវៀតណាម ឬប្រទេសចិន។ ប្រទេសទាំងពីរនេះ ទិញឈើពីប្រទេសកម្ពុជា បន្ទាប់មក ពួកគេកែច្នៃ មុននឹងលក់ចេញទៅលើទីផ្សារក្នុងតម្លៃកប់ពពក។ ចំពោះខ្មែរវិញ ប្រទេសនេះលក់ឈើមិនទាន់កែច្នៃ បានតម្លៃថោកៗប៉ុណ្ណោះ។
ប្រសិនបើ ឈើមិនទាន់កែច្នៃលក់បាន១០០លានដុល្លារអាមេរិក គ្រឿងសង្ហារិមកែច្នៃរួចហើយ ពិតជាមានតម្លៃដល់ទៅ៦០០ឬ៧០០លានដុល្លារអាមេរិកដោយសារភាពការកែច្នៃ។
អ្វីដែល ជាការកត់សម្គាល់ខ្លាំងទៀតនោះគឺថា ប្រជាជនខ្មែរគ្មានសង្ឃឹមថា មានសង្ហារិមធ្វើពីឈើប្រណិតខ្មែរប្រើប្រាស់ទៀតឡើយ ពីព្រោះឈើកាន់តែអស់ ហើយតម្លៃវាកើនឡើងកាន់តែខ្លាំងពីមួយថ្ងៃទៅមួយថ្ងៃ៕
សូ ភាសិត
© រក្សាសិទ្ធិដោយ thmeythmey.com