អន្តរជាតិ
នយោបាយអន្តរជាតិ
ជប៉ុនអនុម័តកញ្ចប់ថវិកាយោធាប្រឆាំងឥទ្ធិយោធារបស់ចិន
×
គណៈរដ្ឋមន្ត្រីជប៉ុនបានអនុម័តកញ្ចប់ថវិកាធំបំផុតដែលមិនធ្លាប់មានក្នុងប្រវត្តិសាស្ត្ររបស់ជប៉ុនលើវិស័យការពារជាតិក្នុងគោលបំណងចម្បងធានាអោយបានសុវត្ថិភាពនិងសន្តិសុខរបស់ជប៉ុននិងជាពិសេសនោះដើម្បីឆ្លើយតបនិងការកើនឡើងរបស់យោធារបស់ចិននៅក្នុងតំបន់វិវាទរវាងប្រទេសទាំងពីរនិងតំបន់អាស៊ីប៉ាស៊ីហ្វិក។
កាលពីថ្ងៃទី១៤មករាកន្លងទៅនេះលោកនាយករដ្ឋមន្ត្រីជបុនស៊ិនហ្សូអាបេបានអនុម័តកញ្ចប់ថវិកាថ្មីប្រចាំ២០១៥លើវិស័យការពារជាតិដើម្បីទិញនូវសព្វាវុធទំនើបៗដើម្បីជាការពង្រឹងនូវវិស័យយោធារបស់ខ្លួននិងឆ្លើយតបនឹងការកើនឡើងនៃវិស័យយោធារបស់ចិននៅក្នុងតំបន់អាស៊ី។
កញ្ចប់ថវិកាដែលមានទំហំប្រមាណ៤២ ពាន់លានដុល្លារសហរដ្ឋអាមេរិកលើវិស័យការពារជាតិត្រូវបានអនុញដោយគណៈរដ្ឋមន្ត្រីជប៉ុនបានក្លាយជាកញ្ចប់ថវិកាធំបំផុតរបស់ជប៉ុនក្រោមការដឹកនាំរបស់នាយករដ្ឋមន្ត្រីស៊ិនហ្សូអាបេនៅក្នុងអាណត្តិទី២របស់លោកដែលផ្លាស់ប្តូរបរិយាកាសជុំវិញប្រទេសដើម្បីធានាអោយបានការការពារដែនអាកាសសមុទ្រដែនគោកនិងប្រជាជនរបស់របស់ជប៉ុទាំងមូល។
លើសពីនេះទៅទៀតបើយោងតាមរដ្ឋមន្ត្រីការពារជាតិកញ្ចប់ថវិកានេះផងដែរត្រូវបានអនុម័តឡើងដើម្បីសម្រេចអោយបានប្រពន្ធ័ការពារជាតិដ៏រឹងម៉ាំមួយដែលអាចឆ្លើយតបទៅនឹងរាល់ស្ថានភាពដែលអាចកើតជាពិសេសនោះ គឺដើម្បីតបតទៅនឹងចលនាឈ្លានពានរបស់ចិនដែលព្យាយាមធ្វើអោយស្ថានភាពនៅតំបន់កាន់តែអាក្រក់ដោយសារតែការកើនឡើងនៃយោធាខ្លួន។
មួយវិញទៀតសម្រាប់ថវិកាដែលអនុម័តដោយគណៈរដ្ឋមន្ត្រីនេះគឺគ្រោងនឹងចំណាយលើការទិញសព្វាវុធដូចជាយន្តហោះល្បាតយន្តហោះប្រកាសអាសន្នយន្តហោះតាមប្រមាញ់និងសព្វាវុធទំនើបៗផ្សេងទៀត។យ៉ាងណាមិញទោះបីជាកញ្ចប់ថវិកានេះមិនទាន់បានអនុម័តដោយសភារបស់ជប៉ុនក៏ដោយបញ្ហា្ននេះមិនមែនជាបញ្ហាចោទនោះទេព្រោះសភាទាំងពីរគឺជាសុទ្ធសឹងតែគ្រប់គ្រងដោយបក្សរបស់លោកនាយករដ្ឋមន្ត្រីស៊ិនហ្សូអាបេ។
គួរបញ្ជាក់ផងដែរបញ្ហាជម្លោះដែនកោះសេនកាគូ ដែលស្ថិតនៅភាគខាងកើតនៃសមុទ្រហើយត្រូវបានគ្រប់គ្រងដោយជប៉ុនបានធ្វើអោយជប៉ុននិងចិនបានធ្វើអោយមានការប្រឈមមុខដាក់គ្នាជាញឹកញាប់។ហើយបញ្ហានេះក៏ជាកត្តាមួយដែលរដ្ឋាភិបាលជប៉ុនត្រូវតែបង្កើននូវសមត្ថភាពយោធារបស់ខ្លួនដើម្បីឆ្លើយតបនិងកម្លាំងយោធាដ៏មហិមារបស់ចិន៕
© រក្សាសិទ្ធិដោយ thmeythmey.com