ជាតិ
×![]()
លោក Rodney M. Elliott អភិបាលក្រុងឡូវែល (Lowell) នៅក្នុងរដ្ឋម៉ាស្សាឈូសេត (Massachusetts) សហរដ្ឋអាមេរិក និងតំណាងរាស្ត្រគណបក្សសង្គ្រោះជាតិនឹងជួបសួរសុខទុក្ខស្ត្រីសកម្មជនដីធ្លីដែលកំពុងជាប់ឃុំក្នុងពន្ធនាគារព្រៃសទាំង១០នាក់ នៅវេលាម៉ោង ២:០០នាទី ថ្ងៃទី១៦ ខែមករានេះ។
តំណាងរាស្ត្ររបស់គណបក្សសង្គ្រោះជាតិ លោក អ៊ុំ សំអាន បានដាក់លិខិតស្នើសុំការអនុញ្ញាតពីលោក គុយ ប៊ុនសន អគ្គនាយកនៃនាយកដ្ឋានពន្ធនាគារនៃក្រសួងមហាផ្ទៃ កាលពីថ្ងៃទី១៤ ខែមករា ដើម្បីឲ្យរូបលោក ជាមួយសមាជិករដ្ឋសភា១រូប និងសហការី ព្រមទាំងគណៈប្រតិភូនៃក្រុងឡូវែលដែលក្នុងនោះមានលោក Rodney Elliot អភិបាលក្រុងឡូវែល ដើម្បីចូលសួរសុខទុក្ខស្ត្រីសកម្មជនទាំង១០នាក់។ នៅថ្ងៃទី១៥ មករា ម្សិលមិញនេះដែរ អគ្គនាយកនៃនាយកដ្ឋានពន្ធនាគារនៃក្រសួងមហាផ្ទៃ លោក គុយ ប៊ុនសន ក៏បានចុះហត្ថលេខាអនុញ្ញាតឲ្យតំណាងរាស្ត្រ និងគណៈប្រតិភូចូលសួរសុខទុក្ខតាមការស្នើសុំផងដែរ។
ស្ត្រីសកម្មជនដីធ្លី១០នាក់ដែលកំពុងជាប់ឃុំនៅពន្ធនាគារនោះ រួមមាន លោកស្រី ទេព វន្នី លោកស្រី ផាន់ ឈុនរ៉េត លោកស្រី គង់ ចន្ថា កញ្ញា សុង ស្រីលាភ លោកស្រី បូ ឆវី លោកស្រី ង៉ែត ឃុន លោកស្រី ណង ស្រេង លោកស្រី អ៊ឹម ស្រីទូច លោកស្រី ភូង ស្រីភាព និងលោកស្រី ភួង ពេជ្រ។ ពួកគេត្រូវបានចាប់ខ្លួន ដោយហេតុថា ពួកគេព្យាយាមតវ៉ាបិទផ្លូវ ទាមទារឲ្យមានអន្តរាគមន៍រំដោះទឹកស្អុយចេញពីភូមិ នៅមុខសាលារាជធានីភ្នំពេញ កាលពី ថ្ងៃទី១០ ខែវិច្ឆិកា ឆ្នាំ២០១៤ ។ បន្ទាប់ពីមានការចាប់ខ្លួន និងសាកសួរ ពួកគេត្រូវបានសាលាដំបូងរាជធានីភ្នំពេញកាត់ទោសឲ្យជាប់ពន្ធនាគារម្នាក់១ឆ្នាំ និងពិន័យជាប្រាក់ម្នាក់២លានរៀល។
នៅរសៀល ថ្ងៃទី ២២ ខែមករា ឆ្នាំ២០១៥ខាងមុននេះ ស្រី្តទាំង១០នាក់នឹងត្រូវឡើងសាលា ឧទ្ធរណ៍សាជាថ្មីទាក់ទិននឹងបណ្តឹងសុំនៅក្រៅឃុំ។
គួរម្លឹកថា កាលពីថ្ងៃទី១៥ម្សិលមិញនេះ សកម្មជនដីធ្លីក្នុងសហគមន៍បឹងកក់ និងសហគមន៍ផ្សេងទៀត រួមជាមួយ ព្រះសង្ឃជាង ១០០អង្គ នាក់ បានដើរចែកលិខិតអញ្ជើញជាង ៤ពាន់សន្លឹក ដើម្បីឥ្យតំណាងស្ថានទូត សាធារណជន អង្គការសង្គមស៊ីវិលជាតិ និងអន្តរជាតិចូលរួមឃ្លាំមើលការជំនុំជម្រះទោសរបស់ចៅក្រម សាលាឧទ្ធរណ៍លើករណីនេះផងដែរ៕
តំណាងរាស្ត្ររបស់គណបក្សសង្គ្រោះជាតិ លោក អ៊ុំ សំអាន បានដាក់លិខិតស្នើសុំការអនុញ្ញាតពីលោក គុយ ប៊ុនសន អគ្គនាយកនៃនាយកដ្ឋានពន្ធនាគារនៃក្រសួងមហាផ្ទៃ កាលពីថ្ងៃទី១៤ ខែមករា ដើម្បីឲ្យរូបលោក ជាមួយសមាជិករដ្ឋសភា១រូប និងសហការី ព្រមទាំងគណៈប្រតិភូនៃក្រុងឡូវែលដែលក្នុងនោះមានលោក Rodney Elliot អភិបាលក្រុងឡូវែល ដើម្បីចូលសួរសុខទុក្ខស្ត្រីសកម្មជនទាំង១០នាក់។ នៅថ្ងៃទី១៥ មករា ម្សិលមិញនេះដែរ អគ្គនាយកនៃនាយកដ្ឋានពន្ធនាគារនៃក្រសួងមហាផ្ទៃ លោក គុយ ប៊ុនសន ក៏បានចុះហត្ថលេខាអនុញ្ញាតឲ្យតំណាងរាស្ត្រ និងគណៈប្រតិភូចូលសួរសុខទុក្ខតាមការស្នើសុំផងដែរ។
ស្ត្រីសកម្មជនដីធ្លី១០នាក់ដែលកំពុងជាប់ឃុំនៅពន្ធនាគារនោះ រួមមាន លោកស្រី ទេព វន្នី លោកស្រី ផាន់ ឈុនរ៉េត លោកស្រី គង់ ចន្ថា កញ្ញា សុង ស្រីលាភ លោកស្រី បូ ឆវី លោកស្រី ង៉ែត ឃុន លោកស្រី ណង ស្រេង លោកស្រី អ៊ឹម ស្រីទូច លោកស្រី ភូង ស្រីភាព និងលោកស្រី ភួង ពេជ្រ។ ពួកគេត្រូវបានចាប់ខ្លួន ដោយហេតុថា ពួកគេព្យាយាមតវ៉ាបិទផ្លូវ ទាមទារឲ្យមានអន្តរាគមន៍រំដោះទឹកស្អុយចេញពីភូមិ នៅមុខសាលារាជធានីភ្នំពេញ កាលពី ថ្ងៃទី១០ ខែវិច្ឆិកា ឆ្នាំ២០១៤ ។ បន្ទាប់ពីមានការចាប់ខ្លួន និងសាកសួរ ពួកគេត្រូវបានសាលាដំបូងរាជធានីភ្នំពេញកាត់ទោសឲ្យជាប់ពន្ធនាគារម្នាក់១ឆ្នាំ និងពិន័យជាប្រាក់ម្នាក់២លានរៀល។
នៅរសៀល ថ្ងៃទី ២២ ខែមករា ឆ្នាំ២០១៥ខាងមុននេះ ស្រី្តទាំង១០នាក់នឹងត្រូវឡើងសាលា ឧទ្ធរណ៍សាជាថ្មីទាក់ទិននឹងបណ្តឹងសុំនៅក្រៅឃុំ។
គួរម្លឹកថា កាលពីថ្ងៃទី១៥ម្សិលមិញនេះ សកម្មជនដីធ្លីក្នុងសហគមន៍បឹងកក់ និងសហគមន៍ផ្សេងទៀត រួមជាមួយ ព្រះសង្ឃជាង ១០០អង្គ នាក់ បានដើរចែកលិខិតអញ្ជើញជាង ៤ពាន់សន្លឹក ដើម្បីឥ្យតំណាងស្ថានទូត សាធារណជន អង្គការសង្គមស៊ីវិលជាតិ និងអន្តរជាតិចូលរួមឃ្លាំមើលការជំនុំជម្រះទោសរបស់ចៅក្រម សាលាឧទ្ធរណ៍លើករណីនេះផងដែរ៕
© រក្សាសិទ្ធិដោយ thmeythmey.com
