អន្តរជាតិ
នយោបាយអន្តរជាតិ
×![]()
អង្គការសហប្រជាជាតិបានអំពាវនាវទៅកាន់រដ្ឋាភិបាលក្រុងជេរ៉ូសាឡិមអោយប្រញាប់ផ្ទេរលុយពន្ធទៅអោយរដ្ឋាភិបាលប៉ាឡេស្ទីនវិញ។ អ៊ីស្រាអែលបានសម្រេចបង្កកការផ្ទេរលុយពន្ធទៅអោយរដ្ឋាភិបាលប៉ាឡេស្ទីនក្រោយពេលដែលអាជ្ញាធរប៉ាឡេស្ទីនស្នើសុំចូលជាសមាជិកតុលាការព្រហ្មទណ្ឌអន្តរជាតិ។ក្រៅពអង្គការសហប្រជាជនសហរដ្ឋអាមេរិកបានប្រកាសប្រឆាំងនឹងវិធានការនេះដែរ។
លោក សៅ ផលនិស្ស័យ លម្អិតព័ត៌មាននេះ!
ក្រោយពេលដែលរដ្ឋាភិបាលក្រុងជេរ៉ូសាឡិមបានសម្រេចព្យួរការផ្ទេរលុយពន្ធទៅអោយអាជ្ញាធរប៉ាឡេស្ទីន ម្សិលមិញនេះអង្គការសហប្រជាជាតិបានប្រកាសស្នើរអោយរដ្ឋាភិបាលនេះប្រញាប់ផ្ទេរលុយទៅអោយប៉ាឡេស្ទីនវិញ។ ការឈានទៅដល់ការបង្កកលុយបង់ពន្ធទៅអោយប៉ាឡេស្ទីននោះកើតឡើង ក្រោយដែលអាជ្ញាធរប៉ាឡេស្ទីនស្នើសុំចូលជាសមាជិកតុលាការព្រហ្មទណ្ឌអន្តរជាតិកាលពីថ្មីៗកន្លងនេះ។ ប្រមុខអង្គការសហប្រជាជាតិលោក បាន គីមូន បានបង្ហាញក្តីបារម្ភចំពោះបញ្ហានេះ ដោយលោកគិតថាភាគីទាំងពីរអ៊ីស្រាអែល និងប៉ាឡេស្ទីនកំពុងតែផ្ចាញ់ផ្ចាលគ្នាទៅវិញមក ហើយធ្វើអោយខូចខាតដល់ដំណើរការកសាងសន្តិភាពរវាងភាគីជម្លោះទាំងពីរនេះផងដែរ។
ថ្លែងប្រាប់ទៅកាន់កិច្ចប្រជុំក្រុមប្រឹក្សាសន្តិសុខ អនុប្រធានអង្កការសហប្រជាជាតិទទួលបន្ទុកកិច្ចការនយោបាយលោក Jens Anders Toyberg-Frandzen បានអំពាវនាវអោយអ៊ីស្រាអែលផ្ទេរលុយពន្ធទៅអោយអាជ្ញាធរប៉ាឡេស្ទីនជាប្រញាប់ ដើម្បីធានាថា ភាគីទាំងពីរអាចស្រុះស្រួលគ្នាជជែកពិភាក្សាលើកការដោះស្រាយជម្លោះបន្តទៀត។ កាលពីប៉ុន្មានសប្តាហ៍មុន អ៊ីស្រាអែលនបានបញ្ជាក់ថាថវិកាពន្ធប្រមាណ ១២៧លានដុល្លារដែលខ្លួនប្រមូលជំនួសអោយអាជ្ញាធរប៉ាឡេស្ទីនមិនត្រូវបញ្ជូនទៅអោយអាជ្ញាធរប៉ាឡេស្ទីនឡើយ។ តាមពិតទៅអ៊ីស្រាអែលទទួលបន្ទុកប្រមូលពន្ធជំនួសអោយអាជ្ញាធរប៉ាឡេស្ទីន ហើយទំហំលុយពន្ធប្រមូលបាននេះអាចនិយាយបានថាស្មើនឹងពីភាគបីនៃថវិកាសរុបរបស់អាជ្ញាធរប៉ាឡេស្ទីនផងដែរ។ ការសម្រេចមិនបញ្ជូនលុយពន្ធច្រើនសន្ធឹកសន្ធាប់ទៅអោយអាជ្ញាធរប៉ាឡេស្ទីននៅពេលនេះកំពុងធ្វើអោយភាគីទាំងពីរអ៊ីស្រាអែលនិងប៉ាឡេស្ទីនប្រឈមមុខដាក់គ្នាកាន់តែខ្លាំង ហើយប៉ាឡេស្ទីនហាក់បីដូចជាមិនរារែកក្នុងការបន្តស្នើសុំការទទួលស្គាល់ខ្លួនជារដ្ឋឯករាជ្យដោយសហគមន៍អន្តរជាតិផងដែរ។
ដោយឡែកកាលពីម្សិលមិញដែរ ប្រមុខអាជ្ញាធរប៉ាឡេស្ទីនលោក ម៉ាមូត អាបាស បានស្នើសុំទៅកាន់សមាជិកសម្ព័ន្ធអារ៉ាប់ដែលបើកកិច្ចប្រជុំរដ្ឋមន្ត្រីការបរទេសនៅក្នុងទីក្រុង គែរប្រទេសអេហ្ស៊ីប អោយផ្តល់លុយដល់អាជ្ញាធរប៉ាឡេស្ទីន ១០០លានដុល្លារៀងរាល់ខែដើម្បីធានាពីដំណើរការនៃស្ថាប័នក្រោយអ៊ីស្រាអែលមិនព្រមផ្ទេរលុយដល់ខ្លួន។ ក្រោយអ៊ីស្រាអែលព្យួរការផ្ទេរពន្ធ ប៉ាឡេស្ទីនត្រូវបង្ខំចិត្ត មិនបង់លុយបៀវត្សន៍ដល់បុគ្គលិករបស់ខ្លួនជាង ១៥ម៉ឺននាក់។ ក្រៅពីនេះប្រមុខអាជ្ញាធរប៉ាឡេស្ទីនខាងលើក៏ស្នើសុំអោយសម្ព័ន្ធអារ៉ាប់ជួយសម្រួលនិងរៀបចំការស្នើសុំជាថ្មីអោយក្រុមប្រឹក្សាសន្តិសុខចេញដំណោះស្រាយថ្មីបញ្ជាអោយអ៊ីស្រាអែលបញ្ចប់អាណានិគមរបស់ខ្លួនត្រឹមឆ្នាំ ២០១។
គួរបញ្ជាក់បន្តិចថា ការឈានទៅស្នើសុំជាសមាជិកតុលាការព្រហ្មទណ្ឌអន្តរជាតិរបស់ប៉ាឡេស្ទីនកើតមានឡើងក្រោយពេលក្រុមប្រឹក្សាសន្តិសុខបរាជ័យក្នុងការអនុម័តដំណោះស្រាយព្រាងដោយអាជ្ញាធរប៉ាឡេស្ទីន និងបណ្តាប្រទេសអារ៉ាប់ ។ ប៉ាឡេស្ទីនខកចិត្តចំពោះការបរាជ័យជាថ្មីម្តងទៀតនេះ ក៏សម្រេចបន្តសកម្មភាពរបស់ខ្លួនដោយស្នើសុំចូលរួមជាមួយតុលាការព្រហ្មទណ្ឌអន្តរជាតិដើម្បីទាមទារអោយមានការកាត់ទោសមេដឹកនាំអ៊ីស្រាអែលក្នុងការប្រព្រឹត្តបទឧក្រិដ្ឋសង្គ្រាម៕
លោក សៅ ផលនិស្ស័យ លម្អិតព័ត៌មាននេះ!
ក្រោយពេលដែលរដ្ឋាភិបាលក្រុងជេរ៉ូសាឡិមបានសម្រេចព្យួរការផ្ទេរលុយពន្ធទៅអោយអាជ្ញាធរប៉ាឡេស្ទីន ម្សិលមិញនេះអង្គការសហប្រជាជាតិបានប្រកាសស្នើរអោយរដ្ឋាភិបាលនេះប្រញាប់ផ្ទេរលុយទៅអោយប៉ាឡេស្ទីនវិញ។ ការឈានទៅដល់ការបង្កកលុយបង់ពន្ធទៅអោយប៉ាឡេស្ទីននោះកើតឡើង ក្រោយដែលអាជ្ញាធរប៉ាឡេស្ទីនស្នើសុំចូលជាសមាជិកតុលាការព្រហ្មទណ្ឌអន្តរជាតិកាលពីថ្មីៗកន្លងនេះ។ ប្រមុខអង្គការសហប្រជាជាតិលោក បាន គីមូន បានបង្ហាញក្តីបារម្ភចំពោះបញ្ហានេះ ដោយលោកគិតថាភាគីទាំងពីរអ៊ីស្រាអែល និងប៉ាឡេស្ទីនកំពុងតែផ្ចាញ់ផ្ចាលគ្នាទៅវិញមក ហើយធ្វើអោយខូចខាតដល់ដំណើរការកសាងសន្តិភាពរវាងភាគីជម្លោះទាំងពីរនេះផងដែរ។
ថ្លែងប្រាប់ទៅកាន់កិច្ចប្រជុំក្រុមប្រឹក្សាសន្តិសុខ អនុប្រធានអង្កការសហប្រជាជាតិទទួលបន្ទុកកិច្ចការនយោបាយលោក Jens Anders Toyberg-Frandzen បានអំពាវនាវអោយអ៊ីស្រាអែលផ្ទេរលុយពន្ធទៅអោយអាជ្ញាធរប៉ាឡេស្ទីនជាប្រញាប់ ដើម្បីធានាថា ភាគីទាំងពីរអាចស្រុះស្រួលគ្នាជជែកពិភាក្សាលើកការដោះស្រាយជម្លោះបន្តទៀត។ កាលពីប៉ុន្មានសប្តាហ៍មុន អ៊ីស្រាអែលនបានបញ្ជាក់ថាថវិកាពន្ធប្រមាណ ១២៧លានដុល្លារដែលខ្លួនប្រមូលជំនួសអោយអាជ្ញាធរប៉ាឡេស្ទីនមិនត្រូវបញ្ជូនទៅអោយអាជ្ញាធរប៉ាឡេស្ទីនឡើយ។ តាមពិតទៅអ៊ីស្រាអែលទទួលបន្ទុកប្រមូលពន្ធជំនួសអោយអាជ្ញាធរប៉ាឡេស្ទីន ហើយទំហំលុយពន្ធប្រមូលបាននេះអាចនិយាយបានថាស្មើនឹងពីភាគបីនៃថវិកាសរុបរបស់អាជ្ញាធរប៉ាឡេស្ទីនផងដែរ។ ការសម្រេចមិនបញ្ជូនលុយពន្ធច្រើនសន្ធឹកសន្ធាប់ទៅអោយអាជ្ញាធរប៉ាឡេស្ទីននៅពេលនេះកំពុងធ្វើអោយភាគីទាំងពីរអ៊ីស្រាអែលនិងប៉ាឡេស្ទីនប្រឈមមុខដាក់គ្នាកាន់តែខ្លាំង ហើយប៉ាឡេស្ទីនហាក់បីដូចជាមិនរារែកក្នុងការបន្តស្នើសុំការទទួលស្គាល់ខ្លួនជារដ្ឋឯករាជ្យដោយសហគមន៍អន្តរជាតិផងដែរ។
ដោយឡែកកាលពីម្សិលមិញដែរ ប្រមុខអាជ្ញាធរប៉ាឡេស្ទីនលោក ម៉ាមូត អាបាស បានស្នើសុំទៅកាន់សមាជិកសម្ព័ន្ធអារ៉ាប់ដែលបើកកិច្ចប្រជុំរដ្ឋមន្ត្រីការបរទេសនៅក្នុងទីក្រុង គែរប្រទេសអេហ្ស៊ីប អោយផ្តល់លុយដល់អាជ្ញាធរប៉ាឡេស្ទីន ១០០លានដុល្លារៀងរាល់ខែដើម្បីធានាពីដំណើរការនៃស្ថាប័នក្រោយអ៊ីស្រាអែលមិនព្រមផ្ទេរលុយដល់ខ្លួន។ ក្រោយអ៊ីស្រាអែលព្យួរការផ្ទេរពន្ធ ប៉ាឡេស្ទីនត្រូវបង្ខំចិត្ត មិនបង់លុយបៀវត្សន៍ដល់បុគ្គលិករបស់ខ្លួនជាង ១៥ម៉ឺននាក់។ ក្រៅពីនេះប្រមុខអាជ្ញាធរប៉ាឡេស្ទីនខាងលើក៏ស្នើសុំអោយសម្ព័ន្ធអារ៉ាប់ជួយសម្រួលនិងរៀបចំការស្នើសុំជាថ្មីអោយក្រុមប្រឹក្សាសន្តិសុខចេញដំណោះស្រាយថ្មីបញ្ជាអោយអ៊ីស្រាអែលបញ្ចប់អាណានិគមរបស់ខ្លួនត្រឹមឆ្នាំ ២០១។
គួរបញ្ជាក់បន្តិចថា ការឈានទៅស្នើសុំជាសមាជិកតុលាការព្រហ្មទណ្ឌអន្តរជាតិរបស់ប៉ាឡេស្ទីនកើតមានឡើងក្រោយពេលក្រុមប្រឹក្សាសន្តិសុខបរាជ័យក្នុងការអនុម័តដំណោះស្រាយព្រាងដោយអាជ្ញាធរប៉ាឡេស្ទីន និងបណ្តាប្រទេសអារ៉ាប់ ។ ប៉ាឡេស្ទីនខកចិត្តចំពោះការបរាជ័យជាថ្មីម្តងទៀតនេះ ក៏សម្រេចបន្តសកម្មភាពរបស់ខ្លួនដោយស្នើសុំចូលរួមជាមួយតុលាការព្រហ្មទណ្ឌអន្តរជាតិដើម្បីទាមទារអោយមានការកាត់ទោសមេដឹកនាំអ៊ីស្រាអែលក្នុងការប្រព្រឹត្តបទឧក្រិដ្ឋសង្គ្រាម៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
31 នាទី
