ជាតិ
សង្គមជាតិ
កម្ពុជាធ្វើជាម្ចាស់ផ្ទះ ក្នុងសន្និសីទលើកទី៣ស្តីពីប្រសិទ្ធិភាពថាមពលអាស៊ីបូព៌ា
× ប្រទេសកម្ពុជា បានធ្វើជាម្ចាស់ផ្ទះនៅក្នុងសន្និសីទលើកទី៣ស្តីពីប្រសិទ្ធិភាពថាមពលអាស៊ីបូព៌ា ដែលបានរៀបចំធ្វើនៅថ្ងៃទី១៦ខែមករានេះ នៅសណ្ឋាគារសូហ្វីតែល រាជធានីភ្នំពេញ។
សន្និសីទលើកទី៣នេះ មានការចូលរួមពីប្រទេសទាំង១០នៅតំបន់អាស៊ាន និងបណ្តាប្រទេសដែលជាដៃគូមួយចំនួន ដូចជាប្រទេសចិន ជប៉ុន កូរ៉េ ឥណ្ឌា អូស្ត្រាលី ណូវែលសូឡង់ និងអាមេរិកជាដើម។ ប្រទេសទាំងអស់ បានជួបពិភាក្សា និងធ្វើការចែករំលែក បទពិសោធន៍ ព្រមទាំងទទួលយកយោបល់ពីគ្នាគ្នាទៅវិញទៅមកក្នុងការ អប់រំ និងផ្សព្វផ្សាយដល់ប្រជាពលរដ្ឋនៅក្នុងប្រទេសនីមួយៗ មានចំណេះដឹងក្នុងការប្រើប្រាស់ថាមពលឱ្យមានប្រសិទ្ធិភាព និងសន្សំសំចៃ។
លោក អ៊ិត ប្រាំង រដ្ឋលេខាធិការក្រសួងរ៉ែ និងថាមពល ក៏បានមានប្រសាសន៍ឱ្យដឹងដែរថា ក្រៅពីការផ្លាស់ប្តូរបទពិសោធន៍គ្នា សន្និសីទនេះ បានពិភាក្សាគ្នាទាក់ទងនឹងថាមពលចំនួន៥ចំណុចសំខាន់ៗ បន្ថែមទៀត រួមមាន ការគ្រប់គ្រងថាមពល ការកកើតឡើងវិញនៃថាមពល ប្រសិទ្ធិភាពថាមពល និងការមិនបន្ទោសនូវថាមពលកាបូន តុល្យភាពកំណើនសេដ្ឋកិច្ចនៃថាមពល និងជំរុញការអភិវឌ្ឍប្រទេសកម្ពុជា៕
© រក្សាសិទ្ធិដោយ thmeythmey.com