ជាតិ
សុខភាព
×![]()
លោក ម៉ម ប៊ុនហេង រដ្ឋមន្ដ្រីក្រសួងសុខាភិបាល បានធ្វើការអំពាវនាវឲ្យប្រជាពលរដ្ឋនៅទូទាំងប្រទេសកម្ពុជា ត្រូវតែឈប់រកសេវាព្យាបាលពីគ្រូពេទ្យមិនមានវិជ្ជាជីវៈ ដែលគ្មានច្បាប់អនុញ្ញាតត្រឹមត្រូវ។ ការអំពាវនាវនេះគឺ ដើម្បីចៀសវាងការឆ្លងមេរោគផ្សេងៗ ជាពិសេសគឺ មេរោគអេដស៍ ដូចករណីដែលពលរដ្ឋជាង ២០០នាក់ ក្នុងឃុំរកា ខេត្តបាត់ដំបង បានឆ្លងមេរោគមួយនេះ។
យោងតាមទីភ្នាក់ងារសារព័ត៌មានរដ្ឋ AKP លោក ម៉ម ប៊ុនហេងរដ្ឋមន្ដ្រីក្រសួងសុខាភិបាល បានសំណូមពរឱ្យប្រជាពលរដ្ឋផ្លាស់ប្ដូរទម្លាប់ពីការទទួលសេវាព្យាបាលពីអ្នកព្យាបាលគ្មានច្បាប់អនុញ្ញាតនោះ ងាកមកប្រើប្រាស់សេវាព្យាបាលរបស់គ្រូពេទ្យរដ្ឋវិញ ដោយហេតុថា គ្រូពេទ្យរបស់រដ្ឋសុទ្ធតែមានជំនាញវិជ្ជាជីវៈនិងឆ្លងកាត់ការត្រួតពិនិត្យត្រឹមត្រូវពីក្រសួង សុខាភិបាល។
លោកបានអំពាវនាវបែបនេះ នាពិធីចែកអត្ដសញ្ញាណប័ណ្ណពលរដ្ឋ ក្នុងខណ្ឌសែនសុខ នៅថ្ងៃទី១៤ខែមករា ឆ្នាំ២០១៥កន្លងមកនេះ រដ្ឋមន្ត្រីសុខាភិបាលរូបនេះ បន្ថែមថា ការរកសេវា ព្យាបាលរបស់រដ្ឋគឺ ដើម្បីងាយស្រួលក្នុងការតាមដាន និងត្រួតពិនិត្យសកម្មភាព និងឥរិយាបថរបស់គ្រូពេទ្យ ដែលបានប្រព្រឹត្ដនូវអំពើខុសវិជ្ជាជីវៈពេទ្យ។
លោកថា ការទារយកលុយលើសពីតារាងកំណត់ប្រជាពលរដ្ឋអាចសរសេរសំបុត្ររិះគន់ កែលម្អគ្រូពេទ្យនៅតាមមណ្ឌលសុខភាពទាំងនោះបាន។
ការក្រើនរម្លឹករបស់ លោក ម៉ម ប៊ុនហេង នេះបន្ទាប់ពីកើតមានករណីឆ្លងជំងឺអេដស៍ដល់ ពលរដ្ឋជាង ២០០នាក់ដែលកំពុងរស់នៅក្នុងឃុំរកា ខេត្តបាត់ដំបង ក្នុងចំណោមពលរដ្ឋជាង ២ពាន់នាក់ដែលបានធ្វើតេស្តឈាម។
លោក យ៉ែម ជ្រិន ដែលជាពេទ្យប្រចាំឃុំនោះ ត្រូវបានចាត់ទុកថាជាអ្នកចម្លងមេរោគអេដស៍ តាមរយៈការព្យាបាលប្រើប្រាស់ម្ជុលចាក់ថ្នាំរួមគ្នា។ បន្ទាប់ពីការស៊ើបសួររួចមក លោកត្រូវបានតុលាការខេត្តបាត់ដំបងចោទប្រកាន់ពីបទឃាតកម្មអំពើឃោរឃៅ (មាត្រា ២០៥)នៃក្រមព្រហ្មទណ្ឌ ការប្រព្រឹត្តចម្លងមេរោគដេស៍ទៅអ្នកដទៃ (មាត្រា១៨និងមាត្រា៥០) នៃច្បាប់ស្តីពីការបង្ការនិងការប្រយុទ្ធទប់ស្កាត់ការរីករាលដាលមេរោគអេដស៍/ជំងឺអេដស៍ និងបទធ្វើអាជីវកម្មពេទ្យដោយគ្មានការអនុញ្ញាត។ លោកត្រូវបានបញ្ជូនទៅឃុំខ្លួននៅក្នុងពន្ធនាគារខេត្តបាត់ដំបង។ ក្រោមបទចោទប្រកាន់ទាំងនេះ លោក យ៉ែម ជ្រិន អាចប្រឈមមុខនឹងជាប់ពន្ធនាគារមួយជីវិតទៀតផង។
បើតាមសេចក្តីប្រកាសរួមរវាងក្រសួងសុខាភិបាលកម្ពុជាអង្គការសុខភាពពិភពលោក (WHO) និង អង្គការ UNAIDS កាលពីថ្ងៃទី៩ ខែមករា ឆ្នាំ២០១៥នេះមូលហេតុនៃការឆ្លងជំងឺអេដស៍របស់អ្នកឃុំរកា ស្រុកសង្កែខេត្តបាត់ដំបងនោះ គឺដោយសារការចាក់ថ្នាំ និងការចាក់សេរ៉ូម៕
យោងតាមទីភ្នាក់ងារសារព័ត៌មានរដ្ឋ AKP លោក ម៉ម ប៊ុនហេងរដ្ឋមន្ដ្រីក្រសួងសុខាភិបាល បានសំណូមពរឱ្យប្រជាពលរដ្ឋផ្លាស់ប្ដូរទម្លាប់ពីការទទួលសេវាព្យាបាលពីអ្នកព្យាបាលគ្មានច្បាប់អនុញ្ញាតនោះ ងាកមកប្រើប្រាស់សេវាព្យាបាលរបស់គ្រូពេទ្យរដ្ឋវិញ ដោយហេតុថា គ្រូពេទ្យរបស់រដ្ឋសុទ្ធតែមានជំនាញវិជ្ជាជីវៈនិងឆ្លងកាត់ការត្រួតពិនិត្យត្រឹមត្រូវពីក្រសួង សុខាភិបាល។
លោកបានអំពាវនាវបែបនេះ នាពិធីចែកអត្ដសញ្ញាណប័ណ្ណពលរដ្ឋ ក្នុងខណ្ឌសែនសុខ នៅថ្ងៃទី១៤ខែមករា ឆ្នាំ២០១៥កន្លងមកនេះ រដ្ឋមន្ត្រីសុខាភិបាលរូបនេះ បន្ថែមថា ការរកសេវា ព្យាបាលរបស់រដ្ឋគឺ ដើម្បីងាយស្រួលក្នុងការតាមដាន និងត្រួតពិនិត្យសកម្មភាព និងឥរិយាបថរបស់គ្រូពេទ្យ ដែលបានប្រព្រឹត្ដនូវអំពើខុសវិជ្ជាជីវៈពេទ្យ។
លោកថា ការទារយកលុយលើសពីតារាងកំណត់ប្រជាពលរដ្ឋអាចសរសេរសំបុត្ររិះគន់ កែលម្អគ្រូពេទ្យនៅតាមមណ្ឌលសុខភាពទាំងនោះបាន។
ការក្រើនរម្លឹករបស់ លោក ម៉ម ប៊ុនហេង នេះបន្ទាប់ពីកើតមានករណីឆ្លងជំងឺអេដស៍ដល់ ពលរដ្ឋជាង ២០០នាក់ដែលកំពុងរស់នៅក្នុងឃុំរកា ខេត្តបាត់ដំបង ក្នុងចំណោមពលរដ្ឋជាង ២ពាន់នាក់ដែលបានធ្វើតេស្តឈាម។
លោក យ៉ែម ជ្រិន ដែលជាពេទ្យប្រចាំឃុំនោះ ត្រូវបានចាត់ទុកថាជាអ្នកចម្លងមេរោគអេដស៍ តាមរយៈការព្យាបាលប្រើប្រាស់ម្ជុលចាក់ថ្នាំរួមគ្នា។ បន្ទាប់ពីការស៊ើបសួររួចមក លោកត្រូវបានតុលាការខេត្តបាត់ដំបងចោទប្រកាន់ពីបទឃាតកម្មអំពើឃោរឃៅ (មាត្រា ២០៥)នៃក្រមព្រហ្មទណ្ឌ ការប្រព្រឹត្តចម្លងមេរោគដេស៍ទៅអ្នកដទៃ (មាត្រា១៨និងមាត្រា៥០) នៃច្បាប់ស្តីពីការបង្ការនិងការប្រយុទ្ធទប់ស្កាត់ការរីករាលដាលមេរោគអេដស៍/ជំងឺអេដស៍ និងបទធ្វើអាជីវកម្មពេទ្យដោយគ្មានការអនុញ្ញាត។ លោកត្រូវបានបញ្ជូនទៅឃុំខ្លួននៅក្នុងពន្ធនាគារខេត្តបាត់ដំបង។ ក្រោមបទចោទប្រកាន់ទាំងនេះ លោក យ៉ែម ជ្រិន អាចប្រឈមមុខនឹងជាប់ពន្ធនាគារមួយជីវិតទៀតផង។
បើតាមសេចក្តីប្រកាសរួមរវាងក្រសួងសុខាភិបាលកម្ពុជាអង្គការសុខភាពពិភពលោក (WHO) និង អង្គការ UNAIDS កាលពីថ្ងៃទី៩ ខែមករា ឆ្នាំ២០១៥នេះមូលហេតុនៃការឆ្លងជំងឺអេដស៍របស់អ្នកឃុំរកា ស្រុកសង្កែខេត្តបាត់ដំបងនោះ គឺដោយសារការចាក់ថ្នាំ និងការចាក់សេរ៉ូម៕
© រក្សាសិទ្ធិដោយ thmeythmey.com
