ជាតិ
សង្គមជាតិ
អាជ្ញាធរអប្សរា នឹងកាប់ដើមឈើងាប់ចំនួន៧ដើម នៅតំបន់ឧទ្យានអង្គរ
× អាជ្ញាធរអប្សរា នឹងកាប់ដើមឈើងាប់ចំនួន៧ដើម ក្នុងតំបន់ទេសចរណ៍ខេត្តសៀមរាប នាពេលឆាប់ៗ ខាងមុខ។ ដើមឈើទាំង៧ដើម មានទីតាំងស្ថិតនៅក្បែរកំពែងប្រាសាទបាគង ចំណតរថយន្តមុខ ខាង លិចប្រាសាទតាព្រហ្ម និងនៅមាត់កសិណក្លោងទ្វារដីឆ្នាំង។ នេះបើតាមសេចក្តីជូនដំណឹង របស់អាជ្ញា ធរអប្សរា។
សេចក្តីជូនដំណឹងពីការកាប់ដើមឈើនេះបានធ្វើឡើង បន្ទាប់ពីក្រុមការងារអង្កេត និងស្រាវជ្រាវហានិ ភ័យដើមឈើ នៃនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថានរបស់អាជ្ញាធរអប្សរា ពិនិត្យឃើញថា ដើមឈើទាំងនោះ អាចបាក់ ឬរលំដួលនៅពេលមានខ្យល់ខ្លាំង ដែលអាចបង្កគ្រោះ ថ្នាក់ដល់ភ្ញៀវទេសចរ ឬយានយន្តផ្សេងៗ ដែលធ្វើដំណើរឆ្លងកាត់ ជាពិសេសអាចប៉ះពាល់ដល់កំពែង ប្រាសាទ។
បើតាមសេចក្តីជូនដំណឹងដដែល ដើមឈើទាំង៧ ដែលអាជ្ញាធរអប្សរា នឹងកាប់នាពេលខាងមុខនោះ មានដើមស្វាយចំនួន៤ដើម ដែលដុះនៅជិតកំពែងប្រាសាទបាគង និងតាមផ្លូវដែលប្រជាពលរដ្ឋធ្វើ ដំ ណើរឆ្លងកាត់។ ដើម យាងចំនួន២ដើម នៅចំណតរថយន្តមុខខាងលិចប្រាសាទតាព្រហ្ម និងដើមយាងមួយដើមទៀត នៅមាត់កសិណក្លោងទ្វារដីឆ្នាំង៕
© រក្សាសិទ្ធិដោយ thmeythmey.com