ជាតិ
សង្គមជាតិ
×![]()
ដោយ: ថ្មីៗ
មនុស្សចំនួន៧នាក់បានស្លាប់ និង២០នាក់របួសធ្ងន់និងស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន១៦លើកនៅទូទាំងប្រទេសកម្ពុជា កាលពីថ្ងៃទី១៦ខែមករាម្សិលមិញ។ នេះបើយោងតាមរបាយការណ៍ពីនាយកដ្ឋានសណ្តាប់ធ្នាប់នៃអគ្គស្នងការនគរបាលជាតិ។
របាយការណ៍ដដែលបានឱ្យដឹងទៀតថា ក្នុងគ្រោះថ្នាក់ចរាចរណ៍ដែលបានកើតឡើងទាំង១៦លើកនោះ បានបណ្តាលឲ្យខូចខាតយានយន្តចំនួន៣០គ្រឿង ក្នុងនោះមានម៉ូតូចំនួន១៩គ្រឿង រថយន្តធុនតូច៦គ្រឿង រថយន្តធុនធំ២គ្រឿង និងយានយន្តផ្សេង៣គ្រឿង។
មូលហេតុដែលនាំឲ្យកើតមានគ្រោះថ្នាក់ចរាចរណ៍ គឺបណ្តាលមកពីការបើកបរហួសល្បឿនចំនួន៥លើក ប្រជែងគ្រោះថ្នាក់២លើក មិនគោរពភ្លើងសញ្ញា១លើក មិនគោរពសិទ្ធិ១លើក បត់គ្រោះថ្នាក់២លើក ស្រវឹង៤លើក និងកត្តាយានយន្ត១លើក ក្នុងនោះអ្នកគ្រោះថ្នាក់អត់ពាក់មួកសុវត្ថិភាពចំនួន២២នាក់។
ដោយឡែករថយន្តដែលទទួលរងការផាកពិន័យនៅអង្គភាពមានចំនួន៦៤៩គ្រឿង រួមមានរថយន្តទេសចរណ៍គ្រួសារ៧៨គ្រឿង រថយន្តដឹកអ្នកដំណើរធុនតូចចំនួន២៦៤គ្រឿង រថយន្តដឹកទំនិញធុនតូច១០០គ្រឿង និងរថយន្តដឹកទំនិញធុនធំ២០៧គ្រឿង។ ចំណែកម៉ូតូដែលទទួលរងការផាកពិន័យមានចំនួន១,៤០៣គ្រឿង៕
© រក្សាសិទ្ធិដោយ thmeythmey.com
