ជាតិ
សង្គមជាតិ
មនុស្ស៦នាក់ស្លាប់២២នាក់របួសក្នុងគ្រោះថ្នាក់ចរាចរណ៍ម្សិលមិញ
×
មនុស្សចំនួន៦នាក់បានស្លាប់ និង២២នាក់របួសធ្ងន់និងស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន១៤លើកនៅទូទាំងប្រទេសកម្ពុជា កាលពីថ្ងៃទី១៧ខែមករាម្សិលមិញ។ នេះបើយោងតាមរបាយការណ៍ពីនាយកដ្ឋានសណ្តាប់ធ្នាប់នៃអគ្គស្នងការនគរបាលជាតិ។
របាយការណ៍ដដែលបានឱ្យដឹងទៀតថា ក្នុងគ្រោះថ្នាក់ចរាចរណ៍ដែលបានកើតឡើងទាំង១៤លើកនោះ បានបណ្តាលឲ្យខូចខាតយានយន្តចំនួន២៩គ្រឿង ក្នុងនោះមានម៉ូតូចំនួន១៦គ្រឿង រថយន្តធុនតូច៦គ្រឿង រថយន្តធុនធំ៤គ្រឿង និងយានយន្តផ្សេង៣គ្រឿង។
មូលហេតុដែលនាំឲ្យកើតមានគ្រោះថ្នាក់ចរាចរណ៍ គឺបណ្តាលមកពីការបើកបរហួសល្បឿនចំនួន៤លើក ប្រជែងគ្រោះថ្នាក់១លើក មិនគោរពសិទ្ធិ២លើក បត់គ្រោះថ្នាក់៣លើក និងកត្តាយានយន្ត១លើក ក្នុងនោះអ្នកគ្រោះថ្នាក់អត់ពាក់មួកសុវត្ថិភាពចំនួន២០នាក់។
ដោយឡែករថយន្តដែលទទួលរងការផាកពិន័យនៅអង្គភាពមានចំនួន៦២១គ្រឿង រួមមានរថយន្តទេសចរណ៍គ្រួសារ៧២គ្រឿង រថយន្តដឹកអ្នកដំណើរធុនតូចចំនួន២៦៨គ្រឿង រថយន្តដឹកដឹកអ្នកដំណើរធុនធំ៧គ្រឿង និង រថយន្តដឹកទំនិញធុនតូច១០៧គ្រឿង។ ចំណែកម៉ូតូដែលទទួលរងការផាកពិន័យមានចំនួន១,៧៤៨គ្រឿង៕
© រក្សាសិទ្ធិដោយ thmeythmey.com