ព័ត៍មានសុខភាព
សុខភាព៖ អ្នកឈឺចង្កេះគួររួមភេទរបៀបណា?
× ការបំពេញតម្រូវការនៃការរួមភេទគឺជាចំនុចដ៏សំខាន់បំផុតសំរាប់កសាងទំនាក់ទំនង និងសុខភាព ។ ហើយការភ័យខ្លាចក្នុងការរួមភេទដោយសារតែការឈឺចង្កេះអាចជាបញ្ហាដ៏ធំមួយ ។ ប្រសិនបើជីវិតផ្លូវភេទរបស់អ្នកមានការពិបាកដោយសារតែការឈឺចង្កេះ ចូរកុំព្រួយបារម្ភអី ។ មនុស្សជាច្រើនត្រូវតែប្រឈមមុខនឹងបញ្ហានេះ ហើយយើងអាចមានមធ្យោបាយច្រើនទៀតសំរាប់ដោះស្រាយបានដែរ ។
មធ្យោបាយ ៥ប្រភេទសំរាប់ធ្វើអោយជីវិតផ្លូវភេទមានភាពល្អឡើងវិញ៖
ប្រាប់គ្រូពេទ្យ៖ ការធ្វើដូច្នេះអាចជារឿងមួយពិបាកព្រោះមនុស្សមួយចំនួនមានការអៀនខ្មាសនឹងការនិយាយទាក់ទងនឹងបញ្ហាផ្លូវភេទនេះណាស់ ។ ប៉ុន្តែអ្នកត្រូវតែរកអោយឃើញនូវរបៀបនៃការរួមភេទប្រភេទណាដែលវាល្អចំពោះសុខភាពចង្កេះរបស់អ្នក ។ ការឈឺចង្កេះមួយចំនួនកើតឡើងនៅពេលអោនទៅមុខ ហើយពេលខ្លះទៀតកើតឡើងដោយសារអ្នកធ្វើអោយឈឺតែម្តងក៏មាន ។ ចូរចងចាំថា នៅពេលដែលអ្នកបាននិយាយប្រាប់រឿងនេះអោយគ្រូពេទ្យស្តាប់ហើយ គាត់នឹងអាចរិះរកមធ្យោបាយសំរាប់ជួយអ្នកបានជាមិនខាន ។
និយាយជាមួយដៃគូររបស់អ្នក៖ ដៃគូររួមភេទរបស់អ្នកប្រហែលជាមិនអាចដឹងនូវការឈឺចាប់របស់អ្នកបាននោះទេប្រសិនអ្នកមិនប្រាប់រឿងនឹងទៅគេ ។ ប្រសិនការឈឺចាប់កើតឡើងទៅលើអ្នកក្នុងពេលរួមភេទ អ្នកក៏ត្រូវនិយាយរឿងនោះដែរ ។ ចូរពិភាគក្សាក្នុងការរិះរកនូវក្បាច់ណាមួយដែលធ្វើអោយជិវិតនៅលើគ្រែរបស់អ្នកមានភាពល្អប្រសើ និងមិនប៉ះពាល់ដល់ការឈឺចង្កេះ ។
ធ្វើបន្តិចម្តង៖ ការរួមភេទប្រៀបដូចជាការកំដៅសាច់ដុំមុននឹងហាត់ប្រាណដែរ ហើយវាមានសារៈសំខាន់ ។ ការងូតទឹកក្តៅនឹងអាចជួយអោយសាច់ដុំរបស់អ្នកសំរាក ។ ការម៉ាស្សាអាចជួយធ្វើអោយខ្លួនរបស់អ្នកស្រាល ។ មនុស្សជាច្រើនចូលចិត្តប្រើរបៀបហាត់ប្រាណបែប Yoga ដើម្បីបន្តឹងសាច់ដុំរបស់ពួកគេជាលក្ខណៈថ្នមៗ ។ នៅពេលដែលអ្នករៀបចំនឹងរួមភេទ ចូរប្រើក្បាច់របស់អ្នកយឺតៗ និងថ្នមៗ ។
រៀបចំក្នុងការសាកល្បងអ្វីដែលថ្មី៖ អ្នកប្រហែលជាត្រូវការសាកល្បងក្បាច់ថ្មីមួយផ្សេងទៀតដែលអ្នកមិនធ្លាប់គិតពីមុនមក ។ អ្នកប្រហែលជាត្រូវការប្រើគ្រែដែលរឹងជាងមុន ឬទន់ជាងមុន នៅកំរាលផ្ទាល់ ឬលើកៅអី ។ ការរួមភេទតាមមាត់ប្រហែលជាចងាយស្រួលជាងការរួមភេទផ្សេងៗទៀត ។
ប្រសិនបើមានការឈឺចាប់ចូរបញ្ឈប់ភ្លាម៖ នោះប្រហែលជារឿងជាក់ស្តែងមួយ ប៉ុន្តែនៅពេលដែលតណ្ហាឡើងដល់កំរិតហើយ វាពិបាកក្នុងការគ្រប់គ្រងខ្លាំងណាស់ ។ ចូរព្យាយាមធ្វើវាបន្តិចម្តងៗដូច្នេះអ្នកអាចបញ្ឈប់វាបានភ្លាមប្រសិនបើចង្កេះរបស់អ្នកឈឺ ។
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com