ជាតិ
សង្គមជាតិ
អ្នកមានបញ្ហាដីធ្លីស្នើឲ្យ លោក ស៊ូប៊ែរឌី ចូលរួមសវនាស្ត្រីបឹងកក់នៅថ្ងៃទី២២ខែមករា
×![]()
ដោយ: ខន ចំប៉ា
សហគមន៍មានបញ្ហាដីធ្លី គ្រោងនឹងជួប លោក សូរីយ៉ា ស៊ូប៊ែឌី (Surya P. Subedi) អ្នករាយការណ៍ពិសេសអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំកម្ពុជា នៅក្នុងពេលឆាប់ៗខាងមុខនេះ។ បញ្ហាជាច្រើន នឹងត្រូវលើកឡើង នៅក្នុងជំនួបនោះ ដូចជាបញ្ហាដីធ្លី ការរំលោភសិទ្ធិមនុស្ស អំពើហិង្សា សេរីភាពនៅក្នុងការបញ្ចេញមតិ និងការចាប់ឃុំខ្លួនសកម្មជនដីធ្លី និងសិទ្ធិមនុស្ស ជាស្នើឲ្យលោក ស៊ូប៊ែឌី អន្តរាគមន៍ទៅកាន់រដ្ឋាភិបាលដោះលែង សកម្មជនដីធ្លីបឹងកក់ និងសកម្មជនសិទ្ធិមនុស្សផ្សេងទៀតឲ្យមានសេរីភាព។ 
សហគមន៍មានបញ្ហាដីធ្លីចំនួន៤ ដែលរួមមានសហគមន៍បុរីកីឡា បឹងកក់ SOSប្រលានយន្តហោះ និងសហគមន៍អតីតអ្នកបឹងកក់ នឹងជួបអ្នករាយការណ៍ពិសេសអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំកម្ពុជា លោក សូរីយ៉ា ស៊ូប៊ែឌី នៅក្នុងពេលឆាប់ៗខាងមុខនេះ។ នេះបើតាមការបញ្ជាក់របស់ អ្នកស្រី យ៉ោម បុប្ផា សកម្មជនដីធ្លីតំបន់បឹងកក់។
អ្នកស្រីយ៉ោម បុប្ផា បានថ្លែងប្រាប់សារព័ត៌មានថ្មីៗនៅថ្ងៃនេះថា៖«នៅក្នុងជំនួបនាពេលខាងមុខនោះ សហគមន៍មានបញ្ហាដីធ្លី នឹងលើកយកបញ្ហាជាច្រើនប្រាប់ទៅលោកស៊ូប៊ែឌី ដូចជាបញ្ហាដីធ្លី ការរំលោភសិទ្ធិមនុស្ស អំពើហិង្សា សិទ្ធិសេរីភាពក្នុងការបញ្ចេញមតិ ការចាប់ខ្លួនសកម្មជនដីធ្លី និងសកម្មជនសិទ្ធិមនុស្ស និងទាមទារឲ្យអាជ្ញាធរបញ្ឈប់ការយកប្រព័ន្ធតុលាការមកធ្វើជាឈ្នាន់ ក្នុងចាប់ឃុំខ្លួនសកម្មជនទាំងនោះ ព្រមទាំងទាមទារឲ្យដោះលែងសកម្មជនដីធ្លីដែលកំពុងជាប់ឃុំ ហើយជាពិសេស គឺស្នើឲ្យ លោក ស៊ូប៊ែឌី ចូលរួមតាមដានសវនានៅសាលាឧទ្ធរណ៍របស់ស្ត្រី បឹងកក់ នៅថ្ងៃទី២២ ខែមករាខាងមុខ»។
តែយ៉ាងណាក៏ដោយ សកម្មជនដីធ្លីតំបន់បឹងកក់រូបនេះ មិនអាចបញ្ជាក់ពីថ្ងៃជួប ជាមួយអ្នករាយការណ៍ពិសេសអង្គការសហប្រជាជាតិនៅឡើយ ប៉ុន្តែជំនួបនេះ នឹងធ្វើឡើងនៅមុនថ្ងៃទី២២មករា។
លោក សូរីយ៉ា ស៊ូប៊ែឌី បានមកបំពេញទស្សនកិច្ចរយៈពេល៩ថ្ងៃ នៅក្នុងប្រទេសកម្ពុជា គឺចាប់ពីថ្ងៃទី១៧ ដល់ថ្ងៃទី២៥ខែមករា ឆ្នាំ២០១៥ ។ ដំណើរទស្សនៈកិច្ចនេះ គឺជាបេសកកម្មចុងក្រោយរបស់ លោក ស៊ូប៊ែឌី ក្នុងនាមជាអ្នករាយការណ៍ពិសេសស្តីពីស្ថានភាពសិទ្ធិមនុស្សនៅប្រទេសកម្ពុជា។
បើយោងតាមសេចក្តីប្រកាសព័ត៌មានរបស់ឧត្តមស្នងការអង្គការសហប្រជាជាតិ ទទួលបន្ទុកផ្នែកសិទ្ធិមនុស្ស លោក ស៊ូប៊ែឌី នឹងជួបជាមួយអ្នកការពារសិទ្ធិមនុស្ស តំណាងអង្គការសង្គមស៊ីវិល និងម្ចាស់ជំនួយ។ ក្នុងកំឡុងបេសកកម្មនេះដែរ គេរំពឹងថាលោកស៊ូប៊ែឌី នឹងជួបជាមួយនាយករដ្ឋមន្ត្រី ហ៊ុន សែន និងសមាជិកជាន់ខ្ពស់មួយចំនួនក្នុងជួររដ្ឋាភិបាលផងដែរ។
ដំណើរបេសកកម្មនេះ ជាផ្នែកមួយនៃការវាយតម្លៃសរុបជារួម នូវស្ថានភាពសិទ្ធិមនុស្សនៅកម្ពុជានាពេលបច្ចុប្បន្ន។ បើតាមលោក ស៊ូប៊ែឌី៖«នៅក្នុងបេសកកម្មចុងក្រោយនេះ លោក នឹងផ្តោតលើការរីកចម្រើន និងការសម្រេចធ្វើឱ្យស្ថាប័នរដ្ឋមានឯករាជ្យភាព ជាពិសេសគឺការកំណែទម្រង់ប្រព័ន្ធច្បាប់ និងតុលាការ»។ នៅចុងបញ្ចប់នៃបេសកកម្ម លោក ស៊ូប៊ែឌី នឹងធ្វើសន្និសីទសារព័ត៌មានមួយ នៅម៉ោង៣រសៀល ថ្ងៃទី២៣ខែមករា នៅឯការិយាល័យទទួលបន្ទុកសិទ្ធិមនុស្សរបស់អង្គការសហប្រជាជាតិប្រចាំកម្ពុជា(OHCHR )។
សូមបញ្ជាក់ថា លោកសុរិយាប្រាសាទ ស៊ូប៊ែឌី ត្រូវបានតែងតាំងជាអ្នករាយការណ៍ពិសេសនៃឧត្ដមស្នងការអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំកម្ពុជាកាលពីខែមីនា ឆ្នាំ២០០៩ ហើយនឹងត្រូវបញ្ចប់តំណែងនៅខែមីនា ឆ្នាំ២០១៥នេះក្នុងរយៈពេលអាណត្តិ៥ឆ្នាំរបស់លោក៕
សហគមន៍មានបញ្ហាដីធ្លីចំនួន៤ ដែលរួមមានសហគមន៍បុរីកីឡា បឹងកក់ SOSប្រលានយន្តហោះ និងសហគមន៍អតីតអ្នកបឹងកក់ នឹងជួបអ្នករាយការណ៍ពិសេសអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំកម្ពុជា លោក សូរីយ៉ា ស៊ូប៊ែឌី នៅក្នុងពេលឆាប់ៗខាងមុខនេះ។ នេះបើតាមការបញ្ជាក់របស់ អ្នកស្រី យ៉ោម បុប្ផា សកម្មជនដីធ្លីតំបន់បឹងកក់។
អ្នកស្រីយ៉ោម បុប្ផា បានថ្លែងប្រាប់សារព័ត៌មានថ្មីៗនៅថ្ងៃនេះថា៖«នៅក្នុងជំនួបនាពេលខាងមុខនោះ សហគមន៍មានបញ្ហាដីធ្លី នឹងលើកយកបញ្ហាជាច្រើនប្រាប់ទៅលោកស៊ូប៊ែឌី ដូចជាបញ្ហាដីធ្លី ការរំលោភសិទ្ធិមនុស្ស អំពើហិង្សា សិទ្ធិសេរីភាពក្នុងការបញ្ចេញមតិ ការចាប់ខ្លួនសកម្មជនដីធ្លី និងសកម្មជនសិទ្ធិមនុស្ស និងទាមទារឲ្យអាជ្ញាធរបញ្ឈប់ការយកប្រព័ន្ធតុលាការមកធ្វើជាឈ្នាន់ ក្នុងចាប់ឃុំខ្លួនសកម្មជនទាំងនោះ ព្រមទាំងទាមទារឲ្យដោះលែងសកម្មជនដីធ្លីដែលកំពុងជាប់ឃុំ ហើយជាពិសេស គឺស្នើឲ្យ លោក ស៊ូប៊ែឌី ចូលរួមតាមដានសវនានៅសាលាឧទ្ធរណ៍របស់ស្ត្រី បឹងកក់ នៅថ្ងៃទី២២ ខែមករាខាងមុខ»។
តែយ៉ាងណាក៏ដោយ សកម្មជនដីធ្លីតំបន់បឹងកក់រូបនេះ មិនអាចបញ្ជាក់ពីថ្ងៃជួប ជាមួយអ្នករាយការណ៍ពិសេសអង្គការសហប្រជាជាតិនៅឡើយ ប៉ុន្តែជំនួបនេះ នឹងធ្វើឡើងនៅមុនថ្ងៃទី២២មករា។
លោក សូរីយ៉ា ស៊ូប៊ែឌី បានមកបំពេញទស្សនកិច្ចរយៈពេល៩ថ្ងៃ នៅក្នុងប្រទេសកម្ពុជា គឺចាប់ពីថ្ងៃទី១៧ ដល់ថ្ងៃទី២៥ខែមករា ឆ្នាំ២០១៥ ។ ដំណើរទស្សនៈកិច្ចនេះ គឺជាបេសកកម្មចុងក្រោយរបស់ លោក ស៊ូប៊ែឌី ក្នុងនាមជាអ្នករាយការណ៍ពិសេសស្តីពីស្ថានភាពសិទ្ធិមនុស្សនៅប្រទេសកម្ពុជា។
បើយោងតាមសេចក្តីប្រកាសព័ត៌មានរបស់ឧត្តមស្នងការអង្គការសហប្រជាជាតិ ទទួលបន្ទុកផ្នែកសិទ្ធិមនុស្ស លោក ស៊ូប៊ែឌី នឹងជួបជាមួយអ្នកការពារសិទ្ធិមនុស្ស តំណាងអង្គការសង្គមស៊ីវិល និងម្ចាស់ជំនួយ។ ក្នុងកំឡុងបេសកកម្មនេះដែរ គេរំពឹងថាលោកស៊ូប៊ែឌី នឹងជួបជាមួយនាយករដ្ឋមន្ត្រី ហ៊ុន សែន និងសមាជិកជាន់ខ្ពស់មួយចំនួនក្នុងជួររដ្ឋាភិបាលផងដែរ។
ដំណើរបេសកកម្មនេះ ជាផ្នែកមួយនៃការវាយតម្លៃសរុបជារួម នូវស្ថានភាពសិទ្ធិមនុស្សនៅកម្ពុជានាពេលបច្ចុប្បន្ន។ បើតាមលោក ស៊ូប៊ែឌី៖«នៅក្នុងបេសកកម្មចុងក្រោយនេះ លោក នឹងផ្តោតលើការរីកចម្រើន និងការសម្រេចធ្វើឱ្យស្ថាប័នរដ្ឋមានឯករាជ្យភាព ជាពិសេសគឺការកំណែទម្រង់ប្រព័ន្ធច្បាប់ និងតុលាការ»។ នៅចុងបញ្ចប់នៃបេសកកម្ម លោក ស៊ូប៊ែឌី នឹងធ្វើសន្និសីទសារព័ត៌មានមួយ នៅម៉ោង៣រសៀល ថ្ងៃទី២៣ខែមករា នៅឯការិយាល័យទទួលបន្ទុកសិទ្ធិមនុស្សរបស់អង្គការសហប្រជាជាតិប្រចាំកម្ពុជា(OHCHR )។
សូមបញ្ជាក់ថា លោកសុរិយាប្រាសាទ ស៊ូប៊ែឌី ត្រូវបានតែងតាំងជាអ្នករាយការណ៍ពិសេសនៃឧត្ដមស្នងការអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំកម្ពុជាកាលពីខែមីនា ឆ្នាំ២០០៩ ហើយនឹងត្រូវបញ្ចប់តំណែងនៅខែមីនា ឆ្នាំ២០១៥នេះក្នុងរយៈពេលអាណត្តិ៥ឆ្នាំរបស់លោក៕
© រក្សាសិទ្ធិដោយ thmeythmey.com
