ព័ត៍មានសុខភាព
សុខភាព៖ ស្ត្រីគួរពិនិត្យមើល បញ្ហាសុខភាពអ្វីខ្លះ?
× ខាងក្រោមនេះ គឺជាការធ្វើតេស្តពិនិត្យសុខភាព យ៉ាងសំខាន់សម្រាប់ស្ត្រី ដើម្បីធ្វើរោគវិនិច្ឆ័យបញ្ហាណាមួយ មុននឹងវាអាចកើតឡើង។
I. ការពិនិត្យរកកោសិកាមាត់ស្បូន (Pap Smear)
គឺជាការស្វែងរកភាពមិនធម្មត នៃកោសិកាមាត់ស្បូន ដែលអាចវិវត្តន៍ទៅជា ជំងឺមហារីកមាត់ស្បូន។ មេរោគ HPV និងជំងឺកាមរោគ គឺជាមូលហេតុចម្បង នៃជំងឺមហារីកមាត់ស្បូន។ អ្នកអាចចាប់ផ្តើមពិនិត្យនៅអាយុ ២១ ឆ្នាំ ហើយបើមានសុខភាពល្អនោះ គេអាចធ្វើវាបន្តបន្ទាប់ រៀងរាល់ពីរឆ្នាំម្ដង។
II. ជំងឺមហារីកក្រពេញអូវែ
ដោយសារតែជំងឺមហារីកក្រពេញអូវែ បានសម្លាប់ស្ត្រីប្រមាណ ១៥.០០០ នាក់ ចំពោះស្ត្រីអាយុពី ៥០ ទៅ ៧៥ ឆ្នាំ ជារៀងរាល់ឆ្នាំ។
III. ជំងឺបេះដូង
ជំងឺបេះដូង គឺជាឃាតករចម្បងលើស្ត្រីទូទាំងពិភពលោក។ នោះហើយជាមូលហេតុដែលធ្វើអោយស្ត្រីអាយុ ៥០ ឆ្នាំ ហើយមានប្រវត្តិគ្រួសារកើតជំងឺបេះដូង ត្រូវចាំបាច់ត្រូវពិនិត្យវាជារៀងរាល់ឆ្នាំ ដើម្បីពិនិត្យមើល ភាពមិនប្រក្រតីនៃចង្វាក់បេះដូង។
IV. ជំងឺមហារីកស្បែក
ប្រសិនបើលោកអ្នកចូលចិត្តគេងនៅក្រោមពន្លឺព្រះអាទិត្យ ក្នុងអំឡុងអាយុ ២០ ឆ្នាំ អ្នកអាចមានហានិភ័យនៃប្រភេទណាមួយ នៃជំងឺមហារីកស្បែកជាច្រើន ដូចជា ជំងឺមហារីកស្បែក Melanoma, Basal cell និង Squamous cell។
V. ការពិនិត្យភ្នែក
អ្នកគួរធ្វើការពិនិត្យភ្នែកប្រចាំឆ្នាំ បន្ទាប់ពីអ្នកមានអាយុ ៤០ ឆ្នាំ (ឬជារៀងរាល់ឆ្នាំ ប្រសិនបើអ្នកមានប្រវត្តិគ្រួសារនៃជំងឺភ្នែក) ដើម្បីតាមដានជំងឺភ្នែក ដូចជា ជំងឺទឹកដក់ក្នុងភ្នែក ជំងឺរលាកកញ្ចក់ភ្នែក ជំងឺទឹកនោមផ្អែម សម្ពាធឈាមខ្ពស់ និងការថមថយរបស់ភ្នែកតាមអាយុកាល ។
VI. ការថតដោះ
ការពិនិត្យសុដន់ប្រចាំឆ្នាំ គួរតែចាប់ផ្តើមនៅពេលអ្នកមានអាយុ ៤០ ឆ្នាំ។ ប្រសិនបើការពិនិត្យសុដន់ មានលក្ខណៈធម្មតានោះ អ្នកអាចពិនិត្យវាជារៀងរាល់ឆ្នាំ ដែលអាចចាប់ផ្តើមនៅអាយុ ៥០ ឆ្នាំ។
VII. ជំងឺពុកឆ្អឹង
ជំងឺពុកឆ្អឹង គឺជាការថយចុះ និងការចុះខ្សោយនៃឆ្អឹង ក្នុងអំឡុងពេលអស់រដូវ (ឬអាយុជាង ៥០ ឆ្នាំ) នៅពេលដែលឆ្អឹង ត្រូវបានរងផលប៉ះពាល់។ ការពិនិត្យនេះ ជាធម្មតា ចាប់ផ្តើមនៅអាយុ ៦៥ ឆ្នាំ និងរួមទាំងវាស់កម្លាំងឆ្អឹង ដើម្បីកំណត់ថាតើ អ្នកអាចមានហានិភ័យ នៃជំងឺពុកឆ្អឹង ឬបាក់ឆ្អឹងដែរឬទេ។
VIII. ការពិនិត្យសុដន់ដោយប្រើដៃ
វាអាស្រ័យទៅលើអាយុ និងកត្តាគ្រោះថ្នាក់។ ការពិនិត្យរកមើលមហារីកសុដន់ដោយដៃ គួរតែត្រូវបានធ្វើឡើងជារៀងរាល់ឆ្នាំ។ ហើយអ្នកគួរតែធ្វើការពិនិត្យសុដន់ដោយដៃដោយខ្លូនឯង ជារៀងរាល់ខែផងដែរ គឺដើម្បីពិនិត្យរកដុំតូចៗ ដែលអាចក្លាយទៅជាដុំពកមានទំហំធំ និងបានរីករាលដាលទៅកាន់កូនកណ្តុរផងដែរ។ ការពិនិត្យសុដន់ អាចជួយសង្គ្រោះជីវិតមនុស្សជាច្រើន ប្រសិនបើអាចរកឃើញ នៅដំនាក់កាលដំបូង ហើយអ្នកនឹងមានឱកាសជាសះស្បើយបាន៕
© រក្សាសិទ្ធិដោយ thmeythmey.com