ជាតិ
នយោបាយជាតិ
×![]()
ក្រុមគ្រូពេទ្យជំនាញៗរបស់ប្រទេសសិង្ហបុរី កំពុងព្យាបាលជំងឺអតីតនាយករដ្ឋមន្រ្តីខ្មែរសម័យសាធារណរដ្ឋប្រជាមានិតកម្ពុជាលោក ប៉ែន សុវណ្ណ ដែលមានជំងឺស្ទះសរសៃឈាម។ នេះបើតាមប្រសាសន៍របស់លោក មុត ចន្ថា នាយកខុទ្ទកាល័យលោក កឹម សុខា ។ លោក មុត ចន្ថា ដែលជាអ្នកមានភារកិច្ចទទួលជំនួយសម្រាប់ឧបត្ថម្ភលោក ប៉ែន សុវណ្ណផងនោះ បានអះអាងយ៉ាងនេះថា៖ «ក្រោយពីមានជំងឺស្ទះសរសៃឈាម លោក ប៉ែន សុវណ្ណ បានដឹកទៅសង្គ្រោះបន្ទាន់នៅមន្ទីរពេទ្យក្នុងស្រុក តែបន្ទាប់ពីពិនិត្យឃើញស្ថានភាពមិនស្រួល យើងក៏សម្រេចបញ្ជូនគាត់ទៅព្យាបាលនៅប្រទេសសិង្ហបុរី » ។ 
បើតាមលោក មុត ចន្ថា លោក ប៉ែន សុវណ្ណ ត្រូវដឹកតាមយន្តហោះទៅសង្គ្រោះនៅក្នុងប្រទេសសិង្ហបុរីកាលពីយប់ម៉ោង ១ និង ១៥ នាទី រំលងអាធ្រាត្រឈានចូលថ្ងៃទី ១៩ ខែ មករា ។ មន្រ្តីរូបនេះ បញ្ជាក់ប្រាប់សារព័ត៌មានថ្មីៗយ៉ាងនេះថា ៖ «ទម្រាំទៅដល់ប្រទេសសិង្ហបុរី ប្រើពេល ៤ ទៅ ៥ ម៉ោង ។ ខ្ញុំនៅមិនទាន់ដឹងច្បាស់ថា អាការៈគាត់ពេលនេះយ៉ាងណាឲ្យច្បាស់នោះទេ តែយើងនៅរង់ចាំមើលការព្យាបាលរបស់គ្រូពេទ្យជំនាញសិង្ហបុរី» ។
ជាមួយគ្នានេះ លោក កឹម សុខា ក្នុងនាមអនុប្រធានទី ១ នៃរដ្ឋសភា បានចេញលិខិតអំពាវនាវរកជំនួយជាបន្ទាន់ពីសំណាក់សប្បុរសជនក្នុងប្រទេស និងក្រៅប្រទេស ដើម្បីឧបត្ថម្ភដល់ថ្លៃព្យាបាលជំងឺរបស់លោក ប៉ែន សុវណ្ណ ។ បើតាមលោក កឹម សុខា គ្រាន់តែថ្លៃដឹកជញ្ជូនលោក ប៉ែន សុវណ្ណ ទៅព្យាបាលនៅសិង្ហបុរី ចំណាយថវិកាអស់ ២៤ ០០០ ដុល្លារអាមេរិក៕
បើតាមលោក មុត ចន្ថា លោក ប៉ែន សុវណ្ណ ត្រូវដឹកតាមយន្តហោះទៅសង្គ្រោះនៅក្នុងប្រទេសសិង្ហបុរីកាលពីយប់ម៉ោង ១ និង ១៥ នាទី រំលងអាធ្រាត្រឈានចូលថ្ងៃទី ១៩ ខែ មករា ។ មន្រ្តីរូបនេះ បញ្ជាក់ប្រាប់សារព័ត៌មានថ្មីៗយ៉ាងនេះថា ៖ «ទម្រាំទៅដល់ប្រទេសសិង្ហបុរី ប្រើពេល ៤ ទៅ ៥ ម៉ោង ។ ខ្ញុំនៅមិនទាន់ដឹងច្បាស់ថា អាការៈគាត់ពេលនេះយ៉ាងណាឲ្យច្បាស់នោះទេ តែយើងនៅរង់ចាំមើលការព្យាបាលរបស់គ្រូពេទ្យជំនាញសិង្ហបុរី» ។
ជាមួយគ្នានេះ លោក កឹម សុខា ក្នុងនាមអនុប្រធានទី ១ នៃរដ្ឋសភា បានចេញលិខិតអំពាវនាវរកជំនួយជាបន្ទាន់ពីសំណាក់សប្បុរសជនក្នុងប្រទេស និងក្រៅប្រទេស ដើម្បីឧបត្ថម្ភដល់ថ្លៃព្យាបាលជំងឺរបស់លោក ប៉ែន សុវណ្ណ ។ បើតាមលោក កឹម សុខា គ្រាន់តែថ្លៃដឹកជញ្ជូនលោក ប៉ែន សុវណ្ណ ទៅព្យាបាលនៅសិង្ហបុរី ចំណាយថវិកាអស់ ២៤ ០០០ ដុល្លារអាមេរិក៕
© រក្សាសិទ្ធិដោយ thmeythmey.com
