ជាតិ
សង្គមជាតិ
យុវជនមួយចំនួននៅក្រុងស្ទឹងសែនមិនទាន់យល់ពីអំពើពុករលួយ
× កំពង់ធំ៖ យុវជនក្រុងស្ទឹងសែន ខេត្តកំពង់ធំ នៅមិនទាន់យល់ដឹងច្បាស់នៅឡើយពីបញ្ហាអំពើពុករលួយនោះទេ។ អ្នកខ្លះមិនដែលចាប់អារម្មណ៍ពីការផ្សព្វផ្សាយអំពីបញ្ហានេះទាល់តែ សោះ។ រីឯអ្នកខ្លះទៀត ពួកគេយល់ថា គម្លាតរវាងអ្នក និងអ្នកក្រ ប្រហែលមកពីអំពើពុករលួយ?
ជាកម្មករសំណង់ យុវជន អៀប ទំនងជាគ្មានពេលស្វែងយល់អំពីបញ្ហាអំពើពុករលួយនោះឡើយ។ ប៉ុន្តែយុវជនរូបនេះបានប្រាប់ឲ្យដឹងថា រូបគេពិតជាធ្លាប់បានឮពាក្យអំពើពុករលួយនេះ។ អៀប បាននិយាយយ៉ាងដូច្នេះ៖«ខ្ញុំមិនចង់ដឹងពីបញ្ហានេះឡើយ ខ្ញុំក៏មិនចង់ដឹងថា តើវាប៉ះពាល់យ៉ាងណាដល់សង្គមនោះទេ»។
ខុសពីយុវជនជាកម្មករសំណង់រូបនេះ ភារុណដែលកំពុងបម្រើការក្នុងភោជនីយដ្ឋានកំពង់ធំ ចង់ស្វែងយល់ និងសិក្សាអំពីអំពើពុករលួយ។ ភារុណ និយាយថា ខ្លួនមិនដែលធ្លាប់ឮការផ្សព្វផ្សាយអំពីការប្រឆាំងអំពើពុករលួយនោះទេ។ ប៉ុន្តែទោះយ៉ាងណាក៏ដោយ បើតាមការអះអាងរបស់លោកភារុណ លោកចង់ចូលរួមសិក្សា និងផ្សព្វផ្សាយសារប្រឆាំងអំពើ ពុករលួយនេះ ប្រសិនបើវាអាចជួយប្រទេសកម្ពុជាឲ្យបានល្អមែននោះ។ ភារុណ និយាយយ៉ាងដូច្នេះថា៖«ខ្ញុំចង់ឲ្យប្រទេសយើងមានការងារច្រើនសម្រាប់យុវជន។ បើគ្មានអំពើពុក រលួយ វាអាចជួយយុវជនមែន ខ្ញុំចង់រៀនអំពីវាឲ្យបានច្បាស់»។
ពាក់ព័ន្ធនឹងប្រធានបទដដែលនេះ យុវសិស្សថ្នាក់ទី១២នៃវិទ្យាល័យកំពង់ធំឈ្មោះ សាំង សីហា ក៏បញ្ជាក់មិនច្បាស់អំពីនិយមន័យនៃពាក្យ អំពើពុករលួយដែរ។ នៅសួរអំពីអំពើ ពុក រលួយ សីហា បានព្យាយាមទស្សន៍ទាយថា ការកាប់បំផ្លាញព្រៃឈើនៅក្នុងតំបន់ព្រៃឡង់ ប្រហែលអាចមកពីបញ្ហាអំពើពុករលួយ។ យុវសិស្សរូបនេះនៅតែមិនហ៊ាននិយាយច្បាស់ លាស់អំពីករណីមួយចំនួន ដែលខ្លួនបានឃើញ ថាអាចជាបច្ច័យនៃអំពើពុករលួយ។ សីហា បន្តសួរខ្លួនឯងយ៉ាងដូច្នេះថា៖«នៅក្នុងភូមិខ្ញុំ មានអ្នកមានទ្រព្យសម្បត្តិ និងអ្នកក្រខ្លាំង។ នេះប្រហែលជាមកពីអំពើពុករលួយដែរ។ ពីព្រោះខ្ញុំយល់ថា អ្នកមាន អ្នកធំ គេរាប់អានតែគ្នាគេ។ ចំណែកឯអ្នកក្រវិញ គ្មានឱកាសរកស៊ីដូចពួកអ្នកធំមានអំណាចឡើយ»។ សីហា និយាយថា រូបគេចង់រៀន និងចង់យល់ដឹងឲ្យច្បាស់លាស់អំពីបញ្ហាអំពើពុករលួយ៕
© រក្សាសិទ្ធិដោយ thmeythmey.com