ជាតិ
សង្គមជាតិ
×![]()
កំពង់ធំ៖ នៅព្រឹកថ្ងៃទី១៨ ខែធ្នូ ឆ្នាំ២០១៤ កម្លាំងប្រដាប់អាវុធចម្រុះមាននគរបាល កងរាជអាវុធហត្ថ និងទាហាន បានចុះសម្អាត និងធ្វើអនាម័យក្នុងក្រុងស្ទឹងសែន។ ប្រតិបត្តិការនេះ ត្រូវបានចូលរួមដោយកម្លាំង ប្រមាណ៥០នាក់ ដោយអនុវត្តតាមបញ្ជារបស់អភិបាលខេត្តកំពង់ធំ។
មិនមែនជាលើកទីមួយឡើយដែលកងកម្លាំងប្រដាប់អាវុធចម្រុះនៃក្រុងស្ទឹងសែនបានធ្វើសកម្មភាពសម្អាតទីក្រុង។ វាគឺជាការងារប្រចាំរៀងរាល់មួយខែម្តង ដែលជាការអនុវត្តបញ្ជារបស់អភិបាលខេត្ត កំពង់ធំ លោក អ៊ុត សំអន។ នៅថ្ងៃអាទិត្យម្សិលមិញ សកម្មភាពសម្អាតក្រុងស្ទឹងសែនត្រូវបានដឹកនាំដោយលោកវរៈសេនីយ៍ទោ ញ៉ែម ឈុនលី អធិការនគរបាលក្រុងស្ទឹងសែន។
ការអនុវត្តសកម្មភាពសម្អាតទីក្រុងពីសំណាក់មន្ត្រីអាជ្ញាធរក្រុងស្ទឹងសែន មិនមានគោលដៅសម្រាប់តែថែរក្សាបរិស្ថាននោះឡើយ ប៉ុន្តែវាក៏ជាគម្រោងអនុវត្តប្រឡងទីក្រុងស្អាតរបស់រដ្ឋាភិបាលផងដែរ។ នេះបើតាមការអះអាងរបស់លោកអធិការក្រុងស្ទឹងសែន។ លោក ញែម ឈុនលី បានបញ្ជាក់បន្ថែមយ៉ាងដូច្នេះថា៖«សកម្មភាពលើកក្រោយ យើងនឹងពិនិត្យមើលសណ្តាប់ធ្នាប់នៃការលក់ដូរតាម ចិញ្ចើមថ្នល់ម្តង។ យើងបង្រៀនឲ្យបងប្អូនអ្នកលក់ដូរចូលរួមថែរក្សាអនាម័យទីក្រុង»។
ទាក់ទងនឹងការសម្អាតក្រុងស្ទឹងសែន លោក សឹម ពិសិដ្ឋ ជាមន្ត្រីនគរបាលក្រុងស្ទឹងសែន បាននិយាយគាំទ្រ និងពេញចិត្តនឹងសកម្មភាពនេះ។ មន្ត្រីនគរបាលរូបនេះ ចង់ឲ្យសកម្មភាពរបស់អង្គភាពកម្លាំងប្រដាប់អាវុធក្លាយជាគំរូរបស់ប្រជាពលរដ្ឋ។
ពលរដ្ឋនៃក្រុងស្ទឹងសែនម្នាក់ គឺលោក ស៊ុយ រតនៈ បានសំដែងអារម្មណ៍សប្បាយចិត្តចំពោះសកម្មភាពរបស់កម្លាំងប្រដាប់អាវុធ ដែលមិនត្រឹមតែអនុវត្តការងាររក្សាសន្តិសុខតែមួយមុខប៉ុណ្ណោះទេ។ លោក រតនៈ និយាយថា៖ «យើងដឹងហើយថា សំរាមមិនត្រឹមតែធ្វើឱ្យខូចសោភ័ណភាពក្រុង និងបរិស្ថាននោះទេ វាក៏ធ្វើឱ្យប៉ះដល់សុខភាពផងដែរ»។ ដូច្នេះលើសពីដឹកនាំប្រជាពលរដ្ឋឲ្យមានគំនិតថែរក្សាបរិស្ថាន លោករតនៈ បានសំណូមពរឲ្យអាជ្ញាធរផ្សព្វផ្សាយអប់រំប្រជាពលរដ្ឋឲ្យចេះវេចខ្ចប់សំរាមឲ្យមានរបៀបរៀបរយ និងទុកដាក់សំរាមឲ្យសណ្តាប់ធ្នាប់ទៀតផង៕
មិនមែនជាលើកទីមួយឡើយដែលកងកម្លាំងប្រដាប់អាវុធចម្រុះនៃក្រុងស្ទឹងសែនបានធ្វើសកម្មភាពសម្អាតទីក្រុង។ វាគឺជាការងារប្រចាំរៀងរាល់មួយខែម្តង ដែលជាការអនុវត្តបញ្ជារបស់អភិបាលខេត្ត កំពង់ធំ លោក អ៊ុត សំអន។ នៅថ្ងៃអាទិត្យម្សិលមិញ សកម្មភាពសម្អាតក្រុងស្ទឹងសែនត្រូវបានដឹកនាំដោយលោកវរៈសេនីយ៍ទោ ញ៉ែម ឈុនលី អធិការនគរបាលក្រុងស្ទឹងសែន។
ការអនុវត្តសកម្មភាពសម្អាតទីក្រុងពីសំណាក់មន្ត្រីអាជ្ញាធរក្រុងស្ទឹងសែន មិនមានគោលដៅសម្រាប់តែថែរក្សាបរិស្ថាននោះឡើយ ប៉ុន្តែវាក៏ជាគម្រោងអនុវត្តប្រឡងទីក្រុងស្អាតរបស់រដ្ឋាភិបាលផងដែរ។ នេះបើតាមការអះអាងរបស់លោកអធិការក្រុងស្ទឹងសែន។ លោក ញែម ឈុនលី បានបញ្ជាក់បន្ថែមយ៉ាងដូច្នេះថា៖«សកម្មភាពលើកក្រោយ យើងនឹងពិនិត្យមើលសណ្តាប់ធ្នាប់នៃការលក់ដូរតាម ចិញ្ចើមថ្នល់ម្តង។ យើងបង្រៀនឲ្យបងប្អូនអ្នកលក់ដូរចូលរួមថែរក្សាអនាម័យទីក្រុង»។
ទាក់ទងនឹងការសម្អាតក្រុងស្ទឹងសែន លោក សឹម ពិសិដ្ឋ ជាមន្ត្រីនគរបាលក្រុងស្ទឹងសែន បាននិយាយគាំទ្រ និងពេញចិត្តនឹងសកម្មភាពនេះ។ មន្ត្រីនគរបាលរូបនេះ ចង់ឲ្យសកម្មភាពរបស់អង្គភាពកម្លាំងប្រដាប់អាវុធក្លាយជាគំរូរបស់ប្រជាពលរដ្ឋ។
ពលរដ្ឋនៃក្រុងស្ទឹងសែនម្នាក់ គឺលោក ស៊ុយ រតនៈ បានសំដែងអារម្មណ៍សប្បាយចិត្តចំពោះសកម្មភាពរបស់កម្លាំងប្រដាប់អាវុធ ដែលមិនត្រឹមតែអនុវត្តការងាររក្សាសន្តិសុខតែមួយមុខប៉ុណ្ណោះទេ។ លោក រតនៈ និយាយថា៖ «យើងដឹងហើយថា សំរាមមិនត្រឹមតែធ្វើឱ្យខូចសោភ័ណភាពក្រុង និងបរិស្ថាននោះទេ វាក៏ធ្វើឱ្យប៉ះដល់សុខភាពផងដែរ»។ ដូច្នេះលើសពីដឹកនាំប្រជាពលរដ្ឋឲ្យមានគំនិតថែរក្សាបរិស្ថាន លោករតនៈ បានសំណូមពរឲ្យអាជ្ញាធរផ្សព្វផ្សាយអប់រំប្រជាពលរដ្ឋឲ្យចេះវេចខ្ចប់សំរាមឲ្យមានរបៀបរៀបរយ និងទុកដាក់សំរាមឲ្យសណ្តាប់ធ្នាប់ទៀតផង៕
© រក្សាសិទ្ធិដោយ thmeythmey.com
