ជាតិ
សុខភាព
រូបថត៖ ហ្វេសប៊ុក Khemara Yung
×![]()
ដោយ: រួបរួម
ហាងកាហ្វេ និងកាហ្វេចល័តបានរីកដុះដាលយ៉ាងខ្លាំងនៅកម្ពុជា ជាពិសេសនៅរាជធានីភ្នំពេញនារយៈពេលចុងក្រោយនេះ។ ទន្ទឹមនឹងជម្រើសដ៏ច្រើនសន្ធឹកសន្ធាប់ អ្នកនិយមផឹកកាហ្វេមួយចំនួនច្បាស់ជាលោះព្រលឹងជាមិនខានឡើយ បន្ទាប់ពីបានមើលឃើញព័ត៌មាននៃការបង្ក្រាបទីតាំងស្តុកកាហ្វេកែច្នៃដ៏ធំមួយនៅជាយរាជធានីភ្នំពេញ។
កាលពីថ្ងៃទី២០ ខែមករា អាជ្ញាធររាជធានីភ្នំពេញ បានរឹបអូសសារធាតុគីមីជាង៣០តោន និងឃាត់ជនជាតិវៀតណាម៤នាក់នៅទីតាំងស្តុកកាហ្វេនៅភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។ តាមភស្តុតាងដែលសមត្ថកិច្ចរកឃើញ ក្រុមជនល្មើសបានលួចលាក់កែច្នៃសណ្តែកសៀង និងពោតខូចគុណភាព ដោយយកទៅលាយជាមួយស្ករត្នោតកំឡោចម្សៅ និងប័រ រួមទាំងគ្រឿងផ្សំជិត២០មុខ ដើម្បីបង្កើតទៅជាកាហ្វេដ៏មានក្លិនឈ្ងុយដាក់លក់នៅលើទីផ្សារ។
ប្រតិបត្តិការដែលដឹកនាំដោយលោក ឡុង ស្រេង អនុប្រធាននាយកដ្ឋានប្រឆាំងបទល្មើសសេដ្ឋកិច្ចនៃក្រសួងមហាផ្ទៃ និងមន្ត្រីជំនាញផ្សេងទៀត បានឈានទៅដល់ការឃាត់ខ្លួនមនុស្ស៤នាក់ដែលក្នុងនោះមានឈ្មោះ ស៊ាង ដារ៉ា ជនជាតិវៀតណាម អាយុជាង៤០ឆ្នាំ ជាមេក្លោង។
យោងតាមកាសែតភ្នំពេញ ប៉ុស្តិ៍ សិប្បកម្មលួចលាក់នេះ បានដំណើរការអស់ពេលជាង៦ឆ្នាំមកហើយ ដោយមានបណ្ណប៉ាតង់ត្រឹមត្រូវពីសាខាពន្ធដារខណ្ឌសែនសុខ។ ម៉ាកកាហ្វេដែលជនល្មើសបានផលិត និងដាក់លក់នៅទីផ្សារួមមាន កាហ្វេមេគង្គ , Diamond, Nam Nguyen, Tay Nguyen, Laos និងកាហ្វេគ្មានម៉ាកសម្គាល់មួយចំនួនទៀត។
លោកវេជ្ជបណ្ឌិត លី ចេងហ៊ុយ នាយកគ្រប់គ្រងគេហទំព័រសុខភាពកម្ពុជា បាននិយាយប្រាប់ភ្នំពេញប៉ុស្តិ៍ ថា ការផលិតកាហ្វេក្លែងក្លាយដោយប្រើសារធាតុគីមី ពិតជាធ្វើឲ្យប៉ះពាល់ដល់សុខភាពអ្នកទទួលទាន ជាពិសេសអាចបង្កឲ្យមានជំងឺមហារីកផ្នែកណាមួយនៃសរីរាង្គ៕
កាលពីថ្ងៃទី២០ ខែមករា អាជ្ញាធររាជធានីភ្នំពេញ បានរឹបអូសសារធាតុគីមីជាង៣០តោន និងឃាត់ជនជាតិវៀតណាម៤នាក់នៅទីតាំងស្តុកកាហ្វេនៅភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។ តាមភស្តុតាងដែលសមត្ថកិច្ចរកឃើញ ក្រុមជនល្មើសបានលួចលាក់កែច្នៃសណ្តែកសៀង និងពោតខូចគុណភាព ដោយយកទៅលាយជាមួយស្ករត្នោតកំឡោចម្សៅ និងប័រ រួមទាំងគ្រឿងផ្សំជិត២០មុខ ដើម្បីបង្កើតទៅជាកាហ្វេដ៏មានក្លិនឈ្ងុយដាក់លក់នៅលើទីផ្សារ។
ប្រតិបត្តិការដែលដឹកនាំដោយលោក ឡុង ស្រេង អនុប្រធាននាយកដ្ឋានប្រឆាំងបទល្មើសសេដ្ឋកិច្ចនៃក្រសួងមហាផ្ទៃ និងមន្ត្រីជំនាញផ្សេងទៀត បានឈានទៅដល់ការឃាត់ខ្លួនមនុស្ស៤នាក់ដែលក្នុងនោះមានឈ្មោះ ស៊ាង ដារ៉ា ជនជាតិវៀតណាម អាយុជាង៤០ឆ្នាំ ជាមេក្លោង។
យោងតាមកាសែតភ្នំពេញ ប៉ុស្តិ៍ សិប្បកម្មលួចលាក់នេះ បានដំណើរការអស់ពេលជាង៦ឆ្នាំមកហើយ ដោយមានបណ្ណប៉ាតង់ត្រឹមត្រូវពីសាខាពន្ធដារខណ្ឌសែនសុខ។ ម៉ាកកាហ្វេដែលជនល្មើសបានផលិត និងដាក់លក់នៅទីផ្សារួមមាន កាហ្វេមេគង្គ , Diamond, Nam Nguyen, Tay Nguyen, Laos និងកាហ្វេគ្មានម៉ាកសម្គាល់មួយចំនួនទៀត។
លោកវេជ្ជបណ្ឌិត លី ចេងហ៊ុយ នាយកគ្រប់គ្រងគេហទំព័រសុខភាពកម្ពុជា បាននិយាយប្រាប់ភ្នំពេញប៉ុស្តិ៍ ថា ការផលិតកាហ្វេក្លែងក្លាយដោយប្រើសារធាតុគីមី ពិតជាធ្វើឲ្យប៉ះពាល់ដល់សុខភាពអ្នកទទួលទាន ជាពិសេសអាចបង្កឲ្យមានជំងឺមហារីកផ្នែកណាមួយនៃសរីរាង្គ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
