ជាតិ
សង្គមជាតិ
USIAD ជំរុញឲ្យដាក់បញ្ចូលការបម្រែបម្រួលអាកាសធាតុក្នុងកម្មវិធីសិក្សានៅកម្ពុជា
×
កម្មវិធីសិក្សាស្ដីពីការបម្រែបម្រួលអាកាសធាតុ នឹងត្រូវដាក់បញ្ចូលក្នុងកម្មវិធិសិក្សា នៅក្នុងសកលវិទ្យាល័យក្នុងប្រទេសកម្ពុជា ដោយមានការគាំទ្រពីកម្មវិធីការបញ្ចេញឧស្ម័នតិចពីព្រៃឈើក្នុងទ្វីបអាស៊ី របស់ទីភ្នាក់ងារសហរដ្ឋអាមេរិកដើម្បីអភិវឌ្ឍអន្តរជាតិ (USIAD LEAF) និងគម្រោងគាំទ្រព្រៃឈើនិងជីវចម្រុះ (USIAD SFB) និងដៃគូសកលវិទ្យានៅអាស៊ី។
សេចក្ដីប្រកាសព័ត៌មានUSIAD នៅថ្ងៃទី២១មករានេះ បានឲ្យដឹងថា ដំណើរការបង្កើតកម្មវិធីសិក្សាក្នុងតំបន់ព្រមទាំងសៀវភៅមេរៀន (module) រួមមាន៖ បម្រែបម្រួលអាកាសធាតុជាមូលដ្ឋាន សុវត្ថិភាពសង្គមនិងបរិស្ថាន ការរៀបចំផែនការប្រើដីដែលបញ្ចេញកាបូនតិច និង ការវាស់និងត្រួតពិនិត្យ បរិមាណជាតិកាបូន។
សេចក្ដីប្រកាសព័ត៌មានដដែល បានបន្តថា សាស្ត្រាចារ្យនិងអ្នកឯកទេសខាងព្រៃឈើនិងបម្រែបម្រួលអាកាសធាតុ មកពីសាកលវិទ្យាល័យចំនួន១៤ ពីប្រទេសកម្ពុជា ឡាវ ថៃ វៀតណាម ម៉ាឡេស៊ី និង ប៉ាពួញូហ្គីណេបានសហការគ្នាក្នុងការបង្កើតកម្មវិធីសិក្សាផ្នែកបម្រែបម្រួលអាកាសធាតុនេះ។ ហើយកម្មវិធីនេះនឹងត្រូវយកមកប្រើ ដើម្បីបណ្តុះបណ្តាលវិជ្ជាជីវៈខាងបម្រែបម្រួលអាកាសធាតុជំនាន់ក្រោយនៅក្នុងតំបន់។
USAID LEAF អនុវត្តវិធីសាស្ត្រតំបន់ដើម្បីជួយកាត់បន្ថយការបញ្ចេញឧស្ម័នផ្ទះកញ្ចក់ពីការប្រើប្រាស់ដី ព្រៃឈើដល់បណ្តាប្រទេសចំនួន៦ រួមមានកម្ពុជា ឡាវ ម៉ាឡេស៊ី ប៉ាពួញូហ្គីណេ ថៃ និង វៀតណាម៕
© រក្សាសិទ្ធិដោយ thmeythmey.com