ព័ត៍មានសុខភាព
សុខភាព៖ ស្រាក្រហម និងសាច់ក្រហម ល្អចំពោះផ្លូវភេទ
× រឿងនេះស្តាប់ទៅ ដូចជាកំពុងតែផ្តល់ពេលវេលាដ៏ល្អមួយ សម្រាប់យើងគ្រប់គ្នាហើយមើលទៅ! បើយោងទៅតាមអ្នកស្រាវជ្រាវជនជាតិអ៊ីតាលី នាពេលថ្មីៗនេះបានអោយដឹងថា អង់ទីអុកស៊ីដង់ និងជាតិអាល់កុលក្នុងស្រា ប្រហែលជាជួយជម្រុញដល់ការផលិតសារធាតុ Nitric Oxide ក្នុងឈាម ដែលវាមាននាទី ជួយអោយជញ្ជាំងសរសៃឈាមអាក់ទែធូរ និងបង្កើនលំហូរឈាម ទៅកាន់ប្រដាប់ភេទ។
ដូច្នេះ អ្នកគ្រាន់តែទទួលទាន ត្រឹមមួយកែវពីរទៅគឺបានហើយ ព្រោះការទទួលទានជាតិអាល់កុលច្រើនជាងនេះ អាចប៉ះពាល់ដល់សកម្មភាពផ្លូវភេទ និងនាំអោយភាពសិចស៊ីលើគ្រែ កាន់តែលែងមានលក្ខណៈធម្មជាតិវិញហើយ។
ចូរចាំថា ទោះបីជាមនុស្សដែលមិនចេះទទួលគ្រឿងស្រវឹងក៏ដោយ ក៏អាចទទួលបានប្រយោជន៍ ពីស្រាទំពាំងបាយជូរផងដែរ។ ចំពោះទឹកទំពាំងបាយជូរខ្មៅ វាផ្ទុកទៅដោយសារធាតុអង់ទីអុកស៊ីដង់ Polyphenols ដែលជួយការពារប្រព័ន្ធបេះដូង-សរសៃឈាម និងជួយអោយស្បែកមានភាពបត់បែន។
ចំពោះសាច់ក្រហម ជាពិសេស សាច់គ្មានខ្លាញ់ គឺជាប្រភពដ៏អស្ចារ្យមួយ នៃជាតិស័ង្គសី ដែលជាប្រភេទជាតិរ៉ែជំនួយ និងទប់ស្កាត់ការផលិតរបស់អ័រម៉ូន Prolactin ព្រោះកាលណាអ័រម៉ូនមួយនេះឡើងខ្ពស់ក្នុងឈាម វានឹងធ្វើអោយមានអសមត្ថភាពផ្លូវភេទ។ ស័ង្គសី ក៏ជាជីវជាតិបង្កើនសាច់ដុំដ៏សំខាន់មួយដែរ ហើយការសិក្សាបានអោយដឹងថា កំហាប់ដ៏ខ្ពស់របស់សារធាតុ Conjugated Linoleic Acid (CLA) ក្នុងសាច់គោ ប្រហែលជាជួយជម្រុញការសម្រកទម្ងន់បានទៀតផង៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com