ជាតិ
សង្គមជាតិ
យុវជនជួយការងារអភិបាលកិច្ចក្នុងឃុំ ភ្នំសំពៅ
× បាត់ដំបង៖ យុវជននៅតាមមូលដ្ឋានអាចជួយការងារអភិបាលកិច្ចរបស់អាជ្ញាធរបាន។ ការងារផ្សព្វផ្សាយ អប់រំ ពួកគេសុទ្ធតែអាចចូលរួមជួយថ្នាក់ដឹកនាំមូលដ្ឋានដែលត្រូវបញ្ជ្រាបព័ត៌មានដល់ប្រជាពលរដ្ឋ។
អ្នកស្រី រាំ ចាន់នី ដែលជាស្មៀនឃុំ ភ្នំសំពៅ នៃស្រុកបាណន់ ខេត្តបាត់ដំបង បានទទួលស្គាល់ពីសារៈសំខាន់នៃវត្តមានយុវជន ក្នុងការអនុវត្តការងារអភិបាលកិច្ចនៅក្នុងឃុំរបស់អ្នកស្រី។ ឧទាហរណ៍តូចមួយ ប៉ុន្តែសំខាន់ គឺជាអ្វីដែលអ្នកស្រីស្មៀនឃុំ ចង់លើកយកមកបង្ហាញ។ អ្នកស្រីរៀបរាប់ឲ្យដឹងថា ប្រជាពលរដ្ឋក្នុងមូលដ្ឋានតែងតែមិនចង់មកចូលរួមប្រជុំប្រចាំខែ ឬប្រជុំរៀបចំផែនការអភិវឌ្ឍឃុំនោះទេ។ អ្នកស្រីបន្តយ៉ាងដូច្នេះថា៖«ប៉ុន្តែក្រោយពីមានក្រុមយុវជនរបស់អង្គការតម្លាភាពបានជួយចុះផ្សព្វផ្សាយដល់ប្រជាពលរដ្ឋ និងយុវជនផ្សេងៗទៀត ពួកគាត់បានយល់ និងបានមកចូលរួមជាមួយក្រុមប្រឹក្សាឃុំ ទោះបីពេលខ្លះ វាមិនមានចំនួនច្រើនក៏ដោយ»។
© រក្សាសិទ្ធិដោយ thmeythmey.com