ជាតិ
នយោបាយជាតិ
លោក សម រង្ស៊ី ប្រកាសថែរក្សាវប្បធម៌សន្ទនាគា្ន បន្ទាប់ពីការព្រមានរបស់លោក ហ៊ុន សែន
×![]()
ដោយ: ធឿន បញ្ញាឬទិ្ធ
មេដឹកនាំបក្សប្រឆាំងលោក សម រង្ស៊ី បានប្រកាសពីការសហការជាមួយគណបក្សប្រជាជនកម្ពុជា ដើម្បីដោះស្រាយបញ្ហាជាតិ។ នៅចំពោះមុខអ្នកគាំទ្រខ្លួនរាប់ពាន់នាក់ ក្នុងស្រុកមេមត់ លោក សម រង្ស៊ី បានអះអាងថា រូបលោក នឹងខំប្រឹងថែរក្សាវប្បធម៌សន្ទនាគ្នាជាមួយនឹងគណបក្សកាន់អំណាច។ ជំហរជាថ្មីរបស់លោក សម រង្ស៊ី នេះធ្វើឡើងក្រោយពីលោកនាយករដ្ឋមន្ត្រី ហ៊ុន សែន ព្រមានលុបចោលវប្បធម៌សន្ទនាគ្នាចោល។
ជាការប្រកាសជំហរសារជាថ្មីម្តងទៀត ប្រធានគណបក្សសង្គ្រោះជាតិ លោក សម រង្ស៊ី បានបង្ហាញពីឥរិយាបថនយោបាយទន់ភ្លន់ ដោយចង់សហការជាមួយគណបក្សប្រជាជនកម្ពុជា ដើម្បីដោះស្រាយបញ្ហារបស់ប្រជាពលរដ្ឋ។ សម្រាប់លោកប្រមុខបក្សប្រឆាំងរូបនេះ វប្បធម៌សន្ទនាគ្នារបស់មេដឹកនាំបក្សប្រឆាំងជាមួយមេដឹកនាំបក្សកាន់អំណាច គឺជារឿងដែលមិនខ្វះបានឡើយក្នុងការដោះស្រាយបញ្ហារបស់ជាតិ និងប្រជាពលរដ្ឋ ។ លោក សម រង្ស៊ី ក៏បានប្តេជ្ញារក្សានូវវប្បធម៌សន្ទនាគ្នានេះឲ្យបានគង់វង់ទៅមុខទៀតផងដែរ។
លោក សម សង្ស៊ី បានបញ្ជាក់ដូច្នេះថា៖«យើងចាស់ប៉ុណ្ណឹងហើយយើងអត់ត្រូវការអីទេ ។ ពួកយើងអាណិតប្រជារាស្ត្រ ។ យើងចង់បានកិត្តិយស តាមរយៈការសង្គ្រោះជាតិ ជួយប្រជារាស្ត្រ។យើងបង្កើតវប្បធម៌សន្ទានាគ្នា ចាប់ដៃគ្នា ដោះស្រាយបញ្ហាជាតិ ។ បើនិយាយឲ្យចំទៅគឺសម្តេច ហ៊ុន សែន និងខ្ញុំ សម រង្ស៊ី បានផ្តួចផ្តើមបង្កើតនូវវប្បធម៌សន្ទនាគា្នឡើយ។ វប្បធម៌សន្ទនាគ្នា ខ្ញុំមិនឲ្យបាត់បង់នោះទេ ។ ខ្ញុំនឹងខិតខំរក្សាវាឲ្យបានល្អប្រសើរ ឲ្យរលូន បើទោះបីជាកន្លងមក មានភាពរអាក់រអួលបន្តិចក៏ដោយ »។
ជាមួយគ្នានេះលោក សម រង្ស៊ី ក៏បានប្រកាសពីគុណសម្បត្តិកន្លងមក ក្រោមកិច្ចសន្ទនាគ្នារវាងគណបក្សប្រជាជនកម្ពុជា និងគណបក្សសង្គ្រោះជាតិ មានដូចជាការបញ្ចុះតម្លៃប្រេងសាំងជាដើម ។ «ឥឡូវនេះការបញ្ចុះថ្លៃភ្លើងហើយ ទាល់តែមានគណបក្សសង្គ្រោះជាតិនៅពីក្រោយ រំលឹក ដាស់តឿនជំរុញ ។ ថ្លៃប្រេងសាំងពី៥០០០រៀល ចុះក្រោម៤០០០រៀលហើយ។ នេះដោយសារគណបក្សទាំងពីរ បានផ្ដល់ព័ត៌មានគ្នាទៅវិញទៅមក មានសួរនាំដេញដោលគ្នាទៅវិញទៅមក។ បើមានគណបក្សតែមួយមិនអាចបញ្ចុះបានទេ លុះត្រាតែមានគណបក្សធំៗពីរជំរុញគ្នា ទើបបានចំណេញរាស្ត្រ។ នេះទើបជាលិទ្ធិប្រជាធិបតេយ្យ » ។ នេះជាការអះអាងរបស់លោក សម រង្ស៊ី។
យ៉ាងណាក៏ដោយចុះការអះអាងរបស់លោកមេបក្សប្រឆាំងបែបនេះ បានធ្វើឡើង ក្រោយពីលោក ហ៊ុន សែន បានព្រមានខ្លាំងៗផ្ញើសារទៅកាន់មេដឹកនាំគណបក្សសង្គ្រោះជាតិ កាលពីថ្ងៃទី១៩មករាថា រូបលោកនឹងលែងអនុវត្តវប្បធម៌សន្ទនាគ្នាទៀត ហើយប្រកាសវាយប្រហារគ្នាតាមពាក្យសម្តីទៅវិញទៅមក ។ លោកនាយករដ្ឋមន្ត្រី បានចោទលោក សម រង្ស៊ី និងលោក កឹម សុខា ថា ជាអ្នកមិនបានគោរពទៅលើវប្បធម៌សន្ទនាគ្នាដែលសន្យាកន្លងមកឡើយ ក្រោយពីលោកទាំងពីររិះគន់ភាពអសកម្មរបស់រដ្ឋាភិបាលលោក ហ៊ុន សែន នៅតាមខេត្ត៕
ជាការប្រកាសជំហរសារជាថ្មីម្តងទៀត ប្រធានគណបក្សសង្គ្រោះជាតិ លោក សម រង្ស៊ី បានបង្ហាញពីឥរិយាបថនយោបាយទន់ភ្លន់ ដោយចង់សហការជាមួយគណបក្សប្រជាជនកម្ពុជា ដើម្បីដោះស្រាយបញ្ហារបស់ប្រជាពលរដ្ឋ។ សម្រាប់លោកប្រមុខបក្សប្រឆាំងរូបនេះ វប្បធម៌សន្ទនាគ្នារបស់មេដឹកនាំបក្សប្រឆាំងជាមួយមេដឹកនាំបក្សកាន់អំណាច គឺជារឿងដែលមិនខ្វះបានឡើយក្នុងការដោះស្រាយបញ្ហារបស់ជាតិ និងប្រជាពលរដ្ឋ ។ លោក សម រង្ស៊ី ក៏បានប្តេជ្ញារក្សានូវវប្បធម៌សន្ទនាគ្នានេះឲ្យបានគង់វង់ទៅមុខទៀតផងដែរ។
លោក សម សង្ស៊ី បានបញ្ជាក់ដូច្នេះថា៖«យើងចាស់ប៉ុណ្ណឹងហើយយើងអត់ត្រូវការអីទេ ។ ពួកយើងអាណិតប្រជារាស្ត្រ ។ យើងចង់បានកិត្តិយស តាមរយៈការសង្គ្រោះជាតិ ជួយប្រជារាស្ត្រ។យើងបង្កើតវប្បធម៌សន្ទានាគ្នា ចាប់ដៃគ្នា ដោះស្រាយបញ្ហាជាតិ ។ បើនិយាយឲ្យចំទៅគឺសម្តេច ហ៊ុន សែន និងខ្ញុំ សម រង្ស៊ី បានផ្តួចផ្តើមបង្កើតនូវវប្បធម៌សន្ទនាគា្នឡើយ។ វប្បធម៌សន្ទនាគ្នា ខ្ញុំមិនឲ្យបាត់បង់នោះទេ ។ ខ្ញុំនឹងខិតខំរក្សាវាឲ្យបានល្អប្រសើរ ឲ្យរលូន បើទោះបីជាកន្លងមក មានភាពរអាក់រអួលបន្តិចក៏ដោយ »។
ជាមួយគ្នានេះលោក សម រង្ស៊ី ក៏បានប្រកាសពីគុណសម្បត្តិកន្លងមក ក្រោមកិច្ចសន្ទនាគ្នារវាងគណបក្សប្រជាជនកម្ពុជា និងគណបក្សសង្គ្រោះជាតិ មានដូចជាការបញ្ចុះតម្លៃប្រេងសាំងជាដើម ។ «ឥឡូវនេះការបញ្ចុះថ្លៃភ្លើងហើយ ទាល់តែមានគណបក្សសង្គ្រោះជាតិនៅពីក្រោយ រំលឹក ដាស់តឿនជំរុញ ។ ថ្លៃប្រេងសាំងពី៥០០០រៀល ចុះក្រោម៤០០០រៀលហើយ។ នេះដោយសារគណបក្សទាំងពីរ បានផ្ដល់ព័ត៌មានគ្នាទៅវិញទៅមក មានសួរនាំដេញដោលគ្នាទៅវិញទៅមក។ បើមានគណបក្សតែមួយមិនអាចបញ្ចុះបានទេ លុះត្រាតែមានគណបក្សធំៗពីរជំរុញគ្នា ទើបបានចំណេញរាស្ត្រ។ នេះទើបជាលិទ្ធិប្រជាធិបតេយ្យ » ។ នេះជាការអះអាងរបស់លោក សម រង្ស៊ី។
យ៉ាងណាក៏ដោយចុះការអះអាងរបស់លោកមេបក្សប្រឆាំងបែបនេះ បានធ្វើឡើង ក្រោយពីលោក ហ៊ុន សែន បានព្រមានខ្លាំងៗផ្ញើសារទៅកាន់មេដឹកនាំគណបក្សសង្គ្រោះជាតិ កាលពីថ្ងៃទី១៩មករាថា រូបលោកនឹងលែងអនុវត្តវប្បធម៌សន្ទនាគ្នាទៀត ហើយប្រកាសវាយប្រហារគ្នាតាមពាក្យសម្តីទៅវិញទៅមក ។ លោកនាយករដ្ឋមន្ត្រី បានចោទលោក សម រង្ស៊ី និងលោក កឹម សុខា ថា ជាអ្នកមិនបានគោរពទៅលើវប្បធម៌សន្ទនាគ្នាដែលសន្យាកន្លងមកឡើយ ក្រោយពីលោកទាំងពីររិះគន់ភាពអសកម្មរបស់រដ្ឋាភិបាលលោក ហ៊ុន សែន នៅតាមខេត្ត៕
© រក្សាសិទ្ធិដោយ thmeythmey.com
