ជាតិ
កំណាព្យ៖ ទុកដាក់សំរាមតាមរបៀប
× ទុកដាក់សំរាមតាមរបៀប
(បទៈ នាគគៀវក្រវាត់)
-ទីក្រុងស្អាតល្អមិនគួរមាន មានគួរចេះរៀនចេះទុកដាក់
ដាក់ទុកសំរាមដោយតាមថ្នាក់ ថ្នាក់តាមសើមស្ងួតក្នុងទីធ្លា។
-ធ្លាទីកខ្វក់ល្អក់ខ្លោចចិត្ត ចិត្តខ្លោចរួមរិតព្រោះមនុស្សម្នា
ម្នាមនុស្សទាំងឡាយនាំគ្នីគ្នា គ្នាគ្នីវាចោលសម្រាមយូរ។
-យូរគិតយ៉ាងណាឲ្យស្អាតបាត បាតស្អាតល្អល្អាតមុខរន្ធលូ
លូរន្ធពេញណែនមិនគង់យូរ យូរគង់ស្ទះលូខូចផ្លូវថ្នល់។
-ថ្នល់ផ្លូវលិចដាបដោយទឹកភ្លៀង ភ្លៀងទឹកគគាងលិចជន់ដល់
ដល់ជន់រាល់ពេលទើបខ្វាយខ្វល់ ខ្វល់ខ្វាយកង្វល់ភ្ញាក់គ្រប់ប្រាណ។
-ប្រាណគ្រប់អាត្មាគួរប្ដូរផ្លាស់ ផ្លាស់ប្តូរពីចាស់កុំជាន់ដាន
ដានជាន់ពីមុនមិនសមបាន បានសមភូមិឋានស្អាតស្រស់ថ្លា។
-ថ្លាស្អាតទីក្រុងស្រស់យប់ថ្ងៃ ថ្ងៃយប់ប្រពៃក្តីប្រាថ្នា
ថ្នាថ្នាលយល់ថ្នឹកគ្រប់អាត្មា ត្មាថាគ្មានរោគព្រោះសំរាម៕
និពន្ធដោយ៖ វិឆ័យ សុភី
© រក្សាសិទ្ធិដោយ thmeythmey.com