ជាតិ
នយោបាយជាតិ
LDP ចង់បានភស្តុតាងដែលថាបក្សតូចៗកើតចេញពីការជ្រោមជ្រែងរបស់បក្សកាន់អំណាច
លោក ខឹម វាសនា ប្រធានគណបក្ស LDP
×![]()
ដោយ: ធឿន បញ្ញាឬទិ្ធ
គណបក្សសម្ព័ន្ធដើម្បីប្រជាធិបតេយ្យ (LDP) ចង់ឲ្យមេដឹកនាំបក្សប្រឆាំងបង្ហាញភស្ដុតាងពិតច្បាស់លាស់មួយ បញ្ជាក់មូលហេតុពិតប្រាកដ ចំពោះការលើកឡើងរបស់ខ្លួនកន្លងមក ដែលបានចោទប្រកាន់គណបក្សតូចៗថា កើតចេញពីការជួយជ្រោមជ្រែង របស់គណបក្សប្រជាជនកម្ពុជា ។ នេះបើតាមលោក កូវ គា អគ្គលេខាធិការរងបក្សសម្ព័ន្ធដើម្បីប្រជាធិបតេយ្យ។ 
ថ្លែងប្រាប់សារព័ត៌មានថ្មីៗ លោក កូវ គា អះអាងថា គណបក្សរបស់លោកនឹងធ្វើបាតុកម្មប្រឆាំងនឹង លោក សម រង្ស៊ី និងលោក កឹម សុខា មេដឹកនាំបក្សប្រឆាំងទាំងពីរនេះ បើសិនជានៅតែបន្ដចោទប្រកាន់គណបក្សតូចៗទៀត។
លោកបន្ថែមថា៖« បើបក្សប្រឆាំងនេះនៅតែបន្ដដើរនិយាយទៀត គណបក្សខ្ញុំនឹងអញ្ជើញឲ្យគាត់មកបកស្រាយបង្ហាញការពិត ភស្ដុតាងដល់ពួកគណបក្សយើង យើងតាមដានមើលសកម្មភាពពួកគេបន្ដទៀត ។ បើអញ្ជើញមិនមក គឺយើងនឹងដឹកនាំធ្វើបាតុកម្មប្រឆាំង បើនៅតែនិយាយគ្មានហេតុផល បង្ខូចឈ្មោះគណបក្សតូចៗទៀត»។
គណបក្សសម្ព័ន្ធដើម្បីប្រជាធិបតេយ្យក៏បានចេញសេចក្ដីប្រកាសមួយច្បាប់ ប្រតិកម្មតបនឹងមេដឹកនាំបក្សប្រឆាំង ដោយយល់ថា ការលើកឡើងរបស់មេដឹកនាំគណបក្សសង្គ្រោះជាតិខុសពីការពិត ហើយបានហៅការចោទប្រកាន់នោះថា ជាវប្បធម៌លាបពណ៌ កំពុងបំភ្លៃការពិត ដើម្បីផ្តូលរំលំគណបក្សតូចដទៃទៀត ក្នុងបំណងទាញយកប្រជាប្រិយភាពផ្នែកនយោបាយ ដោយល្បិចទុច្ចរិត និងបំផ្លាញជាតិជាដើម ។
កន្លងមកមេដឹកនាំបក្សប្រឆាំង បានថ្លែងទៅកាន់សកម្មជន និងអ្នកគាំទ្ររបស់នៅតាមមូលដ្ឋានថា គណបក្សតូចៗបង្កើតមកនេះ គឺដើម្បីបំបែកសម្លេងគណបក្សប្រឆាំង ដោយសារមានការជួយជ្រោមជ្រែងពីគណបក្សកាន់អំណាច។ ហើយមេបក្សប្រឆាំងទាំងពីរ ក៏អំពាវនាវកុំឲ្យប្រជាពលរដ្ឋជឿគាំទ្រគណបក្សតូចៗឡើយ៕
ថ្លែងប្រាប់សារព័ត៌មានថ្មីៗ លោក កូវ គា អះអាងថា គណបក្សរបស់លោកនឹងធ្វើបាតុកម្មប្រឆាំងនឹង លោក សម រង្ស៊ី និងលោក កឹម សុខា មេដឹកនាំបក្សប្រឆាំងទាំងពីរនេះ បើសិនជានៅតែបន្ដចោទប្រកាន់គណបក្សតូចៗទៀត។
លោកបន្ថែមថា៖« បើបក្សប្រឆាំងនេះនៅតែបន្ដដើរនិយាយទៀត គណបក្សខ្ញុំនឹងអញ្ជើញឲ្យគាត់មកបកស្រាយបង្ហាញការពិត ភស្ដុតាងដល់ពួកគណបក្សយើង យើងតាមដានមើលសកម្មភាពពួកគេបន្ដទៀត ។ បើអញ្ជើញមិនមក គឺយើងនឹងដឹកនាំធ្វើបាតុកម្មប្រឆាំង បើនៅតែនិយាយគ្មានហេតុផល បង្ខូចឈ្មោះគណបក្សតូចៗទៀត»។
គណបក្សសម្ព័ន្ធដើម្បីប្រជាធិបតេយ្យក៏បានចេញសេចក្ដីប្រកាសមួយច្បាប់ ប្រតិកម្មតបនឹងមេដឹកនាំបក្សប្រឆាំង ដោយយល់ថា ការលើកឡើងរបស់មេដឹកនាំគណបក្សសង្គ្រោះជាតិខុសពីការពិត ហើយបានហៅការចោទប្រកាន់នោះថា ជាវប្បធម៌លាបពណ៌ កំពុងបំភ្លៃការពិត ដើម្បីផ្តូលរំលំគណបក្សតូចដទៃទៀត ក្នុងបំណងទាញយកប្រជាប្រិយភាពផ្នែកនយោបាយ ដោយល្បិចទុច្ចរិត និងបំផ្លាញជាតិជាដើម ។
កន្លងមកមេដឹកនាំបក្សប្រឆាំង បានថ្លែងទៅកាន់សកម្មជន និងអ្នកគាំទ្ររបស់នៅតាមមូលដ្ឋានថា គណបក្សតូចៗបង្កើតមកនេះ គឺដើម្បីបំបែកសម្លេងគណបក្សប្រឆាំង ដោយសារមានការជួយជ្រោមជ្រែងពីគណបក្សកាន់អំណាច។ ហើយមេបក្សប្រឆាំងទាំងពីរ ក៏អំពាវនាវកុំឲ្យប្រជាពលរដ្ឋជឿគាំទ្រគណបក្សតូចៗឡើយ៕
© រក្សាសិទ្ធិដោយ thmeythmey.com
