លោកស៊ូប៊ែឌី៖ អណត្តិ៦ឆ្នាំនេះ ខ្ញុំអនុវត្តតាមវិជ្ជាជីវៈរបស់ខ្ញុំ

ជាតិ

នយោបាយជាតិ

លោកស៊ូប៊ែឌី៖ អណត្តិ៦ឆ្នាំនេះ ខ្ញុំអនុវត្តតាមវិជ្ជាជីវៈរបស់ខ្ញុំ

24, Jan 2015 , 7:30 pm

រូបភាព

ដោយ: ថ្មីៗ

អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកផ្នែកសិទ្ធិមនុស្សនៅកម្ពុជាលោក សូរិយា ប្រាសាទស៊ូប៊ែឌី បានថ្លែងនៅក្នុងសន្និសីទកាសែតលើកចុងក្រោយរបស់លោក នៅទីស្នាក់ការអង្គការសហប្រជាជាតិ កាលពីម្សិលមិញថា នៅក្នុងការបំពេញតួនាទីក្នុងអណត្តិ៦ឆ្នាំកន្លងមកនេះ លោកបានអនុវត្តវិជ្ជាជីវៈជាអ្នករាយការណ៍សិទ្ធិមនុស្សរបស់ខ្លួន ដោយមិនមាននិន្នាការលំអៀងទៅកាន់គណបក្សនយោបាយណាមួយឡើយ។ ហើយលោកថា ការរិះគន់របស់លោក និងការលើកពីបញ្ហាសិទ្ធិមនុស្សនៅកម្ពុជាកន្លងមក គឺធ្វើឡើងតាមស្ថានភាពជាក់ស្ដែង ។

លោកស៊ូប៊ែឌីបន្ថែមថា៖«ខ្ញុំរិះគន់ទាំងអស់មិនថាគណបក្សកាន់អំណាច ឬគណបក្សប្រឆាំង ឲ្យតែពួកគេធ្វើមិនត្រឹមត្រូវ។ តែរាល់ពេលខ្ញុំរិះគន់គឺមានអ្នកអាចទទួលយក និងអ្នកមិនទទួលយកការរិះគន់របស់ខ្ញុំ។ ខ្ញុំរិះគន់ដើម្បីកែលម្អ និងស្ថាបនាប្រទេសកម្ពុជា ដើម្បីទទួលបានលទ្ធិប្រជាធិបតេយ្យពិតប្រាកដ ។ ហើយពួកគេនឹងយល់នៅពេលប្រទេសកម្ពុជារីកចម្រើន ធំជាងនេះ»។

ជាមួយគ្នានោះលោកស៊ូប៊ែឌី បន្ថែមថា ប្រទេសកម្ពុជាកំពុងមានការអភិវឌ្ឍរីកចំរើនមួយចំនួន នៅក្នុងរយៈពេលចុងក្រោយនេះ។ ប៉ុន្ដែក៏នៅមានចំណុចមួយចំនួនមិនទាន់បានល្អប្រសើរនៅឡើយនោះទេ ទាំងបញ្ហាដីធ្លី ប្រព័ន្ធយុត្តិធម៌ និងការរំលោភបំពានពីអ្នកមានអំណាចជាដើម។ លោកក៏ជំរុញឲ្យអ្នកដឹកនាំនយោបាយបន្ដការចចារដោះស្រាយបញ្ហាទាំងអស់នេះជាមួយគ្នា។

លោកស៊ូប៊ែឌីបានមកទស្សនកិច្ចនៅប្រទេសកម្ពុជាចំនួន១២លើក ក្នុងនាមជាប្រេសិតអង្គការសហប្រជាជាតិ។ ហើយលោកនឹងត្រូវបញ្ចប់មុខតំណែងនេះនៅក្នុងខែមីនាខាងមុខ។

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

5 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

7 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

20 ម៉ោង

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

2 ថ្ងៃ

អត្ថបទពេញនិយមបន្ថែម