ជាតិ
×![]()
រតនគិរី៖ ថ្លែងនៅក្នុងពិធីបិទគម្រោងផ្សព្វផ្សាយបច្ចេកវិជ្ជាសមស្របកសិករក្រីក្រ ដើម្បីបង្កើត សន្តិសុខស្បៀងជនជាតិដើមភាគតិចក្នុងប្រទេសកម្ពុជា និងឡាវ ( Annadya) កាលពីថ្ងៃទី២៣ ខែមករា ម្សិលមិញនេះ លោក ថង សាវុន អភិបាលខេត្តរតនគិរី បានប្រាប់ឲ្យកសិករជនជាតិ ភាគតិចខេត្តរតនគិរីបញ្ឈប់ការចិញ្ចឹមសត្វ និងដាំដុះដំណាំកសិកម្មតាមបែបបុរាណ។ លោក បានបញ្ជាក់ថា សកម្មភាពបែបចាស់បុរាណនេះ អាចចិញ្ចឹមបានតែក្រពះប៉ុណ្ណោះ។
រាយការណ៍ដោយ រឿន ភារុន
ថ្លែងទៅកាន់តំណាងប្រជាកសិករជនជាតិដើមភាគតិចជាង ៣០០នាក់ នៅក្នុងពិធីបិទគម្រោងផ្សព្វផ្សាយបច្ចេកទេសកសិកម្មដល់ជនជាតិភាគតិច នៅថ្ងៃទី២៣ មករា ម្សិលមិញនេះ អភិបាលខេត្តរតនគិរី លោក ថង សាវុន បានសម្តែង ការបារម្ភជាខ្លាំង ចំពោះប្រពៃណីធ្វើកសិកម្ម និងចិញ្ចិមសត្វរបស់ជនជាតិដើមភាគតិច។ លោកថា ជនជាតិដើមភាគតិចខេត្តរតនគិរីតែងតែលែងសត្វចិញ្ចឹមដូចជា គោ ក្របី ចោលដើរទៅក្នុងព្រៃពាសវាលពាសកាលដដែល ដោយពុំមានធ្វើក្រោលដាក់ត្រឹមត្រូវឡើយ។ ជាងនេះទៀត កសិករជនជាតិភាគតិចភាគច្រើន នៅតែប្រកាន់ការធ្វើកសិកម្មបែបយថាផល ដដែល។ លោកបញ្ជាក់ថា ទង្វើទាំងនេះមិនអាចជួយឲ្យជីវភាពរស់នៅប្រចាំថ្ងៃរបស់ពួកគេ បានប្រសើរនោះឡើយ។
ទាក់ទិននឹងបញ្ហានេះដែរ លោក យន់ សំណល់ ប្រធានគ្រប់គ្រងអាណាឌីយ៉ា បានប្រាប់ថា ជនជាតិភាគតិចក្នុងរតនគិរី នៅតែរកទទួលទានតាមបែបបុរាណដដែល។ លោកថា ពួកគេមិនទាន់បានការបណ្តុះបណ្តាលពីបច្ចេកទេសកសិកម្មបានត្រូវនៅឡើយ។ លោកបានអះអាងថា ពួកគេនៅតែ ដើរបះបន្លែ បរបាញ់សត្វតាមព្រៃភ្នំ។ ដើម្បីដោះស្រាយបញ្ហានេះ លោកថា អាជ្ញាធរគួរតែចាត់វិធានបណ្តុះបណ្តាលពីបច្ចេកទេសដាំដុះ និងចិញ្ចឹមតាមបែបបច្ចេកទេសដល់ពួកគេផងដែរ។
ជុំវិញបញ្ហានេះដែរ លោក សយ សូណា ប្រធានមន្ទីរកសិកម្មខេត្តរតនគិរី ក៏បានសម្តែងក្តីបារម្ភផងដែរ។ លោកថា ប្រសិនបើជនជាតិមិនបោះបង់ចោលទំលាប់រស់នៅតាមបុរាណនេះទេ នោះវានឹងអាចធ្វើឲ្យពួកគេប្រឈមមុខនឹងបញ្ហាជីវភាពរស់នៅ។ លោកថា ប្រសិនបើព្រៃឈើ និងសត្វព្រៃមានការធ្លាក់ចុះនោះ ពួកគេនឹងមិនអាចចិញ្ចឹមជីវិតបានឡើយ៕
រាយការណ៍ដោយ រឿន ភារុន
ថ្លែងទៅកាន់តំណាងប្រជាកសិករជនជាតិដើមភាគតិចជាង ៣០០នាក់ នៅក្នុងពិធីបិទគម្រោងផ្សព្វផ្សាយបច្ចេកទេសកសិកម្មដល់ជនជាតិភាគតិច នៅថ្ងៃទី២៣ មករា ម្សិលមិញនេះ អភិបាលខេត្តរតនគិរី លោក ថង សាវុន បានសម្តែង ការបារម្ភជាខ្លាំង ចំពោះប្រពៃណីធ្វើកសិកម្ម និងចិញ្ចិមសត្វរបស់ជនជាតិដើមភាគតិច។ លោកថា ជនជាតិដើមភាគតិចខេត្តរតនគិរីតែងតែលែងសត្វចិញ្ចឹមដូចជា គោ ក្របី ចោលដើរទៅក្នុងព្រៃពាសវាលពាសកាលដដែល ដោយពុំមានធ្វើក្រោលដាក់ត្រឹមត្រូវឡើយ។ ជាងនេះទៀត កសិករជនជាតិភាគតិចភាគច្រើន នៅតែប្រកាន់ការធ្វើកសិកម្មបែបយថាផល ដដែល។ លោកបញ្ជាក់ថា ទង្វើទាំងនេះមិនអាចជួយឲ្យជីវភាពរស់នៅប្រចាំថ្ងៃរបស់ពួកគេ បានប្រសើរនោះឡើយ។
ទាក់ទិននឹងបញ្ហានេះដែរ លោក យន់ សំណល់ ប្រធានគ្រប់គ្រងអាណាឌីយ៉ា បានប្រាប់ថា ជនជាតិភាគតិចក្នុងរតនគិរី នៅតែរកទទួលទានតាមបែបបុរាណដដែល។ លោកថា ពួកគេមិនទាន់បានការបណ្តុះបណ្តាលពីបច្ចេកទេសកសិកម្មបានត្រូវនៅឡើយ។ លោកបានអះអាងថា ពួកគេនៅតែ ដើរបះបន្លែ បរបាញ់សត្វតាមព្រៃភ្នំ។ ដើម្បីដោះស្រាយបញ្ហានេះ លោកថា អាជ្ញាធរគួរតែចាត់វិធានបណ្តុះបណ្តាលពីបច្ចេកទេសដាំដុះ និងចិញ្ចឹមតាមបែបបច្ចេកទេសដល់ពួកគេផងដែរ។
ជុំវិញបញ្ហានេះដែរ លោក សយ សូណា ប្រធានមន្ទីរកសិកម្មខេត្តរតនគិរី ក៏បានសម្តែងក្តីបារម្ភផងដែរ។ លោកថា ប្រសិនបើជនជាតិមិនបោះបង់ចោលទំលាប់រស់នៅតាមបុរាណនេះទេ នោះវានឹងអាចធ្វើឲ្យពួកគេប្រឈមមុខនឹងបញ្ហាជីវភាពរស់នៅ។ លោកថា ប្រសិនបើព្រៃឈើ និងសត្វព្រៃមានការធ្លាក់ចុះនោះ ពួកគេនឹងមិនអាចចិញ្ចឹមជីវិតបានឡើយ៕
© រក្សាសិទ្ធិដោយ thmeythmey.com
