ជាតិ
នយោបាយជាតិ
ការប្រែប្រួលធំៗក្នុងរដ្ឋាភិបាលនឹងកើតមាន ក្រោយសន្និបាតបក្សកាន់អំណាច
×![]()
ដោយ: សារព័ត៌មានថ្មីៗ
មហាសន្និបាតគណបក្សប្រជាជនកម្ពុជាដែលចាប់ផ្តើមពីរសៀលថ្ងៃសុក្រនេះទៅ កំពុងទាញចំណាប់អារម្មណ៍យ៉ាងខ្លាំងពីពលរដ្ឋអ្នកតាមដានស្ថានការណ៍នយោបាយ សង្គមស៊ីវិល គណបក្សប្រឆាំង និងស្ថានទូតបរទេសប្រចាំកម្ពុជា។ មហាសន្និបាតវិសាមញ្ញនេះ ត្រូវបានរៀបចំធ្វើឡើង បន្ទាប់ពីគណបក្សប្រជាជនកម្ពុជាទើបបានដឹកនាំប្រទេសបានជាងមួយឆ្នាំនៅក្នុងអាណត្តិទី៥ ដែលមានកម្រិតប្រកួតប្រជែងខ្លាំងផ្នែកប្រជាប្រិយភាពទល់នឹងគណបក្សប្រឆាំង។
ការប្រកាសដាក់ឈ្មោះអាណត្តិទី៥ ថាជាអាណត្តិនៃកំណែទម្រង់ស៊ីជម្រៅរបស់លោកនាយករដ្ឋមន្ត្រី ហ៊ុន សែន នៅមិនទាន់គ្រប់គ្រាន់នៅឡើយ។ ការរុះរើគណៈរដ្ឋមន្ត្រីនៃអាណត្តិទី៤ ដោយផ្លាស់ប្តូរសមាសភាពរដ្ឋមន្ត្រីមួយចំនួនតូច សម្រាប់អាណត្តិទី៥ ក៏នៅមិនទាន់គ្រប់គ្រាន់។ ការអនុវត្តកំណែទម្រង់ក្នុងវិស័យអប់រំ ដំឡើងប្រាក់បៀវត្សរ៍ជូនមន្ត្រីរាជការ គ្រូបង្រៀន រៀបចំប្រព័ន្ធប្រមូលពន្ធ ប្រឆាំងអំពើពុករលួយ ក៏ទំនងជាមិនទាន់គ្រប់គ្រាន់នៅឡើយ សម្រាប់ការរង់ចាំរបស់ពលរដ្ឋខ្មែរ។ គណបក្សកាន់អំណាចខ្លួនឯងផ្ទាល់ ក៏ទំនងជាដឹងហើយថា ខ្លួនត្រូវធ្វើការផ្លាស់ប្តូរក្នុងទ្រង់ទ្រាយធំបន្ថែមទៀត ដើម្បីទាញយកការគាំទ្រ និងប្រជាប្រិយភាពសម្រាប់ការបោះឆ្នោតសាកល២០១៧ និង ២០១៨ មកវិញ។ ហេតុដូច្នេះហើយ ការរៀបចំមហាសន្និបាតវិសាមញ្ញដើម្បីធ្វើសេចក្តីសម្រេចលើយុទ្ធសាស្ត្រថ្មី សម្រាប់ការអនុវត្តឲ្យទាន់ពេលវេលា គឺជារឿងចាំបាច់សម្រាប់គណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន។
មិនមានការអះអាងផ្លូវការពីគណបក្សប្រជាជនកម្ពុជាអំពីរបៀបវារៈនានានៃមហាសន្និបាតនេះឡើយ ប៉ុន្តែ មន្ត្រីជាន់ខ្ពស់ខ្លះដែលបានឮសំដីនិយាយតគ្នាពីក្នុងគណបក្ស បានបង្ហើបថា ថ្នាក់ដឹកនាំកំពូលនៃគណបក្សនេះនឹងសម្រេចផ្លាស់ប្តូរសមាសភាពក្បាលម៉ាស៊ីនក្រសួងមួយចំនួនទៀត ដែលជាឱកាសនៃការបញ្ចូលកម្លាំងយុវជនដែលមានសមត្ថភាពរបស់គណបក្សទៅក្នុងរចនាសម្ព័ន្ធរដ្ឋបាលរដ្ឋាភិបាលរបស់ខ្លួន។ មន្ត្រីខ្លះទៀតក៏បាននិយាយថា លើសពីការបញ្ចូលសមាសភាពយុវជនទៅក្នុងគណៈកម្មាធិការកណ្តាលនៃគណបក្ស ក៏អាចមានដល់ការបញ្ចូលសមាសភាពយុវជនមួយចំនួនតូចចូលទៅក្នុងគណៈកម្មាធិការអចិន្ត្រៃយ៍ ដែលជាអង្គការកំពូលរបស់គណបក្សនេះដែរ។
ការប្រឆាំងអំពើពុករលួយ ប្រឆាំងបក្ខពួកនិយម និងលទ្ធភាពនៃការលុបចោលស្ថាប័ន ឬអង្គភាពមួយចំនួនដែលមិនមានដំណើរការ ឬមានប្រយោជន៍នោះ ក៏អាចក្លាយជាសេចក្តីប្រកាសព្រមាននៅក្នុងមហាសន្និបាត ពីសំណាក់ថ្នាក់ដឹកនាំកំពូលរបស់គណបក្សប្រជាជនកម្ពុជា ហើយដែលកំពុងដឹកនាំរដ្ឋាភិបាលផងដែរនោះ ទៅជួរសមាជិកគណបក្សដែលកំពុងគ្រប់គ្រងស្ថាប័នចំណុះរដ្ឋដែរ។
និយាយរួម ថ្នាក់ដឹកនាំគណបក្សប្រជាជនកម្ពុជានឹងត្រូវធ្វើឲ្យមហាសន្និបាតវិសាមញ្ញនេះមានន័យ នៅចំពោះមុខការកើនឡើងឥទ្ធិពលនៃគណបក្សប្រឆាំង៕
ការប្រកាសដាក់ឈ្មោះអាណត្តិទី៥ ថាជាអាណត្តិនៃកំណែទម្រង់ស៊ីជម្រៅរបស់លោកនាយករដ្ឋមន្ត្រី ហ៊ុន សែន នៅមិនទាន់គ្រប់គ្រាន់នៅឡើយ។ ការរុះរើគណៈរដ្ឋមន្ត្រីនៃអាណត្តិទី៤ ដោយផ្លាស់ប្តូរសមាសភាពរដ្ឋមន្ត្រីមួយចំនួនតូច សម្រាប់អាណត្តិទី៥ ក៏នៅមិនទាន់គ្រប់គ្រាន់។ ការអនុវត្តកំណែទម្រង់ក្នុងវិស័យអប់រំ ដំឡើងប្រាក់បៀវត្សរ៍ជូនមន្ត្រីរាជការ គ្រូបង្រៀន រៀបចំប្រព័ន្ធប្រមូលពន្ធ ប្រឆាំងអំពើពុករលួយ ក៏ទំនងជាមិនទាន់គ្រប់គ្រាន់នៅឡើយ សម្រាប់ការរង់ចាំរបស់ពលរដ្ឋខ្មែរ។ គណបក្សកាន់អំណាចខ្លួនឯងផ្ទាល់ ក៏ទំនងជាដឹងហើយថា ខ្លួនត្រូវធ្វើការផ្លាស់ប្តូរក្នុងទ្រង់ទ្រាយធំបន្ថែមទៀត ដើម្បីទាញយកការគាំទ្រ និងប្រជាប្រិយភាពសម្រាប់ការបោះឆ្នោតសាកល២០១៧ និង ២០១៨ មកវិញ។ ហេតុដូច្នេះហើយ ការរៀបចំមហាសន្និបាតវិសាមញ្ញដើម្បីធ្វើសេចក្តីសម្រេចលើយុទ្ធសាស្ត្រថ្មី សម្រាប់ការអនុវត្តឲ្យទាន់ពេលវេលា គឺជារឿងចាំបាច់សម្រាប់គណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន។
មិនមានការអះអាងផ្លូវការពីគណបក្សប្រជាជនកម្ពុជាអំពីរបៀបវារៈនានានៃមហាសន្និបាតនេះឡើយ ប៉ុន្តែ មន្ត្រីជាន់ខ្ពស់ខ្លះដែលបានឮសំដីនិយាយតគ្នាពីក្នុងគណបក្ស បានបង្ហើបថា ថ្នាក់ដឹកនាំកំពូលនៃគណបក្សនេះនឹងសម្រេចផ្លាស់ប្តូរសមាសភាពក្បាលម៉ាស៊ីនក្រសួងមួយចំនួនទៀត ដែលជាឱកាសនៃការបញ្ចូលកម្លាំងយុវជនដែលមានសមត្ថភាពរបស់គណបក្សទៅក្នុងរចនាសម្ព័ន្ធរដ្ឋបាលរដ្ឋាភិបាលរបស់ខ្លួន។ មន្ត្រីខ្លះទៀតក៏បាននិយាយថា លើសពីការបញ្ចូលសមាសភាពយុវជនទៅក្នុងគណៈកម្មាធិការកណ្តាលនៃគណបក្ស ក៏អាចមានដល់ការបញ្ចូលសមាសភាពយុវជនមួយចំនួនតូចចូលទៅក្នុងគណៈកម្មាធិការអចិន្ត្រៃយ៍ ដែលជាអង្គការកំពូលរបស់គណបក្សនេះដែរ។
ការប្រឆាំងអំពើពុករលួយ ប្រឆាំងបក្ខពួកនិយម និងលទ្ធភាពនៃការលុបចោលស្ថាប័ន ឬអង្គភាពមួយចំនួនដែលមិនមានដំណើរការ ឬមានប្រយោជន៍នោះ ក៏អាចក្លាយជាសេចក្តីប្រកាសព្រមាននៅក្នុងមហាសន្និបាត ពីសំណាក់ថ្នាក់ដឹកនាំកំពូលរបស់គណបក្សប្រជាជនកម្ពុជា ហើយដែលកំពុងដឹកនាំរដ្ឋាភិបាលផងដែរនោះ ទៅជួរសមាជិកគណបក្សដែលកំពុងគ្រប់គ្រងស្ថាប័នចំណុះរដ្ឋដែរ។
និយាយរួម ថ្នាក់ដឹកនាំគណបក្សប្រជាជនកម្ពុជានឹងត្រូវធ្វើឲ្យមហាសន្និបាតវិសាមញ្ញនេះមានន័យ នៅចំពោះមុខការកើនឡើងឥទ្ធិពលនៃគណបក្សប្រឆាំង៕
© រក្សាសិទ្ធិដោយ thmeythmey.com
