លោក អ៊ូ វីរៈ ប្រាប់គន្លឹះដល់រដ្ឋាភិបាល ដើម្បីដោះស្រាយបញ្ហាគម្លាតអ្នកមាននិងអ្នកក្រ

ជាតិ

នយោបាយជាតិ

លោក អ៊ូ វីរៈ ប្រាប់គន្លឹះដល់រដ្ឋាភិបាល ដើម្បីដោះស្រាយបញ្ហាគម្លាតអ្នកមាននិងអ្នកក្រ

02, Feb 2015 , 3:29 pm

រូបភាព

ដោយ: ថ្មីៗ

អ្នកដឹកនាំក្រុមអ្នកស្រាវជ្រាវគោលនយោបាយសាធារណៈ ដើម្បីដោះស្រាយបញ្ហាជាតិ លោក អ៊ូ វីរៈ មិនពេញចិត្តសោះឡើយចំពោះបញ្ហាគម្លាតរវាងអ្នកមាន និងអ្នកក្រនៅកម្ពុជា បច្ចុប្បន្ន ។ លោកអនុបណ្ឌិតផ្នែកសេដ្ឋកិច្ចមកពីអាមេរិករូបនេះ បានអះអាងថា នៅកម្ពុជាមិនលំបាកឡើយ ប្រសិនបើរដ្ឋាភិបាលមានចេតនាពិតប្រាកដក្នុងការដោះស្រាយបញ្ហានេះ ហើយបើរដ្ឋាភិបាលដោះស្រាយបញ្ហានេះបាន គណបក្សប្រជាជនកម្ពុជាអាចនឹងទទួលបានជោគជ័យនៅក្នុងការបោះឆ្នោតដោយមានកិត្តិយស។ លោក អ៊ូ វីរៈ បញ្ជាក់ថា គន្លឹះដែលស្រួលនោះ គ្មានអ្វីក្រៅពីការពិនិត្យមើលបញ្ហាសេដ្ឋកិច្ច តាមរយៈការដោះស្រាយបញ្ហាហេដ្ឋារចនាសម្ព័ន្ធ បញ្ហាដីធ្លី ទេសចរណ៍ កសិកម្ម និងឧស្សាហកម្មនោះឡើយ។