ជាតិ
សង្គមជាតិ
វត្តសាមគ្គីរង្សី និងសាលារាជធានី ឆ្លើយឆ្លងគ្នារឿងការពិនិត្យរដ្ឋបាលក្នុងវត្ត
×![]()
ដោយ: ខន ចំប៉ា
វត្តសាមគ្គីរង្សី ដែលស្ថិតក្នុងសង្កាត់ស្ទឹងមានជ័យ ខណ្ឌមានជ័យចេញប្រកាសច្រានចោលការអធិប្បាយរបស់អ្នកនាំពាក្យរាជធានីភ្នំពេញ លោក ឡុង ឌីម៉ង់ ដែលបាននិយាយប្រាប់បណ្តាញសារព័ត៌មានថា គណៈកម្មការវត្តមិនដែលសហការជាមួយអាជ្ញាធរ។ ការប្រើប្រាស់ដំដីចោទប្រកាន់គ្នាកើតឡើង បន្ទាប់ពីអាជ្ញាធររាជធានីគ្រោងបើកការពិនិត្យ និងអង្កេតផ្នែករដ្ឋបាលនៅក្នុងវត្តសាមគ្គីរង្សី។
គណៈកម្មការវត្តសាមគ្គីបានស្រង់សំដីរបស់អ្នកនាំពាក្យសាលារាជធានីដែលនិយាយប្រាប់សារព័ត៌មាននានាថា វត្តបានអនុញ្ញាតឲ្យពលរដ្ឋស្នាក់នៅក្នុងវត្ត ហើយមានពលរដ្ឋចេញពីវត្តធ្វើបាតុកម្ម កូដកម្មនៅកន្លែងនានា ថាពលរដ្ឋទាំងនោះធ្លាប់ធ្វើសកម្មភាពដុតរថយន្តរដ្ឋ ហើយថាព្រះសង្ឃនៅក្នុងវត្តនេះ ក៏ធ្លាប់ចូលរួមក្នុងបាតុកម្ម និងកូដកម្មផងដែរ។
ព្រះតេជគុណ ថាច់ វណ្ណា គង់នៅវត្តសាមគ្គីរង្សី បានមានសង្ឃដីកាប្រាប់សារព័ត៌មានថ្មីៗ ដោយបដិសេធការចោទប្រកាន់របស់លោក ឡុង ឌីម៉ង់ ហើយព្រះអង្គបន្តថា គឺអាជ្ញាធរទេ ដែលហាក់មានភាពរើសអើងមកលើវត្តសាមគ្គីរង្សីនេះ ដោយសារវត្តនេះ មានព្រះសង្ឃខ្មែរកម្ពុជាក្រោមច្រើន និងបានផ្តល់កន្លែងស្នាក់នៅដល់ពលរដ្ឋដែលមានបញ្ហាដីធ្លី។ ព្រះតេជគុណ ដើមកំណើតខ្មែរកម្ពុជាអង្គនេះ បានមានសង្ឃដីកាប្រតិកម្មតបវិញថា៖«ការចោទប្រកាន់មកលើវត្តសាមគ្គីរង្សីយ៉ាងដូច្នេះ មានន័យថាសាលារាជធានីមានចេតនាបង្ករឿង និងមានន័យថា សាលារាជធានីភ្នំពេញ បានចាត់ទុកជនរងគ្រោះដីធ្លីទាំងនោះ គឺជាសត្រូវរបស់រដ្ឋាភិបាល»។ ព្រះតេជគុណ ថាច់ វណ្ណា បានមានសង្ឃដីការបន្តថា៖«អាជ្ញាធរគួរតែចុះទៅត្រួតពិនិត្យរដ្ឋបាលនៅវត្តផ្សេងៗទៀតនៅក្នុងរាជធានីភ្នំពេញផង ដើម្បីឲ្យមានតម្លាភាព» ។
តែយ៉ាងណាក៏ដោយ ផ្អែកតាមសេចក្តីប្រកាសព័ត៌មានរបស់វត្តសាមគ្គីរង្សី ព្រះសង្ឃ និងពុទ្ធបរិស័ទវត្តសាមគ្គីរង្សី ក៏មិនបដិសេធចំពោះគម្រោងចុះត្រួតពិនិត្យរដ្ឋបាលនៅក្នុងវត្តនោះទេ ហើយថាចំណាត់ការនេះ គឺជាតួនាទីរបស់ថ្នាក់ដឹកនាំគ្រប់លំដាប់ថ្នាក់ ដើម្បីរក្សាសន្តិសុខ និងសណ្តាប់ធ្នាប់សង្គម។
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ មិនបានអត្ថាធិប្បាយច្រើននោះទេ ជុំវិញនឹងបញ្ហានេះ ដោយលោកបានបញ្ជាក់ប្រាប់សារព័ត៌មានថ្មីៗថា៖«ខ្ញុំមិនចង់និយាយឲ្យពាក់ព័ន្ធជាមួយវត្តនោះទេ។ សាលារាជធានីភ្នំពេញ គ្រាន់តែធ្វើតាមនីតិវិធីតែប៉ុណ្ណោះ» ។ អ្នកនាំពាក្យសាលារាជធានីភ្នំពេញរូបនេះ បន្តថា៖«ប្រសិនបើវត្តមិនបានធ្វើឲ្យមានកំហុស
ឆ្គង គ្មានហេតុផលដែលត្រូវមិនសប្បាយចិត្តនោះទេ»៕
គណៈកម្មការវត្តសាមគ្គីបានស្រង់សំដីរបស់អ្នកនាំពាក្យសាលារាជធានីដែលនិយាយប្រាប់សារព័ត៌មាននានាថា វត្តបានអនុញ្ញាតឲ្យពលរដ្ឋស្នាក់នៅក្នុងវត្ត ហើយមានពលរដ្ឋចេញពីវត្តធ្វើបាតុកម្ម កូដកម្មនៅកន្លែងនានា ថាពលរដ្ឋទាំងនោះធ្លាប់ធ្វើសកម្មភាពដុតរថយន្តរដ្ឋ ហើយថាព្រះសង្ឃនៅក្នុងវត្តនេះ ក៏ធ្លាប់ចូលរួមក្នុងបាតុកម្ម និងកូដកម្មផងដែរ។
ព្រះតេជគុណ ថាច់ វណ្ណា គង់នៅវត្តសាមគ្គីរង្សី បានមានសង្ឃដីកាប្រាប់សារព័ត៌មានថ្មីៗ ដោយបដិសេធការចោទប្រកាន់របស់លោក ឡុង ឌីម៉ង់ ហើយព្រះអង្គបន្តថា គឺអាជ្ញាធរទេ ដែលហាក់មានភាពរើសអើងមកលើវត្តសាមគ្គីរង្សីនេះ ដោយសារវត្តនេះ មានព្រះសង្ឃខ្មែរកម្ពុជាក្រោមច្រើន និងបានផ្តល់កន្លែងស្នាក់នៅដល់ពលរដ្ឋដែលមានបញ្ហាដីធ្លី។ ព្រះតេជគុណ ដើមកំណើតខ្មែរកម្ពុជាអង្គនេះ បានមានសង្ឃដីកាប្រតិកម្មតបវិញថា៖«ការចោទប្រកាន់មកលើវត្តសាមគ្គីរង្សីយ៉ាងដូច្នេះ មានន័យថាសាលារាជធានីមានចេតនាបង្ករឿង និងមានន័យថា សាលារាជធានីភ្នំពេញ បានចាត់ទុកជនរងគ្រោះដីធ្លីទាំងនោះ គឺជាសត្រូវរបស់រដ្ឋាភិបាល»។ ព្រះតេជគុណ ថាច់ វណ្ណា បានមានសង្ឃដីការបន្តថា៖«អាជ្ញាធរគួរតែចុះទៅត្រួតពិនិត្យរដ្ឋបាលនៅវត្តផ្សេងៗទៀតនៅក្នុងរាជធានីភ្នំពេញផង ដើម្បីឲ្យមានតម្លាភាព» ។
តែយ៉ាងណាក៏ដោយ ផ្អែកតាមសេចក្តីប្រកាសព័ត៌មានរបស់វត្តសាមគ្គីរង្សី ព្រះសង្ឃ និងពុទ្ធបរិស័ទវត្តសាមគ្គីរង្សី ក៏មិនបដិសេធចំពោះគម្រោងចុះត្រួតពិនិត្យរដ្ឋបាលនៅក្នុងវត្តនោះទេ ហើយថាចំណាត់ការនេះ គឺជាតួនាទីរបស់ថ្នាក់ដឹកនាំគ្រប់លំដាប់ថ្នាក់ ដើម្បីរក្សាសន្តិសុខ និងសណ្តាប់ធ្នាប់សង្គម។
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ មិនបានអត្ថាធិប្បាយច្រើននោះទេ ជុំវិញនឹងបញ្ហានេះ ដោយលោកបានបញ្ជាក់ប្រាប់សារព័ត៌មានថ្មីៗថា៖«ខ្ញុំមិនចង់និយាយឲ្យពាក់ព័ន្ធជាមួយវត្តនោះទេ។ សាលារាជធានីភ្នំពេញ គ្រាន់តែធ្វើតាមនីតិវិធីតែប៉ុណ្ណោះ» ។ អ្នកនាំពាក្យសាលារាជធានីភ្នំពេញរូបនេះ បន្តថា៖«ប្រសិនបើវត្តមិនបានធ្វើឲ្យមានកំហុស
ឆ្គង គ្មានហេតុផលដែលត្រូវមិនសប្បាយចិត្តនោះទេ»៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
31 នាទី
