សង្គមអន្តរជាតិ
អន្តរជាតិ
បុរសចិនម្នាក់បញ្ចាំចៅស្រីអាយុ ៦ ឆ្នាំ ក្នុងហាងម៉ាស្សាព្រោះភ្លេចកាបូបលុយនៅផ្ទះ
×
បុរសវ័យចំណាស់ជនជាតិចិនម្នាក់ បានយកចៅស្រីអាយុ ៦ឆ្នាំរបស់គាត់ជាវត្ថុបញ្ចាំនៅហាងស្ប៉ាមួយកន្លែង ដោយសារតែគាត់គ្មានប្រាក់ដើម្បីបង់ថ្លៃម៉ាស្សាហើយសន្យាថានឹងគាត់ទៅផ្ទះដើម្បីយកលុយមកសងវិញ។ ប៉ុន្តែរយះពេលជាងមួយខែក្រោយមកហើយ បុរសជាជីតានោះ មិនទាន់បានវិលត្រឡប់មកលស់កុមារីនោះនៅឡើយទេ។ នេះបើយោងតាមកាសែត New York Post ។
ក្មេងស្រីនោះមានឈ្មោះថាSiyaoត្រូវបានជីតារបស់នាងយកមកចូលក្នុងហាងម៉ាស្សាមួយកន្លែងក្នុងទីក្រុងគុនមីញ។ ក្រោយមកនៅពេលដែលត្រូវទូទាត់វិក័យប័ត្រ បុរសជាជីតាដែលគេមិនស្គាល់អត្តសញ្ញាណនោះ បានអះអាងថាគាត់គាត់ភ្លេចកាបូបលុយនៅផ្ទះរបស់គាត់ ហើយបានទុកចៅរបស់គាត់ឲ្យនៅក្នុងហាង ហើយគាត់បានប្រាប់អ្នកគិតលុយថាគាត់ទៅក្រៅដើម្បីយកប្រាក់មកបង់វិញយ៉ាងឆាប់រហ័សបំផុត។ ប៉ុន្តែគិតមកដល់ពេលនេះគឺមានរយៈពេលជាង មួយខែហើយដែលជីតារបស់ Siyao មិនបានត្រឡប់មកទទួលនាងវិញនោះទេ។
ពេលវេលាបានកន្លងផុតជាច្រើនថ្ងៃ ហាងម៉ាស្សានោះមិនបានឃើញបុរសជាជីតានោះ វិលត្រឡប់មករកចៅស្រីរបស់ខ្លួនវិញនោះទេ។បុគ្គលិកហាងម៉ាស្សានោះបានដឹងថាជីតាដ៏សាហាវនេះប្រហែលជាបោះបង់កុមារីSiyaoចោល ជាជាងការធ្វើភ្លេចប្រាក់។
ទោះជាយ៉ាងណាក៏ដោយ នៅពេលនេះបុគ្គលិករបស់ហាងម៉ាស្សា បានរៀបចំកន្លែងគេង អាហារ និងសម្លៀកបំពាក់ ព្រមទាំងជួយមើលថែកុមារីSiyao បានយ៉ាងល្អ រង់ចាំសាច់ញាតិរបស់គេមកទទួលយកនាងទៅវិញ៕
© រក្សាសិទ្ធិដោយ thmeythmey.com