អន្តរជាតិ
Dubai វ៉ាដាច់ Heathrow ក្លាយជាព្រលានយន្តហោះដែលមមាញឹកជាងគេបំផុតក្នុងលោក
×![]()
ព្រលានយន្តហោះអន្តរជាតិទីក្រុងឌូបៃ(Dubai International ) របស់ប្រទេសអារ៉ាប់រួម បានគ្រងតំណែងជាព្រលានយន្តហោះដែលមមាញឹកជាងគេបំផុតក្នុងពិភពលោកក្នុងឆ្នាំ២០១៤ កន្លងទៅនេះ បន្ទាប់ពីបានវ៉ាដាច់ព្រលានយន្តហោះអន្តរជាតិ London Heathrow International របស់ប្រទេសអង់គ្លេសរួចមកនោះ។ នេះបើយោងតាមកាសែត Wall Street Journal ។
ប្រភពដដែលបានផ្សាយថា ក្នុងរយៈពេលមួយឆ្នាំ ២០១៤ ព្រលានយន្តហោះDubai International ទទួលបានអ្នកដំណើរសរុបចំនួន ៧០,៤ លាននាក់ ដោយមានកំណើនជាង ៦ ភាគរយធៀបទៅនឹងឆ្នាំ២០១៣ ។ខណៈពេលដែល ព្រលានយន្តហោះHeathrow International ដែលគ្រងតំណេងលេខមួយកាលពីឆ្នាំ ២០១៣ បានទទួលអ្នកដំណើរតែ ៦៨,១ លាននាក់ក្នុងឆ្នាំ ២០១៤ នេះ។
សូមបញ្ជាក់ថា ព្រលានយន្តហោះDubai International គ្រោងនឹងបើកដំណើរការសា្ថនីយរងចាំរបស់អ្នកដំណើរថ្មីមួយទៀត ក្នុងឆ្នាំ ២០១៥ នេះ ដែលត្រូវបានគេប៉ាន់ប្រមាណថា នឹងអាចទទួលបានអ្នកដំណើរ ៧៩ លាននាក់ក្នុងឆ្នាំនេះ។ ព្រលានយន្តហោះ Dubai ក៏បានប្រកាសពីគម្រោងវិនិយោគលើព្រលានយន្តហោះថ្មីមួយទៀតក្នុងប្រទេស ដែលនឹងត្រូវចំណាយថវិកា ៣២ ពាន់លានដុល្លារក្នុងរយៈពេល ៨ ឆ្នាំខាងមុខ ដែលត្រូវគេរំពឹងថា នឹងទទួលបានអ្នកដំណើរប្រមាណជា ២៤០ នាក់៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
