ក្រសួងយុត្តិធម៌គ្រោងនឹងបង្កើតសាលាឧទ្ធរណ៍នៅក្នុងខេត្តចំនួន៧

ជាតិ

នយោបាយជាតិ

ក្រសួងយុត្តិធម៌គ្រោងនឹងបង្កើតសាលាឧទ្ធរណ៍នៅក្នុងខេត្តចំនួន៧

12, Feb 2015 , 12:40 pm

រូបភាព

ដោយ: ធឿន បញ្ញាឬទិ្ធ

ក្រសួងយុត្តិធម៌គ្រោងបង្កើតសាលាឧទ្ធរណ៍នៅក្នុងតំបន់ចំនួន៧ ដើម្បីផ្ដល់ភាពងាយស្រួលជូនប្រជាពលរដ្ឋ នៅពេលដែលពួកគេចង់ប្ដឹងមកកាន់សាលាឧទ្ធរណ៍។ នេះបើតាមលោក ជិន ម៉ាលីន អ្នកនាំពាក្យក្រសួងយុត្តិធម៌ ។

លោក ជិន ម៉ាលីន បានបន្ថែមថា បើតាមគម្រោង ឆាប់ៗនេះក្រសួងយុត្តិធម៌នឹងបង្កើតសាលាឧទ្ធរណ៍ចំនួន៣តំបន់សិន គឺនៅក្នុងខេត្តត្បូងឃ្មុំ បាត់ដំបង ខេត្តព្រះសីហនុ ដើម្បីដោះស្រាយបញ្ហាជូនប្រជាពលរដ្ឋ ។ ហើយក្រសួងនឹងបន្ដបង្កើតបន្ថែមទៀត ដោយអាស្រ័យលើធនធានមនុស្ស និងហិរញ្ញវត្ថុ។

អ្នកនាំពាក្យរូបនេះពន្យល់យ៉ាងដូច្នេះថា៖«នៅពេលខាងមុខនេះក្រសួងយុតិ្តធម៌ នឹងបង្កើតសាលាឧទ្ធរណ៍នៅតាមតំបន់ចំនួន៧ ដើម្បីជួយសម្រួលបញ្ហារបស់ប្រជាពលរដ្ឋដែលពួកគេចង់បន្ដពាក្យបណ្ដឹងមកកាន់សាលាឧទ្ធរណ៍។ ហើយមិនមែនសម្រាប់តែប្រជាពលរដ្ឋក្នុងខេត្តមួយនោះទេ ប្រជាពលរដ្ឋដែលនៅជុំវិញខេត្តមួយនោះ ក៏អាចមកប្ដឹងបានដែរ ព្រោះដើម្បីកុំឲ្យពួកគេចំណាយពេលឡើងភ្នំពេញដូចមុន»។

គម្រោងបង្កើតសាលាឧទ្ធរណ៍នេះ គឺជាផែនការឆ្លើយតបនឹងគណៈកម្មការទី ៦ នៃរដ្ឋសភា ដឹកនាំដោយលោក ប៉ែន បញ្ញា ដែលបានសាកសួរលោករដ្ឋមន្ត្រីក្រសួងយុត្តិធម៌លោក អង្គ វង្ស វឌ្ឍនា នៅព្រឹកថ្ងៃព្រហស្បតិ៍នេះនៅក្រសួងយុត្តិធម៌ ស្តីពីដំណើរការនៃការអនុវត្តប្រព័ន្ធយុត្តិធម៌នៅកម្ពុជា កន្លងមក និងផែនការរបស់ក្រសួងសម្រាប់ប្រព័ន្ធយុត្តិធម៌ទៅថ្ងៃខាងមុខ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

2 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

4 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

4 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

6 ថ្ងៃ

រវាង «លស់» «លួស» និង «លោះ» មានអត្ថន័យខុសគ្នាដូចម្តេច?

3 ថ្ងៃ

អត្ថបទពេញនិយមបន្ថែម