អន្តរជាតិ
នយោបាយអន្តរជាតិ
រដ្ឋាភិបាលលីប៊ីចាត់ទុកប្រតិបត្តិការរបស់អេហ្ស៊ីបថាបំពានអធិបតេយ្យរបស់ខ្លួន
×
រដ្ឋាភិបាលលីប៊ីបានចាត់ទុកប្រតិបត្តិការក្នុងការវាយកំទេចកន្លែងដែលក្រុមISIS កំពុងស្នាក់នៅក្នុងប្រទេសលីប៊ីដើម្បីសងសឹកជាមួយក្រុមISIS លើការសម្លាប់ប្រជាជនអេហ្ស៊ីប២១នាក់យ៉ាងសាហាវព្រៃផ្សៃរបស់រដ្ឋាភិបាលអេហ្ស៊ីបគឺបានរំលោភអធិបតេយ្យរបស់ខ្លួននិងបំពានទៅនឹងច្បាប់អន្តរជាតិហើយបានហៅសកម្មភាពប្រយុទ្ធនោះថាជាអំពើភេវរកម្ម។
លោក មុំ ពិទូរ្យ លងម្អិតព័ត៌មាននេះ
ដូចដែលប្រកាសជាសាធារណៈរដ្ឋាភិបាលអេហ្ស៊ីបបានអនុវត្តនូវប្រតិបត្តិការរបស់ខ្លួនកាលពីម្សិលមិញនេះក្នុងការទម្លាក់គ្រាប់ទៅលើទីកន្លែងដែលក្រុមISIS កំពុងស្នាក់នៅក្នុងប្រទេសលីប៊ីដើម្បីជាការសងសឹកទៅនឹងការកាត់ក្បាលប្រជាជនអេហ្ស៊ីបទាំង២១នាក់ដែលជាអ្នកកាន់សាសនាគ្រឹស្តយ៉ាងសាហាវឃោរឃៅ។យ៉ាងណាមិញសកម្មភាពនេះត្រូវបានរដ្ឋាភិបាលលីប៊ីចាត់ទុកថាជាសកម្មភាពរំលោភទៅនឹងអធិបតេយ្យរបស់លីប៊ីនិងហៅសកម្មភាពនោះថាជាអំពើភាវកម្ម។
យ៉ាងហោចណាស់មានប្រជាជនលីប៊ីប្រមាណប្រាំពីរនាក់រាប់បញ្ចូលទាំងក្មេងបីនាក់ផងដែរត្រូវបានស្លាប់នៅក្នុងប្រតិបត្តិការរបស់រដ្ឋាភិបាលអេហ្ស៊ីបក្នុងការប្រឆាំងទៅនឹងក្រុមISIS ក្នុងការទម្លាក់គ្រាប់នៅភាគខាងជើងនៃប្រទសលីប៊ី។ ប្រតិបត្តិការនេះដែរ គឺជាការវាយប្រហារសងសឹកទៅលើក្រុម ISIS របស់អតីតឧត្តមសេនីយ៍យោធាអេហ្ស៊ីបនិងជាប្រធានាធិបតីលោក Abdel Fattah al-Sisiក្នុងការកាត់ក្បាលប្រជាជនអេហ្ស៊ីបទាំង២១នាក់កាលពីពេលថ្មីៗនេះ។
ទោះបីយ៉ាងណាក៏ដោយប្រតិបត្តិការនេះមិនមានការសុំការអនុញ្ញាតពីរដ្ឋាភិបាលលីប៊ីនោះទេពោលគឺជាសកម្មភាពឯកតោភាគីដែលធ្វើឡើងដោយរដ្ឋាភិបាលអេហ្ស៊ីប ប៉ុន្តែសកម្មភាពវាយឆ្មក់របស់អេហ្ស៊ីបនេះ ត្រូវបានរដ្ឋាភិបាលលីប៊ីថ្កោលទោស ថាជាការរំលោភទៅនឹងអធិបតេយ្យភាពរបស់ប្រទេសខ្លួន និងបំពានទៅនឹងច្បាប់អន្តរជាតិផងដែរ។
ដោយឡែកបើយើងគ្រឡេកមើលច្បាប់អន្តរជាតិវិញដូចដែលបានបញ្ញត្តិក្នុងធម្មនុញ្ញអង្គការសហប្រជាជាតិ រដ្ឋមួយអាចប្រើប្រាស់អាវុធឬកងកម្លាំងដើម្បីធ្វើការវាយប្រហារដោយស្របច្បាប់បានគឺតាមរយៈរូបភាពពីរ ទី១គឺដើម្បីការការពារខ្លួននិងទី២ តាមរយៈសេចក្តីសម្រេចរបស់ក្រុមប្រឹក្សាសន្តិសុខ។ ក៏ប៉ុន្តែសម្រាប់ការវាយប្រហាររបស់រដ្ឋាភិបាលអេហ្ស៊ីបក្នុងប្រទេសលីប៊ីវិញ គឺមិនបានស្របទៅនឹងបទបញ្ញត្តិនេះទេជាពិសេសនោះប្រតិបត្តិការនេះមិនមានការអនុញ្ញាតពីរដ្ឋាភិបាលលីប៊ីនោះឡើយ៕
© រក្សាសិទ្ធិដោយ thmeythmey.com