ជាតិ
សង្គមជាតិ
ពិព័រណ៍ពាណិជ្ជកម្មនឹងត្រូវរៀបចំនៅ៣ទីតាំងផ្សេងគ្នាក្នុងព្រឹត្តិការណ៍អង្គរសង្ក្រាន្ត
× ក្រសួងពាណិជ្ជកម្ម សហការជាមួយសហភាពសហព័ន្ធយុវជនកម្ពុជា នឹងរៀបចំពិព័រណ៍ពាណិជ្ជកម្ម ឧស្សាហកម្ម សិប្បកម្ម និងម្ហូបអាហារ រយៈពេល៣ថ្ងៃនៅក្នុងក្រុងសៀមរាប។ ពិព័រណ៍នេះ នឹងចាប់ផ្តើមពីថ្ងៃទី១៤ ដល់១៦ ខែមេសា ឆ្នាំ២០១៥ នាឱកាសនៃព្រឹត្តិការណ៍អង្គរសង្ក្រាន្ត ក្នុងពិធីបុណ្យចូលឆ្នាំថ្មីប្រពៃណីខ្មែរខាងមុខ។ នេះបើយោងតាម សេចក្តីជូនដំណឹងរបស់ក្រសួងពាណិជ្ជកម្ម។
សេចក្តីជូនដំណឹង បានឲ្យដឹងថា កម្មវិធីពិព័រណ៌ពាណិជ្ជកម្មនេះ នឹងប្រារព្ធឡើង នៅ៣ទីតាំងផ្សេងគ្នា គឺ«ពិព័រណ៍ម្ហូបអាហារ» រៀបចំនៅបរិវេណទីលានជល់ដំរី នៃប្រាសាទអង្គរធំ «ពិព័រណ៍សិប្បកម្ម និងវត្ថុអនុស្សាវរីយ»រៀបចំនៅបរិវេណខាងមុខប្រាសាទអង្គរវត្ត និង«ពិព័រណ៍ពាណិជ្ជកម្មនិងឧស្សាហកម្ម» នៅបរិវេណអង្គរឃ្យូងយូ។
សូមបញ្ជាក់ថា ព្រឹត្តិការណ៍អង្គរសង្ក្រាន្តជាលើកទី៣ ដែលផ្តួចផ្តើមឡើងដោយសហភាពសហព័ន្ធយុវជនកម្ពុជា នៅឆ្នាំនេះ ប្រារព្ធឡើងក្រោមប្រធានបទ«ការចូលរួមអបអរសាទរ ពិធីបុណ្យចូលឆ្នាំថ្មី ប្រពៃណីជាតិខ្មែរ» ៕
© រក្សាសិទ្ធិដោយ thmeythmey.com