ជាតិ
វិធីរៀបចំស្មារតីសហការក្នុងក្រុមការងារដើម្បីជោគជ័យ
× ពាក្យមួយពោលថាមនុស្សនៅជាមួយគ្នាហៅថាក្រុមតែចិត្តនៅជាមួយគ្នាទើបហៅថាស្មារតីសហការ។ ការធ្វើការងារ ឬប្រកបរបរផ្សេងៗសុទ្ធតែត្រូវការស្មារតីសហការគ្នាទើបទទួលបានជោគជ័យ។ ដូចនេះតើអ្នកគួរធ្វើដូចម្តេចទើបមានស្មារតីសហការគ្នាក្នុងក្រុមបានល្អនោះ?
1. ត្រូវមានការពិភាក្សាគ្នារវាងចៅហ្វាយនាយ និងបុគ្គលិក៖ មានរឿងមិនពេញចិត្តអ្វីត្រូវតែនិយាយចេញ មិនត្រូវលាក់ទុកឡើយ។ និយាយចេញដើម្បីរកមធ្យោបាយដោះស្រាយ។
2. ត្រូវមានភាពជឿជាក់ចំពោះគ្នា មានន័យថាចៅហ្វាយនាយមិនត្រូវសង្ស័យកូនចៅហើយកូនចៅក៏មិនត្រូវសង្ស័យចៅហ្វាយនាយដែរ។
3. ត្រូវមានភាពហ្មត់ចត់ក្នុងការដោះស្រាយបញ្ហា មិនត្រូវឆេវឆាវទេព្រោះវាអាចប៉ះពាល់ដល់ស្មារតីក្នុងក្រុម។
4. ត្រូវចេះប្តូរយោបល់គ្នា មានន័យថាបើអ្នកមិនយល់ស្របតាមមតិកូនក្រុមអ្នកអាចយកមតិគេមកគិតពិចារណាហើយធ្វើការសម្រេចចិត្តក្រោយ។
5. ត្រូវរក្សាភាពសប្បាយគ្រប់ពេល ព្រោះវាអាចជួយឲ្យក្រុមអ្នកមានដំណើរការល្អ។
ដូចនេះអ្នកគួរតែធ្វើតាមចំនុចខាងលើនេះទើបអ្នកអាចជោគជ័យដោយសារស្មារតីក្រុមសហការគ្នាបានល្អ៕
ផ្តល់សិទ្ធិដោយ៖ www.health.com.kh
© រក្សាសិទ្ធិដោយ thmeythmey.com