ពុទ្ធិកវិទ្យាល័យ ៖ សមណសិស្សប្រឡងបាក់ឌុបជាង ៤០០ អង្គ

ជាតិ

នយោបាយជាតិ

ពុទ្ធិកវិទ្យាល័យ ៖ សមណសិស្សប្រឡងបាក់ឌុបជាង ៤០០ អង្គ

22, Feb 2015 , 9:11 am

រូបភាព

ដោយ: ថ្មីៗ

នៅថ្ងៃនេះជាងថ្ងៃប្រឡងបញ្ចប់មធ្យមសិក្សាទុតិយភូមិរបស់សមណសិស្សទូទាំងប្រទេសកម្ពុជា ។ សមណសិស្សមកពីគ្រប់ពុទ្ធិកវិទ្យាល័យប្រមាណ ៤០០ រយអង្គ បានចូលរួមប្រឡងបាក់ឌុប ក្នុងរយៈពេល ពីរថ្ងៃកន្លះមកនេះ ពោលគឺចាប់ពីថ្ងៃទី ១៩ ដល់ព្រឹកថ្ងៃទី ២២ ខែកុម្ភៈ ឆ្នាំ ២០១៥ ។ មុខវិជ្ជា ប្រឡងសម្រាប់សមណសិស្សមានចំនួន ១៤ មុខ ដ្នុងនោះរួមមាន មុខវិជ្ជា ភាសាបាលី ភាសាសំស្ក្រឹត ភាសា អង់គ្លេស គណិតវិទ្យា គីមីវិទ្យា និងជីវវិទ្យា ជាដើម។

មណ្ឌលប្រឡងបាក់ឌុបសម្រាប់សមណសិស្សនៅឆ្នាំនេះ មានតែមួយប៉ុណ្ណោះ គឺនៅពុទ្ធិកវិទ្យាល័យព្រះបាទ សុរាម្រឹត ក្បែរសាលចតុមុខ។ សមណសិស្សដែលនិមន្តពីតាមខេត្តមកប្រឡងទីនេះ ត្រូវសុំវត្តអារាមនៅរាជធានីភ្នំពេញគង់នៅមួយរយៈសិន ។ ហើយសម្រាប់ចង្ហាន់វិញ គឺមានសប្បុរសជនជាអ្នកឧបត្ថម្ភ។

សម្រាប់ស្ថានភាពប្រឡងនៅឆ្នាំ ២០១៥ នេះ សមណសិស្សជាច្រើនអង្គ បានមានសង្ឃដីកាថា ការប្រឡងមានភាពតឹងរឹងជាងរាល់ឆ្នាំ ពោលគឺមិនអនុញ្ញាតឲ្យបើកវិញ្ញាសារនោះទេ។ ក្នុងចំណោមសមណសិស្សជាង ១០ អង្គដែលសារព័ត៌មានថ្មីៗបានសាកសួរ ព្រះតេជគុណ កែវ បូណា និមន្តមកពីពុទ្ធិកវិទ្យាល័យវត្តក្រពើហារ មានថេរដីកាថា នៅឆ្នាំនេះ ប្រឡងគឺរៀបចំច្បាស់លាស់ និងគោរពវិន័យមែនទែន។ « រាល់ឆ្នាំអាត្មាសួរសិស្សច្បងមុនៗថា ធូរជាងនេះ តែឆ្នាំនេះ គឺរឹតបន្តឹងខ្លាំងមែនទែន។ ប្រហែលជាមកពីការកែទម្រង់របស់រដ្ឋមន្ត្រីអប់រំថ្មី។ តែអាត្មាសប្បាយចិត្ត ព្រោះការប្រឡងចេញពីសមត្ថភាពខ្លួនឯង»។ នេះជាសង្ឃដីកាបញ្ជាក់របស់តេជគុណ កែវ បូណា៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

6 ថ្ងៃ

«ប្រទានកម្ម»មានន័យដូចម្តេច?

4 ម៉ោង

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

1 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

2 ថ្ងៃ

អត្ថបទពេញនិយមបន្ថែម