ជាតិ
សង្គមជាតិ
រូបភាព៖ Google
×![]()
ដោយ: សារព័ត៌មានថ្មីៗ
ត្រឹមរយៈពេលមួយថ្ងៃ មានកុមារចំនួនជិត៣ពាន់នាក់ ដែលមកទទួលការព្យាបាលជំងឺក្នុងមន្ទីរពេទ្យគន្ធបុប្ផា ទាំងនៅភ្នំពេញ និងខេត្តសៀមរាប។
របាយការណ៍ខ្លី ដែលបានបង្ហោះក្នុងទំព័រហ្វេសប៊ុករបស់លោកវេជ្ជបណ្ឌិត Beat Richner ស្ថាបនិកមន្ទីរពេទ្យគន្ធបុប្ផា បានបង្ហាញថា មានកុមារចំនួន ២៧៩៧ នាក់ មកពីគ្រប់ច្រកទូទាំងប្រទេស ត្រូវបានពិនិត្យព្យាបាលនៅក្នុងផ្នែកពិគ្រោះជំងឺក្រៅ។ ក្រៅពីនោះ មានកុមារ១០៨០នាក់ផ្សេងទៀត បានចាក់ថ្នាំបង្ការ ប្រឆាំងនឹងជំងឺរលាកខួរក្បាលជប៉ុន (JEV)។
នៅក្នុងថ្ងៃចន្ទម្សិលមិញនោះដែរ មានកុមារឈឺធ្ងន់ចំនួន ៤៣៧នាក់ ហើយក៏មានការវះកាត់បេះដូងដល់កុមារផងដែរ។ ដោយឡែកស្ត្រីចំនួន ៤៤៣នាក់ ទទួលការពិនិត្យ តាមដានផ្ទៃពោះ និងមានការសម្រាលចំនួន ៥៣កំណើត។
លោក Beat Richner បានកោតសរសើរចំពោះសមិទ្ធិផលទាំងនេះ ហើយថា នេះសុទ្ធសឹងជាស្នាដៃបុគ្គលិកពេទ្យខ្មែរទាំង ២៥០០នាក់ ដែលកំពុងធ្វើការក្នុងមន្ទីរពេទ្យគន្ធបុប្ផា គ្រប់សាខារាជធានី និងខេត្តសៀមរាប។
គួរបញ្ជាក់ថា មន្ទីរគន្ធបុប្ផា ដែលបម្រើសេវាសុខាភិបាលដល់ស្ត្រី និងកុមារ ដោយឥតគិតថ្លៃ បានចំណាយថវិកាប្រមាណ ១២ម៉ឺនដុល្លារក្នុងមួយថ្ងៃ។ ហើយថវិកាទាំងអស់ភាគច្រើនបានពីសប្បុរសជនពីប្រទេសស្វីស និងមួយចំណែកបានពីមូលនិធី និងសប្បុរសជនក្នុងប្រទេសកម្ពុជា៕
របាយការណ៍ខ្លី ដែលបានបង្ហោះក្នុងទំព័រហ្វេសប៊ុករបស់លោកវេជ្ជបណ្ឌិត Beat Richner ស្ថាបនិកមន្ទីរពេទ្យគន្ធបុប្ផា បានបង្ហាញថា មានកុមារចំនួន ២៧៩៧ នាក់ មកពីគ្រប់ច្រកទូទាំងប្រទេស ត្រូវបានពិនិត្យព្យាបាលនៅក្នុងផ្នែកពិគ្រោះជំងឺក្រៅ។ ក្រៅពីនោះ មានកុមារ១០៨០នាក់ផ្សេងទៀត បានចាក់ថ្នាំបង្ការ ប្រឆាំងនឹងជំងឺរលាកខួរក្បាលជប៉ុន (JEV)។
នៅក្នុងថ្ងៃចន្ទម្សិលមិញនោះដែរ មានកុមារឈឺធ្ងន់ចំនួន ៤៣៧នាក់ ហើយក៏មានការវះកាត់បេះដូងដល់កុមារផងដែរ។ ដោយឡែកស្ត្រីចំនួន ៤៤៣នាក់ ទទួលការពិនិត្យ តាមដានផ្ទៃពោះ និងមានការសម្រាលចំនួន ៥៣កំណើត។
លោក Beat Richner បានកោតសរសើរចំពោះសមិទ្ធិផលទាំងនេះ ហើយថា នេះសុទ្ធសឹងជាស្នាដៃបុគ្គលិកពេទ្យខ្មែរទាំង ២៥០០នាក់ ដែលកំពុងធ្វើការក្នុងមន្ទីរពេទ្យគន្ធបុប្ផា គ្រប់សាខារាជធានី និងខេត្តសៀមរាប។
គួរបញ្ជាក់ថា មន្ទីរគន្ធបុប្ផា ដែលបម្រើសេវាសុខាភិបាលដល់ស្ត្រី និងកុមារ ដោយឥតគិតថ្លៃ បានចំណាយថវិកាប្រមាណ ១២ម៉ឺនដុល្លារក្នុងមួយថ្ងៃ។ ហើយថវិកាទាំងអស់ភាគច្រើនបានពីសប្បុរសជនពីប្រទេសស្វីស និងមួយចំណែកបានពីមូលនិធី និងសប្បុរសជនក្នុងប្រទេសកម្ពុជា៕
© រក្សាសិទ្ធិដោយ thmeythmey.com
