ជាតិ
សង្គមជាតិ
×![]()
ដោយ: ថ្មីៗ
អគ្គលេខាធិការដ្ឋានរដ្ឋសភាបានចេញសេចក្តីជូនដំណឹងមួយ ទៅដល់បណ្តាក្រុមហ៊ុន សហគ្រាស នៅក្នុងព្រះរាជាណាកច្រកម្ពុជាស្តីពីការដេញថ្លែជាសាធារណៈ ដើម្បីផ្គត់ផ្គង់រថយន្តជូនរដ្ឋសភា។
បើតាមសេចក្តីជូនដំណឹង ចេញផ្សាយនៅថ្ងៃទី២៣កុម្ភៈរថយន្តចំនួន១៥គ្រឿង នឹងត្រូវដាក់ឲ្យដេញថ្លៃក្នុងនោះរួមមានរថយន្ត TOYOTA LEXUS570សេរ៊ី២០១៥ផលិតនៅប្រទេសជប៉ុនចំនួន២គ្រឿងរថយន្តTOYOTA Land Cruiserសេរ៊ី២០១៥ផលិតនៅប្រទេសជប៉ុនចំនួន១០គ្រឿងនិងរថយន្ត TOYOTA VIGO សេរ៊ី២០១៥ចំនួន៣គ្រឿង។
អគ្គលេខាធិការដ្ឋានរដ្ឋសភាបញ្ជាក់ថាក្រុមហ៊ុនឬសហគ្រាសដែលមានបំណងចង់ចូលរួមដេញថ្លៃអាចទៅដាក់ពាក្យ ឬសាកសួរព័ត៌មានលំអិត នៅអង្គភាពលទ្ធកម្ម នៃអគ្គលេខាធិការដ្ឋានរដ្ឋសភាចាប់ពីថ្ងៃទី២៤កុម្ភៈរហូតដល់ថ្ងៃទី២៦ខែមិនាឆ្នាំ២០១៥។
សេចក្តីជូនដំណឹងបានបញ្ជាក់ទៀតថាការបើកសំណើរដេញថ្លៃនឹងប្រព្រឹត្តទៅនៅម៉ោង៩ព្រឹកថ្ងៃទី២៦ខែមីនាឆ្នាំ២០១៥នៅអគ្គលេខាធិការដ្ឋានរដ្ឋសភា៕
© រក្សាសិទ្ធិដោយ thmeythmey.com
