ជាតិ
×![]()
ដោយ: ថ្មីៗ
ភ្នំពេញ៖ នៅព្រឹកថ្ងៃទី២៥ ខែកុម្ភៈ ឆ្នាំ២០១៥នេះអតីតពលរដ្ឋរស់នៅក្នុងសហគមន៍បុរីកីឡាជាង ៥០នាក់ បាននាំគ្នាឈរតវ៉ាទាមទារឲ្យអាជ្ញាធររាជធានីភ្នំពេញផ្តល់សំណងជំងឺចិត្តនៃការបណ្តេញចេញពីលំនៅដ្ឋាន កាលពីអំឡុងឆ្នាំ ២០១២ ។
បន្ទាប់ពីពុំទាន់ទទួលបានដំណោះស្រាយណាមួយពីសាលារាជធានីភ្នំពេញនោះ នៅព្រឹក ថ្ងៃទី២៥នេះ ពលរដ្ឋសហគមន៍បុរីកីឡាជាង ៥០នាក់បានប្រមូលគ្នាទាមទារសំណងជំងឺ ពីសាលារាជធានីភ្នំពេញ ចំពោះការបណ្តេញចេញពីលំនៅដ្ឋាន ដោយពួកគេអះអាងថា អាជ្ញាធរពុំមានដំណោះស្រាយសមរម្យ។
តំណាងសហគមន៍បុរីកីឡា អ្នកស្រី ជុំង៉ាន់ បាននិយាយថា អាជ្ញាធររាជធានីភ្នំពេញពុំទាន់ ផ្តល់ដំណោះស្រាយសមរម្យណាមួយ ដល់អ្នកបុរីកីឡាជាង ១០០គ្រួសារនៅឡើយ។ អ្នកស្រីបន្តថា ចាប់តាំងពីឆ្នាំ ២០១២ អាជ្ញាធរតែងតែសន្យាពិភាក្សារកដំណោះស្រាយ ប៉ុន្តែ បន្ទាប់ពីមក អាជ្ញាធរពុំបានផ្តល់ដំណោះស្រាយទេ។
អ្នកស្រីបញ្ជាក់យ៉ងនេះថា៖«អាជ្ញាធរបានតែសន្យា៣ឆ្នាំ មកហើយ ពួកគេកុហកយើង ដោយមិនចេញមុខដោះស្រាយនោះទេ។ បច្ចុប្បន្ន យើងរស់នៅតាមផ្ទះជួលរបស់គេដដែល»។
បើតាមតំណាងខាងលើ ពលរដ្ឋសហគមន៍បុរីកីឡាទាមទារឲ្យអាជ្ញាធរផ្តល់សំណងជំងឺ ចិត្តជាថវិកាជាង ៤ម៉ឺនដុល្លារអាមេរិកក្នុងមួយគ្រួសារ។ ជាងនេះទៀត បើពុំមានដំណោះស្រាយដល់ពួកគេជាបន្ទាន់ទេនោះ ពួកគាត់នឹងចាប់ផ្តើមតវ៉ារាល់ពេលសាជាថ្មី។
គួររម្លឹកថា អភិបាលរាជធានីភ្នំពេញ លោក ប៉ា សុជាតិវង្ស បានថ្លែងនៅក្នុងទិវាសិទ្ធិមនុស្ស អន្តរជាតិ កាលពីថ្ងៃទី១០ ធ្នូ ឆ្នាំ២០១៤ កន្លងមក ថា អាជ្ញាធរកំពុងតែពិភាក្សារកដំណោះ ស្រាយដល់សហគមន៍ក្រីក្រទាំងអស់ក្នុងរាជធានីភ្នំពេញ។ លោកថា សហគមន៍ក្រីក្រក្នុង រាជធានីភ្នំពេញទាំងអស់មានជាង ៣០០គ្រួសារ ក្នុងនោះ រួមមាន សហគមន៍បុរីកីឡាជាង ១០០ គ្រួសារ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
