អន្តរជាតិ
ភ្ញៀវទេសចរត្រូវស្រោបស្បែកជើងខ្លួនពេលចូលទស្សនាប៉មកណ្តាលនៃវិមាន Taj Mahal
×![]()
ពេលចូលទស្សនាវិមាន Taj Mahalដែលមានទីតាំងស្ថិតនៅក្រុង Agra រដ្ឋ Uttar Pradesh នៃប្រទេសឥណ្ឌា អ្នកទេសចរមិនត្រូវអនុញ្ញាតឲ្យយក ដែកភ្លើង បារី និងគ្រឿងអេឡិចត្រូនិច ទៅតាមខ្លួននោះឡើយ។ ឈានចូលដល់ប៉មកណ្តាលនៃបេតិកភណ្ឌពិភពលោកមួយនេះ អ្នកទេសចរ ដែលមិនចង់ដោះស្បែកជើង ត្រូវបានតម្រូវឲ្យពាក់ស្រោមស្រោបពីលើ ឬក៏អាចដោះស្បែកជើងតែម្តង។
វិមានTajMahalដែលទទួលស្គាល់ដោយអង្គការយូណេស្កូ កាលពីឆ្នាំ១៩៨៣មកនោះ ស្ថិតក្នុងចំណោមអច្ឆរិយវត្ថុទាំង៧លើពិភពលោក។ TajMahalគឺជាចេតិយដែលសាងសង់ឡើងពីថ្មម៉ាបស ដោយអធិរាជមូខាល់ (Mughal Emperor) ស្តេច Shah Jahanដើម្បីឧទ្ទិសដល់មហេសីទីបីរបស់ព្រះអង្គ គឺព្រះនាង MumtazMahal។ ស្តេច Shah បានចំណាយពេល២២ឆ្នាំ ពោលគឺពីឆ្នាំ១៦៣២ ដល់ឆ្នាំ១៦៥៣ ។
.JPG)
ព្រះនាង Mahalបានសោយទិវង្គតក្នុងពេលសម្រាលបុត្រទី១៤ ព្រះនាម Gauhara Begum។ ស្ថាបត្យកម្មដ៏ប្រណិតនេះ ត្រូវបានចាត់ទុកថា ជា «និមិត្តរូបនៃសេចក្តីស្រឡាញ់ដ៏ជ្រាលជ្រៅ» របស់ប្រជាជនឥណ្ឌា និងពិភពលោកទាំងមូល។
.JPG)
លោក Pradeepមន្ត្រីប៉ូលិសមួយរូបប្រចាំតំបន់ បាននិយាយប្រាប់សារព័ត៌មានថ្មីៗថា ការតម្រូវឲ្យទេសចរស្រោបស្បែកជើងរបស់ខ្លួននៅពេលចូលទស្សនាប៉មកណ្តាលនោះ គឺអាជ្ញាធរចង់ថែរក្សាសោភណ្ឌភាពនៃវិមានជាទីសក្ការ រួមទាំងបង្ហាញនូវការគោរពចំពោះបេតិកភណ្ឌដ៏ប្រណីតនេះ។
.JPG)
លោកបានបញ្ជាក់ថា៖ «ផ្ទៃនៃវិមានអាចរងការខូចខាត ប្រសិនបើរងការប៉ះទង្គិច និងស្នាមធូលី។ យើងត្រូវតែនាំគ្នាថែរក្សាបេតិកភណ្ឌនេះ។ ជាមួយគ្នានេះផងដែរ ពលរដ្ឋឥណ្ឌាអាចចូលទស្សនាបានដោយដោះស្បែកជើង»។
.JPG)
កាលពីឆ្នាំមុន អាជ្ញាធរឥណ្ឌា បានធ្វើការលាងសំអាតជញ្ជាំងថ្មម៉ាបដែលប្រែពណ៌ដោយសាររងការប៉ះពាល់ពីមនុស្ស និងធម្មជាតិ៕
វិមានTajMahalដែលទទួលស្គាល់ដោយអង្គការយូណេស្កូ កាលពីឆ្នាំ១៩៨៣មកនោះ ស្ថិតក្នុងចំណោមអច្ឆរិយវត្ថុទាំង៧លើពិភពលោក។ TajMahalគឺជាចេតិយដែលសាងសង់ឡើងពីថ្មម៉ាបស ដោយអធិរាជមូខាល់ (Mughal Emperor) ស្តេច Shah Jahanដើម្បីឧទ្ទិសដល់មហេសីទីបីរបស់ព្រះអង្គ គឺព្រះនាង MumtazMahal។ ស្តេច Shah បានចំណាយពេល២២ឆ្នាំ ពោលគឺពីឆ្នាំ១៦៣២ ដល់ឆ្នាំ១៦៥៣ ។
ព្រះនាង Mahalបានសោយទិវង្គតក្នុងពេលសម្រាលបុត្រទី១៤ ព្រះនាម Gauhara Begum។ ស្ថាបត្យកម្មដ៏ប្រណិតនេះ ត្រូវបានចាត់ទុកថា ជា «និមិត្តរូបនៃសេចក្តីស្រឡាញ់ដ៏ជ្រាលជ្រៅ» របស់ប្រជាជនឥណ្ឌា និងពិភពលោកទាំងមូល។
លោក Pradeepមន្ត្រីប៉ូលិសមួយរូបប្រចាំតំបន់ បាននិយាយប្រាប់សារព័ត៌មានថ្មីៗថា ការតម្រូវឲ្យទេសចរស្រោបស្បែកជើងរបស់ខ្លួននៅពេលចូលទស្សនាប៉មកណ្តាលនោះ គឺអាជ្ញាធរចង់ថែរក្សាសោភណ្ឌភាពនៃវិមានជាទីសក្ការ រួមទាំងបង្ហាញនូវការគោរពចំពោះបេតិកភណ្ឌដ៏ប្រណីតនេះ។
លោកបានបញ្ជាក់ថា៖ «ផ្ទៃនៃវិមានអាចរងការខូចខាត ប្រសិនបើរងការប៉ះទង្គិច និងស្នាមធូលី។ យើងត្រូវតែនាំគ្នាថែរក្សាបេតិកភណ្ឌនេះ។ ជាមួយគ្នានេះផងដែរ ពលរដ្ឋឥណ្ឌាអាចចូលទស្សនាបានដោយដោះស្បែកជើង»។
កាលពីឆ្នាំមុន អាជ្ញាធរឥណ្ឌា បានធ្វើការលាងសំអាតជញ្ជាំងថ្មម៉ាបដែលប្រែពណ៌ដោយសាររងការប៉ះពាល់ពីមនុស្ស និងធម្មជាតិ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
