ជាតិ
សង្គមជាតិ
លោក ហ៊ុន ម៉ានី សម្ពោធសម្ព័ន្ធគ្រូពេទ្យរបស់សហភាពសហព័ន្ធយុវជនកម្ពុជា
× សម្ព័ន្ធគ្រូពេទ្យនៃសហភាពសហព័ន្ធយុវជនកម្ពុជា ត្រូវបានសម្ពោធជាផ្លូវការដោយលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងភរិយារបស់លោក គឺលោកស្រី យឹម ឆៃលីន ដែលជាប្រធានកិត្តិយសនៃសម្ព័ន្ធគ្រូពេទ្យមួយនេះ។ ពិធីសម្ពោធនត្រូវបានរៀបចំធ្វើឡើងនាព្រឹកថ្ងៃទី២៦កុម្ភៈ នៅសកលវិទ្យាល័យអន្តរជាតិ។
សម្ព័ន្ធគ្រូពេទ្យដែលមានសមាសភាពក្រុមប្រឹក្សាភិបាល២២នាក់ជាវេជ្ជបណ្ឌិត ទន្តបណ្ឌិត ឱសថការី បានផ្តើមបេសកកម្មជាង២ខែមកហើយ នៅក្នុងស្រុកបាកាន និងស្រុកវាលវែងនៃខេត្តពោធិ៍សាត់ ដើម្បីពិនិត្យ និងព្យាបាលអ្នកជំងឺជាពលរដ្ឋជិត៣០០០នាក់។
លោកវេជ្ជបណ្ឌិត ស៊ឹម ពិសិដ្ឋ អនុប្រធានសម្ព័ន្ធគ្រូពេទ្យបានពន្យល់ថា សម្ព័ន្ធគ្រូពេទ្យនេះត្រូវបានបង្កើតឡើងក្នុងគោលដៅមនុស្សធម៌ ដោយផ្តល់ការការព្យាបាលដោយឥតគិតថ្លៃដល់ពរដ្ឋកម្ពុជា។ លោកវេជ្ជបណ្ឌិត ស៊ឹម ពិសិដ្ឋ បានបញ្ជាក់យ៉ាងដូច្នេះថា៖«ការព្យាបាលនឹងត្រូវផ្តល់ជូនពលរដ្ឋដោយមិនរើសអើងពូជសាសន៍ និងនិន្នាការនយោបាយឡើយ»។
សម្ព័ន្ធគ្រូពេទ្យនៃសហភាពសហព័ន្ធយុវជនកម្ពុជា ដែលកំពុងប្រើប្រាស់ថវិកាជំនួយសប្បុរសជន នឹងចុះពិនិត្យព្យាបាលអ្នកជំងឺនៅគ្រប់ខេត្តរាជធានី៕
© រក្សាសិទ្ធិដោយ thmeythmey.com