ជាតិ
សង្គមជាតិ
អាជ្ញាធរអប្សរាចុះធ្វើជំរឿនក្បាលដីពលរដ្ឋក្នុងបុរីវប្បធម៌-ទេសចរណ៍អង្គរ
×![]()
ដោយ: សារព័ត៌មានថ្មីៗ
សៀមរាប៖ អាជ្ញាធរអប្សរា ក្នុងសេចក្តីជូនដំណឹងកាលពីម្សិលមិញ បានឲ្យដឹងថា ខ្លួននឹងចាប់ផ្តើមចុះធ្វើបច្ចុប្បន្នភាព ឫជំរឿនក្បាលដីពលរដ្ឋចំនួន៥ភូមិ ក្នុងបុរីវប្បធម៌ និងទេសចរណ៍អង្គរ។ ការចុះធ្វើជំរឿននេះ ក្រោយការកាន់កាប់ និងសំណង់ខុសច្បាប់របស់ប្រជាពលរដ្ឋ មានការកើនឡើង ក្នុងរយៈពេលចុងក្រោយនេះ។
អាជ្ញាធរអប្សរា សហការនិងសាលាខេត្តសៀមរាប នឹងចុះធ្វើជំរឿនក្បាលដីដល់ពលរដ្ឋនៅភូមិ បឹងដូប៉ា និងភូមិចុងកៅស៊ូ សង្កាត់ស្លក្រាម ភូមិអញ្ចាញ សង្កាត់នគរធំ ភូមិព្រៃគុយនិងភូមិគោកចាន់ ក្នុងសង្កាត់អំពិល ក្រុងសៀមរាប។ ប្រជាពលរដ្ឋដែលរស់នៅក្នុងភូមិទាំង៥ខាងលើ ត្រូវយកឯកសារពាក់ព័ន្ធនឹងការទិញ-លក់ដី របស់ខ្លួនមកឲ្យអាជ្ញាធរត្រួតពិនិត្យ ដើម្បីឲ្យអាជ្ញាធរធ្វើការវាយតម្លៃថា តើឯកសានោះ ត្រឹមត្រួវឫយ៉ាងណា។
ការចុះត្រួតពិនិត្យក្បាលនេះ ដើម្បីអង្កេតបន្តរាល់ក្បាលដីដែលមិនទាន់អង្កេតនាពេលកន្លងមក។ ចំណែកផែនទីបង្ហាញក្បាលដីទាំងអស់ នឹងធ្វើការបិទផ្សាយនៅតាមសាលាសង្កាត់ខាងលើ និងស្នាក់ការភូមិទាំង៥ ដែលនឹងចុះធ្វើបច្ចុប្បន្នភាព ចាប់ពីថ្ងៃទី២ ខែមិនា តទៅ។ នេះបើតាមខ្លឹមសារក្នុងសេចក្តីជូនដំណឹងដដែល ដែលចេញផ្សាយនៅថ្ងៃទី២៧ ខែកុម្ភៈ ឆ្នាំ២០១៥ ។
អាជ្ញាធរអប្សរា ស្នើឲ្យពលរដ្ឋដែលបានដឹងពីសេចក្តីជូនដំណឹងនេះហើយ សូមទៅពិនិត្យប្លងក្បាលដីរបស់ខ្លួន នៅតាមទីតាំងបិទផ្សាយនៅតាមមូលដ្ឋានខ្លួន ដោយភ្ជាប់ជាមួយនូវឯកសារពាក់ព័ន្ធ មានប្រវត្តិនៃការកាន់កាប់ អត្តសញ្ញាញប័ណ្ណ សៀវភៅគ្រួសារ និងសៀវភៅស្នាក់ជាដើម៕
អាជ្ញាធរអប្សរា សហការនិងសាលាខេត្តសៀមរាប នឹងចុះធ្វើជំរឿនក្បាលដីដល់ពលរដ្ឋនៅភូមិ បឹងដូប៉ា និងភូមិចុងកៅស៊ូ សង្កាត់ស្លក្រាម ភូមិអញ្ចាញ សង្កាត់នគរធំ ភូមិព្រៃគុយនិងភូមិគោកចាន់ ក្នុងសង្កាត់អំពិល ក្រុងសៀមរាប។ ប្រជាពលរដ្ឋដែលរស់នៅក្នុងភូមិទាំង៥ខាងលើ ត្រូវយកឯកសារពាក់ព័ន្ធនឹងការទិញ-លក់ដី របស់ខ្លួនមកឲ្យអាជ្ញាធរត្រួតពិនិត្យ ដើម្បីឲ្យអាជ្ញាធរធ្វើការវាយតម្លៃថា តើឯកសានោះ ត្រឹមត្រួវឫយ៉ាងណា។
ការចុះត្រួតពិនិត្យក្បាលនេះ ដើម្បីអង្កេតបន្តរាល់ក្បាលដីដែលមិនទាន់អង្កេតនាពេលកន្លងមក។ ចំណែកផែនទីបង្ហាញក្បាលដីទាំងអស់ នឹងធ្វើការបិទផ្សាយនៅតាមសាលាសង្កាត់ខាងលើ និងស្នាក់ការភូមិទាំង៥ ដែលនឹងចុះធ្វើបច្ចុប្បន្នភាព ចាប់ពីថ្ងៃទី២ ខែមិនា តទៅ។ នេះបើតាមខ្លឹមសារក្នុងសេចក្តីជូនដំណឹងដដែល ដែលចេញផ្សាយនៅថ្ងៃទី២៧ ខែកុម្ភៈ ឆ្នាំ២០១៥ ។
អាជ្ញាធរអប្សរា ស្នើឲ្យពលរដ្ឋដែលបានដឹងពីសេចក្តីជូនដំណឹងនេះហើយ សូមទៅពិនិត្យប្លងក្បាលដីរបស់ខ្លួន នៅតាមទីតាំងបិទផ្សាយនៅតាមមូលដ្ឋានខ្លួន ដោយភ្ជាប់ជាមួយនូវឯកសារពាក់ព័ន្ធ មានប្រវត្តិនៃការកាន់កាប់ អត្តសញ្ញាញប័ណ្ណ សៀវភៅគ្រួសារ និងសៀវភៅស្នាក់ជាដើម៕
© រក្សាសិទ្ធិដោយ thmeythmey.com
