ជាតិ
សង្គមជាតិ
×![]()
ដោយ: ថ្មីៗ
កាសែតបាងកកប៉ុស្តិ៍របស់ថៃ នៅថ្ងៃនេះ បានចុះផ្សាយរូបថតមួយសន្លឹកដែលគេមើលទៅហាក់ដូចជាស្ត្រីម្នាក់កំពុងដោះអាវនៅមុខព្រះសង្ឃ។ កាសែតដ៏ល្បីរបស់ថៃ បានសរសេរថា រូបថតបែកធ្លាយនេះ បង្កឲ្យមានការរិះគន់យ៉ាងខ្លាំងក្លានៅក្នុងប្រទេសថៃដែលកាន់ព្រះពុទ្ធសាសនា។
ទោះបីជាយ៉ាងណាក៏ដោយ កាសែតបានលើកឡើងថា មនុស្សដែលដោះអាវនៅក្នុងរូបថតនេះ គឺជាមនុស្សប្រុសម្នាក់ដែលកែភេទ។ ក្រោមលក្ខខណ្ឌមិនបញ្ចេញឈ្មោះ ជនកែភេទរូបនោះ បានអះអាងថា ដើមទ្រូងរបស់ខ្លួនប៉ោងធំឡើងដ៏គួរឲ្យកត់សម្គាល់ ដូច្នេះខ្លួនចង់ឲ្យព្រះសង្ឃជួយបញ្ចុះមន្តគាថាទប់ស្កាត់។
ជនរូបនោះ បានបន្តថា គេបាននិមន្តព្រះសង្ឃដ៏ល្បីមួយអង្គមកពីខេត្តឧត្តរមានជ័យ ប្រទេសកម្ពុជា ទៅផ្ទះរបស់ខ្លួននៅក្នុងទីក្រុងបាងកក កាលពីថ្ងៃទី២៣ ខែកុម្ភៈ។ គេបានបញ្ជាក់ថា នៅពេលនោះ មានមនុស្សជាច្រើន ដោយប្រុសៗនាំគ្នាដោះអាវឲ្យព្រះអង្គគូយ័ន្តគាថាលើខ្លួន រីឯស្រីៗ ត្រូវគូលើថ្ងាស។
«ខ្ញុំមានការសោកស្តាយដែលរូបនេះ បានធ្វើឲ្យប៉ះពាល់កិត្តិយសដល់ព្រះសង្ឃ» នេះជាការលើកឡើងរបស់ជនដែលកែភេទ និងត្រូវបានដកស្រង់សម្តីដោយបាងកកប៉ុស្តិ៍៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
18 ម៉ោង
