ជាតិ
សង្គមជាតិ
×![]()
សៀមរាប៖ ប្រទេសអភិវឌ្ឍតិចតួច នៅតំបន់អាស៊ីប៉ាស៊ីហ្វិក បានជួបពិភាក្សាគ្នារយៈពេល៣ថ្ងៃ ដើម្បីរកវិធានការកាត់បន្ថយភាពក្រីក្រ និងបញ្ហាប្រឈមផ្សេងៗ ដែលកំពុងកើតក្នុងតំបន់ប្រទេសទាំងនោះ។
ប្រទេសមានការអភិវឌ្ឍតិចតួច ចំនួន១៣នៅក្នុងតំបន់អាស៊ី ប៉ាស៊ីហ្វិក បានបើកកិច្ចប្រជុំថ្នាក់តំបន់មួយ ដោយនិយាយពីបញ្ហាប្រឈម និងភាពជោគជ័យ ដែលប្រទេសទាំងនោះសម្រេចបាន ក្នុងនោះក៏មានកម្ពុជាផងដែរ។ កិច្ចប្រជុំរយៈពេលបីថ្ងៃនេះ ធ្វើឡើងក្នុងគោលបំណង រកវិធានការដោះស្រាយ និងអភិវឌ្ឍប្រទេសជាតិឲ្យរួចផុតពីប្រទេសក្រីក្រ និងឈានដល់ប្រទេសដែលមានប្រាក់ចំណូលមធ្យមនៅក្នុងឆ្នាំ២០២០ ។
លោកឧបនាយករដ្ឋមន្ត្រី គាត ឈន់ មានប្រសាសន៍ថា កិច្ចប្រជុំកម្រិតខ្ពស់នេះ ធ្វើឡើងដើម្បីពិនិត្យមើលឡើងវិញនូវការរីកចម្រើន ដែលប្រទេសអភិវឌ្ឍតិចតួចបានធ្វើនាពេលកន្លងមក បញ្ហាប្រឈម និងឧបសគ្គផ្សេងៗ ។ កិច្ចប្រជុំនេះដែរ ដើម្បីពិភាក្សាអំពីការអនុវត្តផែនការសកម្មភាព Istanbul ដោយកំណត់នូវការងារអទិភាពជាច្រើន ដើម្បីជំរុញការអភិវឌ្ឍបន្ថែម សម្រាប់ប្រទេសដែលមានការអភិវឌ្ឍតិចតួច។
ក្រោយពីបញ្ចប់នូវកិច្ចប្រជុំខាងលើ រដ្ឋាភិបាលកម្ពុជា ក្នុងនាមជាម្ចាស់ផ្ទះ ក៏គ្រោងនឹងដាក់លទ្ធផលនៃកិច្ចប្រជុំ ជូនក្រុមប្រទេសដែលមានការអភិវឌ្ឍតិចតួច ប្រទេសកំពុងអភិវឌ្ឍគ្មានដែនសមុទ្រ និងប្រទេសដែនកោះតូចៗ ក្នុងកិច្ចប្រជុំលើកទី៧១ របស់គណៈកម្មការសេដ្ឋកិច្ច និងសង្គមប្រចាំតំបន់អាស៊ី និងប៉ាស៊ីហ្វិក សម្រាប់វាយតម្លៃពាក់កណ្តាលអាណត្តិស្តីពីការអនុវត្តផែនការសកម្មភាព Istanbul។ ហើយកម្ពុជាគ្រោងស្នើដាក់ឈ្មោះឯកសារនោះថា «ឯកសារលទ្ធផលសៀមរាប-អង្គរ»។
ប្រទេសកម្ពុជាជាប្រទេសមួយ មានការអភិវឌ្ឍខ្ពស់ជាងគេ ក្នុងចំណោមប្រទេសដែលមានការអភិវឌ្ឍតិចតួច។ នេះជាការលើកឡើងរបស់លោកទេសរដ្ឋមន្ត្រី លី ធុជ ជាប្រធានគណៈកម្មការសេដ្ឋកិច្ច សង្គមកិច្ច តំបន់អាស៊ី និងប៉ាស៊ីហ្វិក ហៅកាត់ថា Escap ។ តាមការបញ្ជាក់ពីលោកប្រធាន Escap រយៈពេលមួយទស្សវត្សរ៍ចុងក្រោយនេះ កម្ពុជាត្រូវបានគេមើលឃើញថា មានការអភិវឌ្ឍរហ័ស ជាងបណ្តាប្រទេសក្នុងតំបន់។ លោក លី ធុជ បានឲ្យដឹងថា៖« យើងទើបងើបពីសង្គ្រាម តែការអភិវឌ្ឍរបស់យើងលឿន ធ្វើឲ្យអន្តរជាតិសរសើរ ហើយមានប្រទេសក្នុងតំបន់ចង់រៀនសូត្រពីយើង»។ លោកទេសរដ្ឋមន្ត្រីបន្ថែមថា វិស័យមួយចំនួនដែលធ្វើឲ្យគេស្គាល់កម្ពុជាច្រើន មានវិស័យសេដ្ឋកិច្ច ហេដ្ឋារចនាសម្ព័ន្ធ កសិកម្មនិងជាពិសេសវិស័យទេសចរណ៍ ដែលមានកំណើនជារៀងរាល់ឆ្នាំ។
លោកស្រី Shamshad Akhtar (សាមសាត អាកតា) អគ្គលេខាធិការរងអង្គការសហប្រជាជាតិ និងជាលេខាប្រតិបត្តិ UN-Escap បានឲ្យដឹងថា សព្វថ្ងៃនេះមានប្រជាជនប្រមាណ ២៩,០០០លាននាក់កំពុងរស់នៅក្នុងប្រទេសមានការអភិវឌ្ឍតិចតួច រាប់រយលាននាក់ កំពុងរស់នៅក្រោមបន្ទាត់ភាពក្រីក្រ និងប្រមាណ ១៣០លាននាក់ ដែលមិនទទួលបានការអប់រំ ទាំងសុខភាព និងសេវាផ្សេងៗទៀត។ លោកស្រី សាមសាត បានបេ្តជ្ញាចិត្តថា នៅក្នុងអាណត្តិរបស់លោកស្រី នឹងធ្វើយ៉ាងណាជំរុញឲ្យប្រទេសខាងលើ ឆ្លងផុតពីភាពក្រីក្រ និងឈានទៅរកប្រទេសដែលមានការអភិវឌ្ឍ។
កិច្ចប្រជុំស្តីពីការអនុវត្តផែនការសកម្មភាព Istanbul សម្រាប់ប្រទេសដែលមានការអភិវឌ្ឍតិចតួច ធ្វើឡើងរយៈពេល៣ថ្ងៃ គឺចាប់ពីថ្ងៃទី៤ ដល់ថ្ងៃទី៦ ខែមិនា ឆ្នាំ២០១៥ នៅខេត្តសៀមរាប។ កិច្ចប្រជុំនេះ គឺជាកិច្ចប្រជុំពាក់កណ្តាលអាណត្តិរបស់ខ្លួន ពីឆ្នាំ២០១១-២០២០ ៕
ប្រទេសមានការអភិវឌ្ឍតិចតួច ចំនួន១៣នៅក្នុងតំបន់អាស៊ី ប៉ាស៊ីហ្វិក បានបើកកិច្ចប្រជុំថ្នាក់តំបន់មួយ ដោយនិយាយពីបញ្ហាប្រឈម និងភាពជោគជ័យ ដែលប្រទេសទាំងនោះសម្រេចបាន ក្នុងនោះក៏មានកម្ពុជាផងដែរ។ កិច្ចប្រជុំរយៈពេលបីថ្ងៃនេះ ធ្វើឡើងក្នុងគោលបំណង រកវិធានការដោះស្រាយ និងអភិវឌ្ឍប្រទេសជាតិឲ្យរួចផុតពីប្រទេសក្រីក្រ និងឈានដល់ប្រទេសដែលមានប្រាក់ចំណូលមធ្យមនៅក្នុងឆ្នាំ២០២០ ។
លោកឧបនាយករដ្ឋមន្ត្រី គាត ឈន់ មានប្រសាសន៍ថា កិច្ចប្រជុំកម្រិតខ្ពស់នេះ ធ្វើឡើងដើម្បីពិនិត្យមើលឡើងវិញនូវការរីកចម្រើន ដែលប្រទេសអភិវឌ្ឍតិចតួចបានធ្វើនាពេលកន្លងមក បញ្ហាប្រឈម និងឧបសគ្គផ្សេងៗ ។ កិច្ចប្រជុំនេះដែរ ដើម្បីពិភាក្សាអំពីការអនុវត្តផែនការសកម្មភាព Istanbul ដោយកំណត់នូវការងារអទិភាពជាច្រើន ដើម្បីជំរុញការអភិវឌ្ឍបន្ថែម សម្រាប់ប្រទេសដែលមានការអភិវឌ្ឍតិចតួច។
ក្រោយពីបញ្ចប់នូវកិច្ចប្រជុំខាងលើ រដ្ឋាភិបាលកម្ពុជា ក្នុងនាមជាម្ចាស់ផ្ទះ ក៏គ្រោងនឹងដាក់លទ្ធផលនៃកិច្ចប្រជុំ ជូនក្រុមប្រទេសដែលមានការអភិវឌ្ឍតិចតួច ប្រទេសកំពុងអភិវឌ្ឍគ្មានដែនសមុទ្រ និងប្រទេសដែនកោះតូចៗ ក្នុងកិច្ចប្រជុំលើកទី៧១ របស់គណៈកម្មការសេដ្ឋកិច្ច និងសង្គមប្រចាំតំបន់អាស៊ី និងប៉ាស៊ីហ្វិក សម្រាប់វាយតម្លៃពាក់កណ្តាលអាណត្តិស្តីពីការអនុវត្តផែនការសកម្មភាព Istanbul។ ហើយកម្ពុជាគ្រោងស្នើដាក់ឈ្មោះឯកសារនោះថា «ឯកសារលទ្ធផលសៀមរាប-អង្គរ»។
ប្រទេសកម្ពុជាជាប្រទេសមួយ មានការអភិវឌ្ឍខ្ពស់ជាងគេ ក្នុងចំណោមប្រទេសដែលមានការអភិវឌ្ឍតិចតួច។ នេះជាការលើកឡើងរបស់លោកទេសរដ្ឋមន្ត្រី លី ធុជ ជាប្រធានគណៈកម្មការសេដ្ឋកិច្ច សង្គមកិច្ច តំបន់អាស៊ី និងប៉ាស៊ីហ្វិក ហៅកាត់ថា Escap ។ តាមការបញ្ជាក់ពីលោកប្រធាន Escap រយៈពេលមួយទស្សវត្សរ៍ចុងក្រោយនេះ កម្ពុជាត្រូវបានគេមើលឃើញថា មានការអភិវឌ្ឍរហ័ស ជាងបណ្តាប្រទេសក្នុងតំបន់។ លោក លី ធុជ បានឲ្យដឹងថា៖« យើងទើបងើបពីសង្គ្រាម តែការអភិវឌ្ឍរបស់យើងលឿន ធ្វើឲ្យអន្តរជាតិសរសើរ ហើយមានប្រទេសក្នុងតំបន់ចង់រៀនសូត្រពីយើង»។ លោកទេសរដ្ឋមន្ត្រីបន្ថែមថា វិស័យមួយចំនួនដែលធ្វើឲ្យគេស្គាល់កម្ពុជាច្រើន មានវិស័យសេដ្ឋកិច្ច ហេដ្ឋារចនាសម្ព័ន្ធ កសិកម្មនិងជាពិសេសវិស័យទេសចរណ៍ ដែលមានកំណើនជារៀងរាល់ឆ្នាំ។
លោកស្រី Shamshad Akhtar (សាមសាត អាកតា) អគ្គលេខាធិការរងអង្គការសហប្រជាជាតិ និងជាលេខាប្រតិបត្តិ UN-Escap បានឲ្យដឹងថា សព្វថ្ងៃនេះមានប្រជាជនប្រមាណ ២៩,០០០លាននាក់កំពុងរស់នៅក្នុងប្រទេសមានការអភិវឌ្ឍតិចតួច រាប់រយលាននាក់ កំពុងរស់នៅក្រោមបន្ទាត់ភាពក្រីក្រ និងប្រមាណ ១៣០លាននាក់ ដែលមិនទទួលបានការអប់រំ ទាំងសុខភាព និងសេវាផ្សេងៗទៀត។ លោកស្រី សាមសាត បានបេ្តជ្ញាចិត្តថា នៅក្នុងអាណត្តិរបស់លោកស្រី នឹងធ្វើយ៉ាងណាជំរុញឲ្យប្រទេសខាងលើ ឆ្លងផុតពីភាពក្រីក្រ និងឈានទៅរកប្រទេសដែលមានការអភិវឌ្ឍ។
កិច្ចប្រជុំស្តីពីការអនុវត្តផែនការសកម្មភាព Istanbul សម្រាប់ប្រទេសដែលមានការអភិវឌ្ឍតិចតួច ធ្វើឡើងរយៈពេល៣ថ្ងៃ គឺចាប់ពីថ្ងៃទី៤ ដល់ថ្ងៃទី៦ ខែមិនា ឆ្នាំ២០១៥ នៅខេត្តសៀមរាប។ កិច្ចប្រជុំនេះ គឺជាកិច្ចប្រជុំពាក់កណ្តាលអាណត្តិរបស់ខ្លួន ពីឆ្នាំ២០១១-២០២០ ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
18 ម៉ោង
