ពីនេះ ពីនោះ
នៅក្នុងប្រទេសរំដួល មន្ត្រីរាជការ និងមន្ត្រីអង្គការខ្លះ ប្រើប្រាស់រថយន្តស្ថាប័នដើម្បីប្រយោជន៍ខ្លួនឯង!
× ជាគោលការណ៍ រថយន្តរបស់រដ្ឋ ឬរបស់អង្គការ អាចត្រូវបានគេប្រើប្រាស់សម្រាប់តែបម្រើការជូនរដ្ឋ និងជូនអង្គការនៅក្នុងម៉ោងធ្វើការប៉ុណ្ណោះ។ មន្ត្រីរាជការ និងមន្ត្រីអង្គការ មិនអាច ឬគ្មានសិទ្ធិប្រើប្រាស់រថយន្តទាំងនោះដើម្បីផលប្រយោជន៍គ្រួសារ បក្សពួក និងផ្ទាល់ខ្លួនបានឡើយនៅក្នុងប្រទេសគោរពច្បាប់។ ប៉ុន្តែ នៅក្នុងប្រទេសរំដួលវិញ មន្ត្រីរាជការខ្លះ និងមន្ត្រីអង្គការក្រៅរដ្ឋាភិបាលខ្លះ នៅបន្តប្រើប្រាស់រថយន្តរបស់រដ្ឋ ឬរបស់អង្គការដើម្បីផលប្រយោជន៍បុគ្គល។ ជារឿយៗនៅក្នុងប្រទេសរំដួល គេសង្កេតឃើញរថយន្តពាក់ស្លាករដ្ឋ ឬអង្គការដឹកក្រុមគ្រួសារដើកម្សាន្តនៅចុងសប្តាហ៍ថ្ងៃសៅរ៍ ឬថ្ងៃអាទិត្យ។ តើគេយកលេសថា ចុះបេសកកម្មឬ? បើចុះបេសសកម្មមែន ចុះហេតុអ្វីមានសមាជិកគ្រួសារពេញរថយន្ត។ នេះហើយឬ ចុះបេសកកម្មនៅក្នុងប្រទេសរំដួលនោះ?
សូ ភាសិត
© រក្សាសិទ្ធិដោយ thmeythmey.com