ជាតិ
សង្គមជាតិ
×![]()
ព្រៃវែង៖ ផ្ទះ៤៣ខ្នង ក្នុងភូមិគំរូទី២ របស់សមាគមសម្របសម្រួល និងអភិវឌ្ឍន៍សង្គម សហការជាមួយសមាគមពិភពលោកនៃក្តីមេត្តា និងសម្របសម្រួលសង្គមនៃរដ្ឋគុយវ៉ែត បានដាក់សម្ពោធជាផ្ទះការហើយ ក្រោយពីគម្រោងនេះ បានប្រើពេលអស់ជិតមួយឆ្នាំរួចមក។ ពលរដ្ឋក្រីក្រ ដែលទទួលបានសមិទ្ធិផលថ្មីនេះ គឺជាប្រជាពលរដ្ឋក្រីក្រ ដែលគ្មានលទ្ធភាពធ្វើផ្ទះដោយខ្លួនឯង ហើយភាគច្រើនរស់នៅលើទូកនេសាទ។
តំណាងសមាគមសម្របសម្រួល និងអភិវឌ្ឍន៍សង្គម លោក សុះ សៅអ៊ី បានឲ្យដឹងថា ភូមិគំរូទី២ គឺមានទីតាំងនៅភូមិរកាធំ ឃុំកំពង់ត្របែក ស្រុកកំពង់ត្របែក ខេត្តព្រៃវែង។ លោកបន្តថា គម្រោងនេះទទួលបានការឧបត្ថម្ភពីសប្បុរសជនប្រទេស កាតា តាមរយៈសមាគមលោក ដែលសហការនឹងសមាគមក្នុងប្រទេសកម្ពុជា។ លោក សុះ សៅអ៊ី បានថ្លែងក្នុងពិធីសម្ពោធនៅព្រឹកថ្ងៃទី៩ ខែមិនាថា ភូមិគំរូនេះប្រើថវិកាអស់ ៣៥ម៉ឺនដុល្លារសហរដ្ឋអាមេរិក និងប្រើរយៈពេលជិតមួយឆ្នាំ។
ផ្ទះនៅភូមិគំរូ ក្នុងខេត្តព្រៃវែង មានចំនួន៤៣ខ្នង ដែលក្នុងមួយខ្នងទំហំ ៣៥ម៉ែត្រការ៉េ សង់អំពីឈើ ប្រក់ស័ង្កសី កម្ពស់ផុតពីដី ២,៥ម៉ែត្រ និងមានបន្ទប់គេងចំនួន២ និងបន្ទប់អនាម័យ ដែលសង់នៅលើផ្ទៃដីទំហំ ៧២ម៉ែត្រការ៉េ។ ក្នុងភូមិគំរូនេះ មានអណ្តូងទឹកស្អាតចំនួន៤ ហើយគម្រោងនេះ ក៏មានការផ្តល់ដើមទុនដើម្បីបង្កើតអាជីវកម្ម ដល់ពលរដ្ឋទាំង៤៣ គ្រួសារផងដែរ ដែលមានដូចជាការផ្តល់ជូនជា ម៉ូតូឌុប ទូកនេសាទ និងឧបករណ៍នេសាទជាលក្ខណៈគ្រួសារផងដែរ។
លោក សុះ សៅអ៊ី មានសុទិដ្ឋិនិយមថា គម្រោងនេះពិតជារួមចំណែកអភិវឌ្ឍសង្គមកម្ពុជា បានមួយចំណែកធំ។ លោកថា សមាគមរបស់លោក នឹងបន្តជួយដល់សហគមន៍ក្រីក្រក្នុងប្រទេសកម្ពុជា ជាបន្តទៀត។ លោកក៏បានថ្លែងកោតសរសើរដល់រដ្ឋាភិបាលកម្ពុជា ដែលតែងផ្តល់ភាពងាយស្រួលចំពោះគម្រោងអភិវឌ្ឍនានារបស់សមាគមលោក ក៏ដូចជាអង្គការ និងសមាគមក្នុងស្រុកដទៃទៀត។
គួររម្លឹកថា ភូមិគំរូទី១ របស់សមាគមខាងលើ មានទីតាំងនៅស្រុកកោះធំ ខេត្តកណ្តាល ត្រូវបានដាក់សម្ពោធកាលពីឆ្នាំ២០១២ ហើយគម្រោងភូមិគំរូទី៣ នៅខេត្តតាកែវ កំពុងសាងសង់ផ្ទះ៤៨ ខ្នង។ ក្នុងពិធីសម្ពោធដែលមានលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោក អូស្មាន ហាស្សាន់ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ នៅខេត្តព្រៃវែងកាលពីព្រឹកមិញ លោក សុះ សៅអ៊ី បានរម្លឹកពីសមិទិ្ធផលមួយចំនួន ដែលសមាគមរបស់លោកបានជួយដល់សហគមន៍ក្នុងប្រទេសកម្ពុជានាពេលកន្លងមក ដែលមានដូចជា ជួយជនក្រីក្រ ផ្តល់អាហារូបករណ៍ដល់និស្សិតនៅថ្នាក់បរិញ្ញាបត្រ អណ្តូងទឹក បង្គន់អនាម័យ ឧបត្ថម្ភក្មេងកំព្រា បង្កើតមុខរបរដល់ពលរដ្ឋក្រីក្រ។ល។ ដែលសរុបថវិកាប្រមាណ ១៥ លានដុល្លារសហរដ្ឋអាមេរិក៕
តំណាងសមាគមសម្របសម្រួល និងអភិវឌ្ឍន៍សង្គម លោក សុះ សៅអ៊ី បានឲ្យដឹងថា ភូមិគំរូទី២ គឺមានទីតាំងនៅភូមិរកាធំ ឃុំកំពង់ត្របែក ស្រុកកំពង់ត្របែក ខេត្តព្រៃវែង។ លោកបន្តថា គម្រោងនេះទទួលបានការឧបត្ថម្ភពីសប្បុរសជនប្រទេស កាតា តាមរយៈសមាគមលោក ដែលសហការនឹងសមាគមក្នុងប្រទេសកម្ពុជា។ លោក សុះ សៅអ៊ី បានថ្លែងក្នុងពិធីសម្ពោធនៅព្រឹកថ្ងៃទី៩ ខែមិនាថា ភូមិគំរូនេះប្រើថវិកាអស់ ៣៥ម៉ឺនដុល្លារសហរដ្ឋអាមេរិក និងប្រើរយៈពេលជិតមួយឆ្នាំ។
ផ្ទះនៅភូមិគំរូ ក្នុងខេត្តព្រៃវែង មានចំនួន៤៣ខ្នង ដែលក្នុងមួយខ្នងទំហំ ៣៥ម៉ែត្រការ៉េ សង់អំពីឈើ ប្រក់ស័ង្កសី កម្ពស់ផុតពីដី ២,៥ម៉ែត្រ និងមានបន្ទប់គេងចំនួន២ និងបន្ទប់អនាម័យ ដែលសង់នៅលើផ្ទៃដីទំហំ ៧២ម៉ែត្រការ៉េ។ ក្នុងភូមិគំរូនេះ មានអណ្តូងទឹកស្អាតចំនួន៤ ហើយគម្រោងនេះ ក៏មានការផ្តល់ដើមទុនដើម្បីបង្កើតអាជីវកម្ម ដល់ពលរដ្ឋទាំង៤៣ គ្រួសារផងដែរ ដែលមានដូចជាការផ្តល់ជូនជា ម៉ូតូឌុប ទូកនេសាទ និងឧបករណ៍នេសាទជាលក្ខណៈគ្រួសារផងដែរ។
លោក សុះ សៅអ៊ី មានសុទិដ្ឋិនិយមថា គម្រោងនេះពិតជារួមចំណែកអភិវឌ្ឍសង្គមកម្ពុជា បានមួយចំណែកធំ។ លោកថា សមាគមរបស់លោក នឹងបន្តជួយដល់សហគមន៍ក្រីក្រក្នុងប្រទេសកម្ពុជា ជាបន្តទៀត។ លោកក៏បានថ្លែងកោតសរសើរដល់រដ្ឋាភិបាលកម្ពុជា ដែលតែងផ្តល់ភាពងាយស្រួលចំពោះគម្រោងអភិវឌ្ឍនានារបស់សមាគមលោក ក៏ដូចជាអង្គការ និងសមាគមក្នុងស្រុកដទៃទៀត។
គួររម្លឹកថា ភូមិគំរូទី១ របស់សមាគមខាងលើ មានទីតាំងនៅស្រុកកោះធំ ខេត្តកណ្តាល ត្រូវបានដាក់សម្ពោធកាលពីឆ្នាំ២០១២ ហើយគម្រោងភូមិគំរូទី៣ នៅខេត្តតាកែវ កំពុងសាងសង់ផ្ទះ៤៨ ខ្នង។ ក្នុងពិធីសម្ពោធដែលមានលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោក អូស្មាន ហាស្សាន់ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ នៅខេត្តព្រៃវែងកាលពីព្រឹកមិញ លោក សុះ សៅអ៊ី បានរម្លឹកពីសមិទិ្ធផលមួយចំនួន ដែលសមាគមរបស់លោកបានជួយដល់សហគមន៍ក្នុងប្រទេសកម្ពុជានាពេលកន្លងមក ដែលមានដូចជា ជួយជនក្រីក្រ ផ្តល់អាហារូបករណ៍ដល់និស្សិតនៅថ្នាក់បរិញ្ញាបត្រ អណ្តូងទឹក បង្គន់អនាម័យ ឧបត្ថម្ភក្មេងកំព្រា បង្កើតមុខរបរដល់ពលរដ្ឋក្រីក្រ។ល។ ដែលសរុបថវិកាប្រមាណ ១៥ លានដុល្លារសហរដ្ឋអាមេរិក៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
21 ម៉ោង
