ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
កៅស៊ូធ្លាក់ថ្លៃ កាប់ដើមកៅស៊ូចោល ដាំដើមស្វាយចន្ទី
10, Mar 2015 ,
9:15 am
រូបភាព
×
ដោយ:
លីម តុលា
ខេត្តត្បូងឃ្មុំ-ស្រុកត្បូងឃ្មុំ៖ ចាប់តាំងពីជ័រកៅស៊ូធ្លាក់ថ្ងៃមក ប្រជាពលរដ្ឋនៅក្នុងខេត្តត្បូងឃ្មុំមួយចំនួនចាប់ផើ្តមកាប់ដើមកៅស៊ូចោល ហើយបែរទៅដាំដើមស្វាយចន្ទី ឬដើមផ្កាចំប៉ីវិញ។ ជ័រកៅស៊ូធ្លាប់មានតម្លៃដល់ជិត៥ពាន់ដុល្លារក្នុងមួយតោន តែបច្ចុប្បន្ននេះ តម្លៃបានធ្លាក់មកនៅត្រឹមតែជាង១ពាន់ដុល្លារប៉ុណ្ណោះ។
អ្នកវិនយោគ ក្នុងវិស័យកសិកម្ម ជាពិសេស ក្នុងដំណាំកៅស៊ូ ទទួលរងការបាក់ទឹកចិត្តយ៉ាងខ្លាំង បន្ទាប់ពីតម្លៃកៅស៊ូបានដាំក្បាលចុះអស់រយៈពេលជិត២ឆ្នាំមកហើយ។ ជ័រកៅស៊ូធ្លាប់មានតម្លៃដល់ជិត៥ពាន់ដុល្លារក្នុងមួយតោន តែបច្ចុប្បន្ននេះ តម្លៃបានធ្លាក់មកនៅត្រឹមតែជាង១ពាន់ដុល្លារប៉ុណ្ណោះ។
អ្នកវិនិយោគដំណាំកៅស៊ូស្ទើរគ្រប់គ្នាគ្រវីតែក្បាល ហើយមិនដឹងថា តើនៅពេលណាទេ ទើបតម្លៃវានឹងកើនឡើងវិញ។ អ្នកជំនួញដំណាំកៅស៊ូនៅក្នុងខេត្តកំពង់ចាម ព្រះវិហារ និងខេត្តត្បូងឃ្មុំបានអោយដឹងថា តម្លៃជ័រកៅស៊ូដែលលក់បានជាង១ពាន់ដុល្លារក្នុង១តោននៅពេលនេះ គឺគ្រាន់តែសម្រាប់ចំណាយទៅវិញលើប្រាក់ខែកម្មករ និងលើសេវាដឹកជញ្ជូនតែប៉ុណ្ណោះ។
ដោយសារមិនដឹងថា តើតម្លៃជ័រកៅស៊ូវានឹងងើបក្បាលឡើងវិញថ្ងៃណានោះ អ្នកជំនួញដំណាំកៅស៊ូតូចតាច និងមធ្យមមួយចំនួន ចាប់ផ្តើមកាប់ដើមកៅស៊ូរបស់ខ្លួនចោល ហើយបែរមកដាំដើមស្វាយចន្ទី ឬដើមផ្កាចំប៉ីឡើងវិញ។ លោក សំរិទ្ធ អាយុជាង៣០ឆ្នាំរស់នៅក្នុងខេត្តត្បូងឃ្មុំ ដែលទើបកាប់ដើមកៅស៊ូរបស់ខ្លួនដែលមានអាយុ២ឆ្នាំចោលនោះ បាននិយាយថា៖«តាំងពីដាំមក សរុបទាំងអស់ ខ្ញុំចំណាយអស់ប្រមាណជាពី៥ទៅ៧ពាន់ដុល្លារក្នុងរយៈពេល២ឆ្នាំនេះ។ ឥឡូវ ខ្ញុំកាប់ចោល ហើយដាំស្វាយចន្ទីវិញ ពីព្រោះគ្រាប់ស្វាយចន្ទីមានតម្លៃថ្លៃ»។ ចុះបើទម្រាំបានផល ហើយគ្រាប់ស្វាយចន្ទីធ្លាក់ថ្លៃវិញ តើលោកគិតយ៉ាងដូចម្តេចដែរ?
លោក សំរិទ្ធ បានឆ្លើយមកវិញថា ដោយសារតែតម្លៃដំណាំកសិកម្មឡើងចុះៗដោយគ្មាននរណាដឹងដូច្នេះ ទើគាត់សម្រេចចិត្តដាំដំណាំបីមុខសំខាន់ៗសម្រាប់ទីផ្សារបច្ចុប្បន្ន។ ទី១ ផ្កាចំប៉ី។ ផ្កាចំប៉ី កំពុងត្រូវប៉ាន់ជាមួយទីផ្សារចិន។ ទី២ ស្វាយចន្ទី និងទី៣ ដំណាំកៅស៊ូ។ «ខ្ញុំសម្រេចិត្តដាំគ្រប់មុខ ដើម្បីចៀសវាងការធ្លាក់ថ្លៃ។ បើធ្លាក់ថ្លៃមួយមុខ នៅសល់ពីរមុខទៀត។ កាលពីមុន ខ្ញុំដាំមួយមុខ បើធ្លាក់ថ្លៃហើយ ចប់តែម្តង»។ នេះ គឺជាការបញ្ជាក់របស់លោក សំរិទ្ធ ឈរនៅក្បែរដើមកៅស៊ូដែលកំពុងកាប់ចោល។
ចរន្តកាប់ដើមកៅស៊ូចោល ហើយដាំដំណាំផ្សេងៗនោះ មិនមែនកើតឡើងចំពោះតែលោក សំរិទ្ធ ទេ។ អ្នកជំនួញតូច និងមធ្យមផ្សេងទៀត បាននាំគ្នាកាប់ដើមកៅស៊ូចោល ហើយបែរទៅដាំដំណាំផ្សេងទៀត ដូចជា ស្វាយចន្ទី ផ្កាចំប៉ី។ល។ អ្នកជំនួញដំណាំកសិកម្មខ្មែរត្រូវបានគេមើលឃើញថា ធ្វើកសិកម្មដោយប្រែប្រួលទៅតាមតម្លៃ មានន័យថា ប្រសិនបើឃើញស្វាយចន្ទីឡើងថ្លៃ ពួកគេនាំគ្នាកាប់ដើមកៅស៊ូ ឬកាហ្វេចោល។ ប្រសិនបើកៅស៊ូ ឬម្រេចឡើងថ្លៃ ពួកគេ កាប់ដើមកាហ្វេ ឬស្វាយចន្ទីចោលវិញ។
សូមបញ្ជាក់ថា បើទោះបីជាអ្នកជំនួញតូច និងមធ្យម មួយចំនួនចាប់ផ្តើមកាប់ដើមកៅស៊ូចោលក៏ដោយក្តី ក៏អ្នកជំនួញដំណាំកៅស៊ូខ្នាតធំដែលបានដាំរាប់រយ និងរាប់ពាន់ហិកតាមិនទាន់កាប់ចោលនៅឡើយទេ។ ក្តីរំពឹងរបស់ពួកគេ គឺថា តម្លៃវាត្រូវតែរើបឡើងវិញនៅថ្ងៃណាមួយជាក់ជាពុំខាន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
7 ថ្ងៃ
«ប្រទានកម្ម»មានន័យដូចម្តេច?
1 ថ្ងៃ
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
2 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
3 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
1 សប្តាហ៍
អត្ថបទពេញនិយមបន្ថែម