ជាតិ
សង្គមជាតិ
មួកត្នោតទំហំ៥ម៉ែត្រកម្ពស់ជិត២ម៉ែត្រនឹងមានវត្តមានក្នុងព្រឹត្តិការណ៍អង្គរសង្ក្រាន្ត
×![]()
សៀមរាប៖ មួកត្នោតដែលមានទំហំ៥ម៉ែត្រមិនធ្លាប់មាន គ្រោងនឹងបង្ហាញខ្លួនក្នុងព្រឹត្តិការណ៍អង្គរសង្ក្រាន្ត ឆ្នាំ២០១៥នេះ។ មួកត្នោត ដែលជាអត្តសញ្ញាណមួយរបស់ខ្មែរ ត្រូវបានក្រុមជាងក្នុងភូមិព្រះដាក់ ស្រុកបន្ទាយស្រី កំពុងសម្រិតសម្រាំងធ្វើ ហើយគ្រោងនឹងបញ្ចប់ក្នុងរយៈពេលដ៏ខ្លីខាងមុខនេះ។
មួកត្នោតដែលមានទំហំ៥ ម៉ែត្រ កម្ពស់១,៨ ម៉ែត្រ អាចនឹងរួចរាល់នៅ២ថ្ងៃទៀតនេះហើយ។ ក្រុមជាងនៅភូមិព្រះដាក់ បានឲ្យដឹងថា មួកត្នោតនេះ គ្រោងនឹងរួចរាល់ប្រមាណ២ថ្ងៃទៀត។
ថ្លែងតាមទូរសព្ទនៅរសៀលថ្ងៃទី១១ ខែមិនានេះ លោក ឡឹក វន់ មេភូមិព្រះដាក់ និងជាតំណាងក្រុមជាង បានឲ្យដឹងថា គម្រោងធ្វើមួកត្នោតដែលមានទំហំ ៥ម្រ៉ែតនេះ បានពេលជិតមួយខែ រាប់ចាប់ពីពាក់កណ្តាលខែកុម្ភៈមក។ លោក ឡឹក វន់ បានថ្លែងពីការបញ្ហាដែលជួបប្រទះអំឡុងពេលធ្វើមួកនេះថា៖« ការធ្វើឆ្អឹង និងកាច់រាងវា រៀងពិបាកបន្តិចដែរ តែយូរត្រង់ដេរស្លឹក»។
តាមពិតទៅ អ្នកភូមិព្រះដាក់ បានទទួលគម្រោងធ្វើមួកត្នោត និងឧបករណ៍ប្រើប្រាស់មួយចំនួនទៀតពីអ្នករៀបចំព្រឹត្តិការណ៍អង្គរសង្ក្រាន្ត ប្រចាំនៅខេត្តសៀមរាប។ សម្រាប់មួកត្នោតនេះ អ្នកភូមិទទួលបានថ្លៃឈ្នួលចំនួន ៧០០ដុល្លារពីម្ចាស់គម្រោង។ យ៉ាងណា អ្នកភូមិព្រះដាក់ យល់ថាតម្លៃនេះរៀងទាបបន្តិច ព្រោះវាមានការលំបាកទាំងការរកសរសៃ ចាប់រាង និងដេរស្លឹកត្នោតជាដើម។
ក្រោយពីបញ្ចប់ជាស្ថាពរ មួកត្នោតយក្ស គ្រោងនឹងដឹកទៅដាក់ក្នុងបុរីរដ្ឋបាលនៃអាជ្ញាធរអប្សរា ហើយបន្ទាប់មក គ្រោងនឹងយកទៅបង្ហាញក្នុងព្រឹត្តិការណ៍អង្គរសង្ក្រាន្តចាប់ពីថ្ងៃទី ១៤ ដល់ថ្ងៃទី១៦ ខែមេសា ខាងមុខនេះ៕
មួកត្នោតដែលមានទំហំ៥ ម៉ែត្រ កម្ពស់១,៨ ម៉ែត្រ អាចនឹងរួចរាល់នៅ២ថ្ងៃទៀតនេះហើយ។ ក្រុមជាងនៅភូមិព្រះដាក់ បានឲ្យដឹងថា មួកត្នោតនេះ គ្រោងនឹងរួចរាល់ប្រមាណ២ថ្ងៃទៀត។
ថ្លែងតាមទូរសព្ទនៅរសៀលថ្ងៃទី១១ ខែមិនានេះ លោក ឡឹក វន់ មេភូមិព្រះដាក់ និងជាតំណាងក្រុមជាង បានឲ្យដឹងថា គម្រោងធ្វើមួកត្នោតដែលមានទំហំ ៥ម្រ៉ែតនេះ បានពេលជិតមួយខែ រាប់ចាប់ពីពាក់កណ្តាលខែកុម្ភៈមក។ លោក ឡឹក វន់ បានថ្លែងពីការបញ្ហាដែលជួបប្រទះអំឡុងពេលធ្វើមួកនេះថា៖« ការធ្វើឆ្អឹង និងកាច់រាងវា រៀងពិបាកបន្តិចដែរ តែយូរត្រង់ដេរស្លឹក»។
តាមពិតទៅ អ្នកភូមិព្រះដាក់ បានទទួលគម្រោងធ្វើមួកត្នោត និងឧបករណ៍ប្រើប្រាស់មួយចំនួនទៀតពីអ្នករៀបចំព្រឹត្តិការណ៍អង្គរសង្ក្រាន្ត ប្រចាំនៅខេត្តសៀមរាប។ សម្រាប់មួកត្នោតនេះ អ្នកភូមិទទួលបានថ្លៃឈ្នួលចំនួន ៧០០ដុល្លារពីម្ចាស់គម្រោង។ យ៉ាងណា អ្នកភូមិព្រះដាក់ យល់ថាតម្លៃនេះរៀងទាបបន្តិច ព្រោះវាមានការលំបាកទាំងការរកសរសៃ ចាប់រាង និងដេរស្លឹកត្នោតជាដើម។
ក្រោយពីបញ្ចប់ជាស្ថាពរ មួកត្នោតយក្ស គ្រោងនឹងដឹកទៅដាក់ក្នុងបុរីរដ្ឋបាលនៃអាជ្ញាធរអប្សរា ហើយបន្ទាប់មក គ្រោងនឹងយកទៅបង្ហាញក្នុងព្រឹត្តិការណ៍អង្គរសង្ក្រាន្តចាប់ពីថ្ងៃទី ១៤ ដល់ថ្ងៃទី១៦ ខែមេសា ខាងមុខនេះ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
20 ម៉ោង
