ជាតិ
សង្គមជាតិ
យុវជនជិត១០០នាក់ជិះកង់ផ្សព្វផ្សាយបរិស្ថានភ្ជាប់នឹងព្រឹត្តិការណ៍អង្គរសង្ក្រាន្ត
×![]()
សៀមរាប៖ យុវជនប្រមាណជិត១០០នាក់ បាននាំគ្នាជិះកង់ ក្រោមពាក្យស្លោក «សៀមរាបស្អាត អង្គរសង្ក្រាន្តអស្ចារ្យ»។ ការជិះកង់របស់យុវជន ក្រៅពីគោលបំណងលើកកម្ពស់សោភណ្ឌភាពខេត្តសៀមរាបហើយនោះ ក្នុងនោះក៏ដើម្បីផ្សព្វផ្សាយ និងពញ្ញាក់អារម្មណ៍ដល់ភ្ញៀវទេសចរឲ្យដឹងថា ព្រឹត្តិការណ៍អង្គរសង្ក្រាន្តឆ្នាំ២០១៥ នឹងឈានចូលមកដល់ឆាប់ៗនេះហើយ។
យុវជនស្ម័គ្រចិត្តសហភាពសហព័ន្ធយុវជនកម្ពុជាជិត១០០ នាក់ បានជួបជុំគ្នាជិះកង់ ក្នុងបំណងលើកកម្ពស់បរិស្ថាន និងផ្សព្វផ្សាយព្រឹត្តិការណ៍អង្គរសង្ក្រាន្តលើកទី៣ នៅខេត្តសៀមរាប។ ក្បួនជិះកង់ បានចេញពីទីសក្ការៈព្រះអង្គចេកព្រះចម ខ្ពស់ទៅគោលដៅប្រាសាទអង្គរវត្ត និងបន្តរហូតដល់លានជល់ដំរី ដែលជាគោលដៅចុងក្រោយ។
លោក សោម រតនា ដែលដឹកនាំក្បួនជិះកង់ បានឲ្យដឹងថា ការរៀបចំឲ្យមានការជិះកង់របស់យុវជននៅពេលនេះ គឺមានសារសំខាន់ណាស់ ដើម្បីលើកកម្ពស់ការយល់ដឹងពីការការពារបរិស្ថាន និងសុខភាព។ អ្នកនាំពាក្យព្រឹត្តិការណ៍អង្គរសង្ក្រាន្តរូបនេះ បានបន្តថា៖« យើងចង់ឲ្យភ្ញៀវទេសចរទាំងអស់ដឹងថា ក្រៅពីពួកគេចាប់អារម្មណ៍សៀមរាបហើយ ក៏ត្រូវចាប់អារម្មណ៍ព្រឹត្តិការណ៍អង្គរសង្ក្រាន្តផងដែរ»។
ការជិះកង់ផ្សព្វផ្សាយព្រឹត្តិការណ៍អង្គរសង្ក្រាន្ត ចាប់ផ្តើមនៅម៉ោង៧ព្រឹក និងបញ្ចប់ត្រឹមម៉ោងជាង១០ ថ្ងៃទី១៤ ខែមិនា។ កម្មវិធីនេះ ក៏មានឈប់លេងល្បែងប្រជាប្រិយនៅមុខប្រាសាទអង្គរវត្តផង ទើបបន្តដំណើរទៅបញ្ចប់កម្មវិធីនៅលានជល់ដំរី។ ក្នុងកម្មវិធីនេះដែរ ក្រុមយុវជន ក៏បានបង្ហាញរូបភាព ការនាំគ្នាជួយសម្អាតបរិស្ថានផងដែរ។
លោក សោម រតនា បានឲ្យដឹងថា នៅឆ្នាំនេះមានការបន្ថែមកំលាំងសម្រាប់បញ្ហាអនាម័យ។ លោកថា ក្នុងនោះអាជ្ញាធរអប្សរា បានបន្ថែមធុងសម្រាបនៅកន្លែងរៀបចំព្រឹត្តិការណ៍ ហើយក៏មានការផ្សព្វផ្សាយការយល់ដឹងដល់អ្នកចូលរួមជាដើម។ ទាក់ទងនឹងបញ្ហាចរាចរណ៍វិញដូចគ្នា លោក សោម រតនា ក៏បានអះអាងស្រដៀងគ្នានឹងបញ្ហាអនាម័យដែរ ដែលបញ្ហានេះ កន្លងមកត្រូវបានមើលឃើញ មានបញ្ហាស្មុគស្មាញក្រោយអង្គរសង្ក្រាន្តបានបញ្ចប់៕
យុវជនស្ម័គ្រចិត្តសហភាពសហព័ន្ធយុវជនកម្ពុជាជិត១០០ នាក់ បានជួបជុំគ្នាជិះកង់ ក្នុងបំណងលើកកម្ពស់បរិស្ថាន និងផ្សព្វផ្សាយព្រឹត្តិការណ៍អង្គរសង្ក្រាន្តលើកទី៣ នៅខេត្តសៀមរាប។ ក្បួនជិះកង់ បានចេញពីទីសក្ការៈព្រះអង្គចេកព្រះចម ខ្ពស់ទៅគោលដៅប្រាសាទអង្គរវត្ត និងបន្តរហូតដល់លានជល់ដំរី ដែលជាគោលដៅចុងក្រោយ។
លោក សោម រតនា ដែលដឹកនាំក្បួនជិះកង់ បានឲ្យដឹងថា ការរៀបចំឲ្យមានការជិះកង់របស់យុវជននៅពេលនេះ គឺមានសារសំខាន់ណាស់ ដើម្បីលើកកម្ពស់ការយល់ដឹងពីការការពារបរិស្ថាន និងសុខភាព។ អ្នកនាំពាក្យព្រឹត្តិការណ៍អង្គរសង្ក្រាន្តរូបនេះ បានបន្តថា៖« យើងចង់ឲ្យភ្ញៀវទេសចរទាំងអស់ដឹងថា ក្រៅពីពួកគេចាប់អារម្មណ៍សៀមរាបហើយ ក៏ត្រូវចាប់អារម្មណ៍ព្រឹត្តិការណ៍អង្គរសង្ក្រាន្តផងដែរ»។
ការជិះកង់ផ្សព្វផ្សាយព្រឹត្តិការណ៍អង្គរសង្ក្រាន្ត ចាប់ផ្តើមនៅម៉ោង៧ព្រឹក និងបញ្ចប់ត្រឹមម៉ោងជាង១០ ថ្ងៃទី១៤ ខែមិនា។ កម្មវិធីនេះ ក៏មានឈប់លេងល្បែងប្រជាប្រិយនៅមុខប្រាសាទអង្គរវត្តផង ទើបបន្តដំណើរទៅបញ្ចប់កម្មវិធីនៅលានជល់ដំរី។ ក្នុងកម្មវិធីនេះដែរ ក្រុមយុវជន ក៏បានបង្ហាញរូបភាព ការនាំគ្នាជួយសម្អាតបរិស្ថានផងដែរ។
លោក សោម រតនា បានឲ្យដឹងថា នៅឆ្នាំនេះមានការបន្ថែមកំលាំងសម្រាប់បញ្ហាអនាម័យ។ លោកថា ក្នុងនោះអាជ្ញាធរអប្សរា បានបន្ថែមធុងសម្រាបនៅកន្លែងរៀបចំព្រឹត្តិការណ៍ ហើយក៏មានការផ្សព្វផ្សាយការយល់ដឹងដល់អ្នកចូលរួមជាដើម។ ទាក់ទងនឹងបញ្ហាចរាចរណ៍វិញដូចគ្នា លោក សោម រតនា ក៏បានអះអាងស្រដៀងគ្នានឹងបញ្ហាអនាម័យដែរ ដែលបញ្ហានេះ កន្លងមកត្រូវបានមើលឃើញ មានបញ្ហាស្មុគស្មាញក្រោយអង្គរសង្ក្រាន្តបានបញ្ចប់៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
23 ម៉ោង
