ជាតិ
សង្គមជាតិ
រដ្ឋមន្ត្រីក្រសួងវប្បធម៌ជម្រុញឲ្យយកមន្ត្រីថ្នាក់ក្រោមយកចិត្តទុកដាក់លើអ្នកសិល្បៈចាស់ៗ
×
សៀមរាប៖ រដ្ឋមន្ត្រីក្រសួងវប្បធម៌ និងវិចិត្រសិល្បៈ លោកស្រី ភឿង សកុណា មានប្រសាសន៍ថា សិល្បៈវប្បធម៌អរូបិយ មានសារៈសំខាន់ដែលមិនអាចកាត់ថ្លៃបាន។ ប៉ុន្តែលោកស្រី បានសម្តែងការព្រួយបារម្ភជាខ្លាំងចំពោះការបាត់បង់សិល្បៈអរូបិយទាំងនោះ ដោយក្នុងនោះមានការវ័យជរារបស់សិល្បៈករ សិល្បៈការិនីខ្មែរជាដើម។ ទាក់ទងនឹងបញ្ហានេះ លោកស្រី បានរម្លឹកដល់មន្ទីរវប្បធម៌ខេត្តទាំងអស់ ត្រូវយកចិត្តទុកដាក់ និងមិនត្រូវឲ្យសិល្បៈករ សិល្បៈការិនីខ្មែរ ដែលមានវ័យចំណាស់ រស់នៅឯកាតែឯងនោះទេ។ ជាងនេះទៅទៀតនោះ ក៏មិនត្រូវឲ្យពួកគាត់ស្លាប់ទៅ ដោយមិនទាន់បានផ្ទេរចំណេះដឹងសិល្បៈ ដល់អ្នកសិល្បៈជំនាន់ក្រោយនោះដែរ។ ការថ្លែងបែបនេះរបស់លោកស្រី ធ្វើឡើងនៅព្រឹកថ្ងៃចន្ទ ទី១៦ ខែមិនានេះ ក្នុងឳកាសបើកវគ្គបណ្តុះបណ្តាលរយៈពេល៥ថ្ងៃ នៅទីក្រុងសៀមរាប ស្តីពីការកសាងសមត្ថភាពលើការអនុសញ្ញាឆ្នាំ២០០៣ ស្តីពីការការពារបេតិកភណ្ឌវប្បធម៌អរូបិយ ឆ្ពោះទៅកាន់ការអភិរក្សបណ្ណសារតាមប្រព័ន្ធព័ត៌មានវិទ្យា ដែលរៀបចំឡើងដោយក្រសួងវប្បធម៌ និងវិចិត្រសិល្បៈ សហការជាមួយការិយាល័យអង្គការយូណេស្គូកម្ពុជា។
សូមស្តាប់ប្រសាសន៍របស់លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ដូចតទៅ។
© រក្សាសិទ្ធិដោយ thmeythmey.com