ជាតិ
នយោបាយជាតិ
លោក សម រង្ស៊ី គ្រោងជួបលោក ហ៊ុន សែន ក្រោយចូលឆ្នាំដើម្បីដោះស្រាយរឿងលោក មាជ សុវណ្ណារ៉ា
×![]()
ដោយ: ធឿន បញ្ញាឬទិ្ធ
ប្រធានគណបក្សសង្គ្រោះជាតិ លោក សម រង្ស៊ី គ្រោងជួបជាមួយលោកនាយករដ្ឋមន្ត្រី ហ៊ុន សែន នៅក្រោយពិធីចូលឆ្នាំខ្មែរ ដើម្បីជជែកពិភាក្សាដោះស្រាយលើបញ្ហាលោក មាជ សុវណ្ណារ៉ា ដែលកំពុងជាប់ឃុំនៅពន្ធនាគារព្រៃស ។ នេះបើតាមលោក យ៉ែម បុញ្ញាឬទ្ធិ អ្នកនាំពាក្យគណបក្សប្រឆាំង ។
ថ្លែងប្រាប់សារព័ត៌មានថ្មីៗនៅថ្ងៃចន្ទនេះ លោក យ៉ែម បុញ្ញាឫទ្ធិ បានបញ្ជាក់ថា ថ្នាក់ដឹកនាំគណបក្សសង្គ្រោះជាតិ បានគិតគូរពីបញ្ហាលោក មាជ សុវណ្ណារ៉ាជាយូរណាស់មកហើយ ។ ប៉ុន្ដែដោយសារតែគណបក្សសង្គ្រោះជាតិ មានកិច្ចការមួយចំនួនដែលត្រូវបញ្ចប់ជាមុនសិន ទើបថ្នាក់ដឹកនាំគណបក្សសម្រេចយកពេលវេលា ក្រោយពិធីបុណ្យចូលឆ្នាំខ្មែរដើម្បីជជែកពិភាក្សាជាមួយថ្នាក់ដឹកនាំគណបក្សប្រជាជនកម្ពុជា។
ដោយមិនបានបញ្ជាក់ពីកាលបរិច្ឆេទច្បាស់លាស់ លោក យ៉ែម បុញ្ញាឫទ្ធិ បានលើកឡើងថា៖« គណបក្សសង្គ្រោះជាតិមានកិច្ចការងារជាច្រើនដែលត្រូវធ្វើ យើងជំរុញឲ្យកិច្ចការកំណែទម្រង់គជបចប់សព្វគ្រប់សិន ។ ថ្នាក់ដឹកនាំគណបក្សតែងតែគិតពីបញ្ហានានាក្នុងបក្ស ហើយលោកនឹងសុំជួបជាមួយថ្នាក់ដឹកនាំគណបក្សប្រជាជននៅក្រោយចូលឆ្នាំថ្មីហើយ » ។
អ្នកនាំពាក្យបក្សប្រឆាំងរូបនេះមិនទាន់អាចបញ្ជាក់ពីក្តីសង្ឈឹមថា ការជជែកពិភាក្សាដោះស្រាយលើបញ្ហាលោក មាជ សុវណ្ណារ៉ា ដែលប្រធានគណបក្សគ្រោងនឹងពិភាក្សាជាមួយគណបក្សកាន់អំណាចនោះ និងមានលទ្ធផលវិជ្ជមាន ឬយ៉ាងណាដែរទេ ? ។ ប៉ុន្ដែលោកគ្រាន់តែបញ្ជាក់ថា តាមការត្រួតពិនិត្យ និងតាមដានជាក់ស្ដែង គឺលោក មាជ សុវណ្ណ មិនបានប្រព្រឹត្តិខុស ហើយក៏ពុំមានភស្ដុតាងអ្វីចោទប្រកាន់រូបលោកនោះដែរ ។
កន្លងមកលោក មាជ សុវណ្ណារ៉ា បានទទូចស្នើម្ដង ជាពីរដងឲ្យមានជំនួបថ្នាក់កំពូលរវាងលោក សម រង្ស៊ី និងលោក ហ៊ុន សែន ក្នុងការអន្តរាគមន៍ដោះលែងរូបលោក ។ លោកថាមានតែថ្នាក់ដឹកនាំគណបក្សសង្គ្រោះជាតិ គឺលោក សម រង្ស៊ី ជួបជាមួយលោក ហ៊ុន សែនទេ ដែលអាចអន្តរាគមន៍ជួយឲ្យរូបលោកនៅក្រៅឃុំបាន «រឿងនយោបាយគឺមានអ្នកនយោបាយទេ ដែលអាចដោះស្រាយបាន ។ បើលោកសម រង្ស៊ី មិនជួបជាមួយលោក ហ៊ុន សែនទេ រូបលោកគឺមិនអាចបានចេញឡើយ » ។ នេះជាការទទូចរបស់លោក មាជ សុវណ្ណារ៉ា នាពេលកន្លងមក ។
មន្ត្រីរបស់គណបក្សសង្គ្រោះជាតិ លោក មាជ សុវណ្ណារ៉ា ត្រូវបានកម្លាំងសមត្ថកិច្ចចាប់ខ្លួនពាក់ព័ន្ធនឹងករណីអំពើហិង្សាបណ្ដាលឲ្យ សន្ដិសុខក្រុងភ្នំពេញរបួសជាង៤០នាក់ នៅទីលានប្រជាធិបតេយ្យ កាលពីថ្ងៃទី១៥ខែកក្កដា ឆ្នាំ២០១៤ ក្រោមបទចោទប្រកាន់រូបលោក ដឹកនាំតវ៉ា ហិង្សាដោយចេតនាមានស្ថានទម្ងន់ទោស និងកុប្បកម្ម ៕
ថ្លែងប្រាប់សារព័ត៌មានថ្មីៗនៅថ្ងៃចន្ទនេះ លោក យ៉ែម បុញ្ញាឫទ្ធិ បានបញ្ជាក់ថា ថ្នាក់ដឹកនាំគណបក្សសង្គ្រោះជាតិ បានគិតគូរពីបញ្ហាលោក មាជ សុវណ្ណារ៉ាជាយូរណាស់មកហើយ ។ ប៉ុន្ដែដោយសារតែគណបក្សសង្គ្រោះជាតិ មានកិច្ចការមួយចំនួនដែលត្រូវបញ្ចប់ជាមុនសិន ទើបថ្នាក់ដឹកនាំគណបក្សសម្រេចយកពេលវេលា ក្រោយពិធីបុណ្យចូលឆ្នាំខ្មែរដើម្បីជជែកពិភាក្សាជាមួយថ្នាក់ដឹកនាំគណបក្សប្រជាជនកម្ពុជា។
ដោយមិនបានបញ្ជាក់ពីកាលបរិច្ឆេទច្បាស់លាស់ លោក យ៉ែម បុញ្ញាឫទ្ធិ បានលើកឡើងថា៖« គណបក្សសង្គ្រោះជាតិមានកិច្ចការងារជាច្រើនដែលត្រូវធ្វើ យើងជំរុញឲ្យកិច្ចការកំណែទម្រង់គជបចប់សព្វគ្រប់សិន ។ ថ្នាក់ដឹកនាំគណបក្សតែងតែគិតពីបញ្ហានានាក្នុងបក្ស ហើយលោកនឹងសុំជួបជាមួយថ្នាក់ដឹកនាំគណបក្សប្រជាជននៅក្រោយចូលឆ្នាំថ្មីហើយ » ។
អ្នកនាំពាក្យបក្សប្រឆាំងរូបនេះមិនទាន់អាចបញ្ជាក់ពីក្តីសង្ឈឹមថា ការជជែកពិភាក្សាដោះស្រាយលើបញ្ហាលោក មាជ សុវណ្ណារ៉ា ដែលប្រធានគណបក្សគ្រោងនឹងពិភាក្សាជាមួយគណបក្សកាន់អំណាចនោះ និងមានលទ្ធផលវិជ្ជមាន ឬយ៉ាងណាដែរទេ ? ។ ប៉ុន្ដែលោកគ្រាន់តែបញ្ជាក់ថា តាមការត្រួតពិនិត្យ និងតាមដានជាក់ស្ដែង គឺលោក មាជ សុវណ្ណ មិនបានប្រព្រឹត្តិខុស ហើយក៏ពុំមានភស្ដុតាងអ្វីចោទប្រកាន់រូបលោកនោះដែរ ។
កន្លងមកលោក មាជ សុវណ្ណារ៉ា បានទទូចស្នើម្ដង ជាពីរដងឲ្យមានជំនួបថ្នាក់កំពូលរវាងលោក សម រង្ស៊ី និងលោក ហ៊ុន សែន ក្នុងការអន្តរាគមន៍ដោះលែងរូបលោក ។ លោកថាមានតែថ្នាក់ដឹកនាំគណបក្សសង្គ្រោះជាតិ គឺលោក សម រង្ស៊ី ជួបជាមួយលោក ហ៊ុន សែនទេ ដែលអាចអន្តរាគមន៍ជួយឲ្យរូបលោកនៅក្រៅឃុំបាន «រឿងនយោបាយគឺមានអ្នកនយោបាយទេ ដែលអាចដោះស្រាយបាន ។ បើលោកសម រង្ស៊ី មិនជួបជាមួយលោក ហ៊ុន សែនទេ រូបលោកគឺមិនអាចបានចេញឡើយ » ។ នេះជាការទទូចរបស់លោក មាជ សុវណ្ណារ៉ា នាពេលកន្លងមក ។
មន្ត្រីរបស់គណបក្សសង្គ្រោះជាតិ លោក មាជ សុវណ្ណារ៉ា ត្រូវបានកម្លាំងសមត្ថកិច្ចចាប់ខ្លួនពាក់ព័ន្ធនឹងករណីអំពើហិង្សាបណ្ដាលឲ្យ សន្ដិសុខក្រុងភ្នំពេញរបួសជាង៤០នាក់ នៅទីលានប្រជាធិបតេយ្យ កាលពីថ្ងៃទី១៥ខែកក្កដា ឆ្នាំ២០១៤ ក្រោមបទចោទប្រកាន់រូបលោក ដឹកនាំតវ៉ា ហិង្សាដោយចេតនាមានស្ថានទម្ងន់ទោស និងកុប្បកម្ម ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
5 ម៉ោង
