រដ្ឋាភិបាលគ្រោងផ្តល់រង្វាន់ប្រចាំឆ្នាំដល់នាយកសាលាឆ្នើម៣នាក់ និងគ្រូឆ្នើម៥នាក់

ជាតិ

សង្គមជាតិ

រដ្ឋាភិបាលគ្រោងផ្តល់រង្វាន់ប្រចាំឆ្នាំដល់នាយកសាលាឆ្នើម៣នាក់ និងគ្រូឆ្នើម៥នាក់

19, Mar 2015 , 10:50 am

រូបភាព

ដោយ: រួបរួម

រដ្ឋាភិបាលកម្ពុជា បានបង្ហាញពីការតាំងចិត្តក្នុងការផ្តល់តម្លៃជាពិសេសដល់គ្រូបង្រៀននៅក្នុងប្រទេសកម្ពុជា តាមរយៈគម្រោងក្នុងការរៀបចំរង្វាន់ប្រចាំឆ្នាំដល់នាយកសាលាឆ្នើម៣នាក់ និងគ្រូបង្រៀនឆ្នើម៥នាក់។ នេះបើតាមការលើកឡើងរបស់លោកនាយករដ្ឋមន្ត្រី ហ៊ុន សែន នាព្រឹកថ្ងៃទី១៩ ខែមីនា ឆ្នាំ២០១៥ នាពិធីចែកបណ្ណអាហារូបករណ៍ដល់និស្សិតនៃសាកលវិទ្យាល័យកម្ពុជានៅវិទ្យាស្ថានជាតិអប់រំ។

ការផ្តល់តម្លៃជាពិសេសដល់គ្រូបង្រៀននៅក្នុងប្រទេស បន្ទាប់ពីអ្នកស្រី នាង ផល្លា នៃអង្គការគ្រួសារថ្មី បានក្លាយជាគ្រូបង្រៀនម្នាក់ដែលនាំឲ្យកម្ពុជាមានឈ្មោះល្បីល្បាញលើពិភពលោក តាមរយៈការឈានទៅដល់បេក្ខជន១០នាក់ចុងក្រោយសម្រាប់រង្វាន់ Global Teacher Prize របស់មូលនិធិ Varkey Foundation ដែលមានទីស្នាក់ការនៅទីក្រុងឌូបៃ ប្រទេសអារ៉ាប់រួម អេមីរ៉េត។

លោក ហ៊ុន សែន បានលើកឡើងថា៖ «ករណីអ្នកគ្រូ នាង ផល្លា បើទោះបីជាមិនបានជាប់ចំណាត់ថ្នាក់លេខ១ក៏ដោយ ប៉ុន្តែការជាប់ក្នុងចំណោម២០០ប្រទេស ហើយឡើងទៅកាន់១០នាក់កំពូលមិនមែនជារឿងធម្មតាទេ […] យើងចង់មានគ្រូបង្រៀនបែបនេះច្រើនទៀត»។

ប្រមុខរដ្ឋាភិបាលបានលើកឡើងថា លោករដ្ឋមន្ត្រីក្រសួងអប់រំ យុវជន និងកីឡា ហង់ ជួន ណារ៉ុន បានស្នើសុំឲ្យមានការជ្រើសរើសនាយកសាលាល្អ៣នាក់ និងគ្រូបង្រៀនឆ្នើម៥នាក់ ក្នុងមួយឆ្នាំ។

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

6 ថ្ងៃ

«ប្រទានកម្ម»មានន័យដូចម្តេច?

23 ម៉ោង

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

2 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

3 ថ្ងៃ

អត្ថបទពេញនិយមបន្ថែម